હવે આધાર કાર્ડને ચૂંટણી કાર્ડની સાથે જોડવું ફરજિયાત થશે

ચૂંટણી પંચની આધાર અને ચૂંટણી કાર્ડને લિંક કરવાની યોજના

ચૂંટણી પંચ જલદી જ આધાર અને ચૂંટણી કાર્ડને એકસાથે જોડવાની યોજના બનાવી રહ્યું છે. આ યોજનાને કાયદાકીયરીતે અમલ કરવાની પ્રક્રિયા પર કામ ચાલી રહ્યું છે. આ માટે તે અંગેનું કાયદાકીય સંશોધન કરવામાં આવશે. ચૂંટણી પંચે રિપ્રેઝેન્ટેશન ઓફ પીપલ એક્ટ 1951માં સંશોધનનો પ્રસ્તાવ મૂક્યો છે. આ હેઠળ ચૂંટણી કાર્ડને 12 આંકડાવાળા આધાર નંબરની સાથે જોડવાનું ફરજિયાત કરવામાં આવશે. આમાં લોકોની પ્રાઈવસીનું પણ સંપૂર્ણ ધ્યાન રાખવામાં આવશે.
અમારા ન્યૂઝ Whatsapp પર મેળવવા અહીં ક્લિક કરો

પહેલાં આધાર કાર્ડને ચૂંટણી કાર્ડની સાથે જોડવું જરૂરી નહોતું

જો ચૂંટણી કાર્ડને આધાર કાર્ડની સાથે લિંક કરવામાં આવશે તો નકલી મતદાતાઓ પર કાબૂ મેળવી શકાશે. આ હેઠળ ચૂંટણી પંચ જલદી જ કાયદા મંત્રાલયને પ્રસ્તાવ મોકલવાનું છે. આ પહેલાં આધાર કાર્ડને ચૂંટણી કાર્ડની સાથે જોડવું જરૂરી નહોતું. ત્યારે માર્ચ 2015 સુધી ચૂંટણી પંચે લગભગ 38 કરોડ મતદાતાઓના આધાર ચૂંટણી કાર્ડની સાથે લિંક કર્યા હતા. ભારતમાં અત્યારે લગભગ 75 કરોડ મતદાતા છે. જેનો મતલબ એ છે કે હજુ પણ 37 કરોડ મતદાતાઓનો આધાર ચૂંટણી કાર્ડની સાથે લિંક થયા નથી.

જો આવું થાય તો નકલી મતદાતાઓને મોટાપાયે રોકી શકાશે

ત્યારબાદ સુપ્રીમ કોર્ટે ઓગસ્ટ 2015માં આધાર અંગે નિર્ણય લીધો અને ત્યારબાદ ચૂંટણી પંચે આધાર અને વોટર આઈડી કાર્ડનું જોડાણ રોકી દીધું. વર્ષ 2017માં ચૂંટણી પંચે ફરી સુપ્રીમ કોર્ટમાં આ આધાર કાર્ડ અને ચૂંટણી કાર્ડના લિંક અંગેની મંજૂરી માટે અરજી કરી. 26 સપ્ટેમ્બરે સુપ્રીમ કોર્ટે એવો નિર્ણય આપ્યો હતો કે કાયદાકીય આધાર સિવાય કેટલીક સેવાઓને આધારની સાથે જોડી શકાય નહીં. આ મુદ્દે ચૂંટણી પંચે આધાર જાહેર કરનાર ઓથોરિટી યુઆઈડીએઆઈ પાસે પણ મંજૂરી માગી હતી. જો આવું થાય તો ખોટા મતદાતાઓને મોટાપાયે રોકી શકાશે. આધાર કાર્ડ તો પાન કાર્ડ અને બેન્ક એકાઉન્ટની સાથે પણ લિંક છે. જો કોઈ ગરબડ થશે તો એક જ લિંકમાં બધો જ ખ્યાલ આવી જશે.


from Page Array – I Am Gujarat https://ift.tt/2EkZhFD