લગ્ન માટે ખૂબ જ જરૂરી છે વેડિંગ ઈન્શ્યોરન્સ પોલિસી, જાણો તેના ફાયદા

વેડિંગ ઈન્શ્યોરન્સ પોલિસી મોટા નુક્સાનથી બચાવશે

લગ્નમાં લોકો ખૂબ જ ખર્ચો કરે છે પણ ક્યારેય લગ્નનો ઈન્શ્યોરન્સ નથી કરાવતા, તો ચાલો જાણીએ વેડિંગ ઈન્શ્યોરન્સ પોલિસી તમને મોટા નુક્સાનથી કેવી રીતે બચાવી શકે છે. લગ્નની તૈયારી અને ત્યારબાદ લગ્નમાં થતા ખર્ચા માટેનો ઈન્શ્યોરન્સ કરાવવો જરૂરી છે. એક વેડિંગ ઈન્શ્યોરન્સ તમને અન્ય ખર્ચાની સાથે એક વધુ ખર્ચા જેવો લાગે છે પણ જો કોઈ કારણસર તમારે જો લગ્નનો કાર્યક્રમ કેન્સલ કરવો પડે તો તે નુક્સાનથી આ વેડિંગ ઈન્શ્યોરન્સ થકી બચી શકાય છે.

અમારા ન્યૂઝ Whatsapp પર મેળવવા અહીં ક્લિક કરો

જાણો વેડિંગ ઈન્શ્યોરન્સ પોલિસી લેવાના ફાયદા

એક વેડિંગ ઈન્શ્યોરન્સ તમને પર્સનલ એક્સિડેન્ટ, મૃત્યુ, દિવ્યાંગ થઈ જવું, લગ્ન કેન્સલ થવા, વેડિંગ સ્થળને કોઈ નુક્સાન થવું વગેરે કારણોથી જો લગ્નનો કાર્યક્રમ કેન્સલ થાય અથવા તેને મુલતવી રાખવામાં આવે તો તમને આ ઈન્શ્યોરન્સ થકી વળતર મળે છે. જો તમારી કોઈ જ્વેલરીને નુક્સાન થાય તો પણ આ ઈન્શ્યોરન્સ તમારી રક્ષા કરે છે. જો કોઈ દુલ્હો દહેજની માગ પૂરી નહીં થવાના કારણે લગ્ન કરવાની ના પાડે ત્યારે પણ આ વેડિંગ ઈન્શ્યોરન્સ તરફથી વળતર મળે છે.

વેડિંગ ઈન્શ્યોરન્સમાં આ ચીજવસ્તુઓનો સમાવેશ થાય છે

ચોરી અને આગના કારણે જો લગ્નના સ્થળને નુક્સાન થાય અથવા ભૂકંપ જેવી કુદરતી આપત્તિના કારણે લગ્ન કેન્સલ અથવા મુલતવી રાખવામાં આવે, કેટરિંગ, ડેકોરેટર્સને આપવામાં આવેલા એડવાન્સ રૂપિયા, હોટેલ રિઝર્વેશન, ટિકિટ, કાર્ડના પ્રિન્ટિંગ વગેરે પર થતા ખર્ચને આ વેડિંગ ઈન્શ્યોરન્સ કવર કરે છે. આ સિવાય અન્ય કારણસર જો લગ્ન કેન્સલ થાય તો ત્યારે ઈન્શ્યોરન્સ પોલિસી તરફથી વળતર મળે છે.

વેડિંગ ઈન્શ્યોરન્સ માટે કેટલો ખર્ચો થાય છે?

ઈન્શ્યોરન્સ પ્રીમિયમની સાઈઝ ઘણી બાબતો પર આધારિત છે, જેમાં લગ્નનું સ્તર, લગ્નની જગ્યા અને તેનો સમય મહત્ત્વનો ભાગ ભજવે છે. અલગ-અલગ લગ્ન પ્રમાણે તેનું પ્રીમિયમ પણ વિવિધ ઈન્શ્યોરન્સ કંપની મુજબ જુદું હોય છે. સામાન્યરીતે ઈન્શ્યોરન્સનું પ્રીમિયમ 1 ટકા જેટલું જોવા મળતું હોય છે. ધારો કે તમે 20 લાખ રૂપિયાનો લગ્નનો ઈન્શ્યોરન્સ કરાવો છો તો તમારું પ્રીમિયમ લગભગ 20 હજારની આસપાસ આવી શકે છે. પ્રથમ નજરે જોતા તમને એવું લાગે કે આ 20 હજારનો ખર્ચો ખોટો છે પણ જો 20 લાખના લગ્ન કેન્સલ થાય તો મોટું નુક્સાન થઈ શકે છે. માટે આ લગ્ન માટેનો ઈન્શ્યોરન્સ હવે જરૂરી થઈ ગયો છે.

from Page Array – I Am Gujarat https://ift.tt/2rHbL2N