પેનિસ વિશે તો ઘણું જાણતાં હશો પણ શું ટેસ્ટિકલ્સની આ વાત જાણો છો?

ટેસ્ટિકલ્સ પ્રત્યે બેધ્યાન

સામાન્ય રીતે જ્યારે વાત શરીરની આવે ત્યારે પુરુષોમાં સિક્સ પેક હોવાનો ક્રેઝ જોવા મળે છે. કસરતથી સ્વાસ્થ્યને સારુ રાખી શકાય છે પરંતુ હૃદય, આંખ, ફેફસા ઉપરાંત શરીરના અન્ય ભાગોનું પણ ધ્યાન રાખવું એકદમ જરુરી છે. સામાન્ય રીતે એવું જોવા મળ્યું છે કે પુરુષો ટેસ્ટિકલ્સ પ્રત્યે જોઈએ તેવું ધ્યાન આપતાં નથી એટલે કે તેની તરફ દુર્લક્ષતાં સેવતાં જોવા મળે છે.

અમારા ન્યૂઝ Whatsapp પર મેળવવા અહીં ક્લિક કરો

વધારે છે પેનિસની કાર્યક્ષમતાં

પુરૂષો પેનિસની સફાઈ તેમજ તેની કાર્યક્ષમતા વિશે જાણવા માટે ઉત્સુક હોય છે પરંતુ ટેસ્ટિકલ્સ પ્રત્યે તદ્દન બેધ્યાન હોય છે. સામાન્ય રીતે એવું માનવામાં આવે છે કે ઈરેક્ટાઈલ ડિસફંક્શનલ એ પેનિસની સમસ્યા છે. જોકે, એવું નથી આ સમસ્યા ટેસ્ટિકલ્સને લીધે જ થાય છે. ટેસ્ટિકલ્સમાં રહેલા એસ્ટ્રોજોન્સ અને અન્ય પ્રકારના હોર્મોન પેનિસની કાર્યક્ષમતાં વધારે છે.

અનેક બાબતોની થાય છે જાણ

ટેસ્ટિકલ્સ સાથે શરીરની અનેક બાબતો જોડાયેલી હોય છે. તેના પરથી જ પુરુષની શારીરિક અવસ્થાનો તાગ મેળવી શકાય છે તેમજ ફર્ટિલિટી જેવી બાબતો પણ જાણી શકાય છે. જોકે, થોડું ધ્યાન રાખવામાં આવે તો ટેસ્ટિકલ્સ પરથી જ કેટલીક શારીરિક બાબતો જાણી શકાય છે. ટેસ્ટિકલ્સ એ પુરુષ શરીરરચનાનો એક ભાગ છે. જે ક્યારેય સંપૂર્ણપણે સામાન્ય નથી હોતાં.

જો ટેસ્ટિકલ્સમાં દર્દ થતું હોય તો?

એક્સપર્ટ્સના જણાવ્યાનુસાર ટેસ્ટિકલ્સમાં દર્દ થવું એ સામાન્ય વાત છે. એ એક માથાના દુખાવા જેવી જ પ્રક્રિયા છે. પરંતુ જો આ દર્દ વારંવાર થતું હોય તો તમારે ચેતી જવાની જરુર છે. આ ઉપરાંત જો ટેસ્ટિકલ્સ પરની ચામડીનો રંગ બદલાઈ જાય તો તે ગંભીર બાબત છે. ક્યારેક ચામડી લાલાશ પડતી લાગે અને ફોલ્લાં દેખાય તો તરત જ ડોક્ટરનો સંપર્ક કરવો.

જ્યારે ટેસ્ટિકલ્સમાં ઈજા થાય તો?

એક્સપર્ટ્સના જણાવ્યાનુસાર જો ટેસ્ટિકલ્સમાં ઈજા થાય તો એ ધ્યાનમાં રાખવું જોઈએ કે ટેસ્ટિકલમાં ક્યા ભાગે ઈજા થઈ છે. જો બરાબર વચ્ચે ઈજા થાય અને વૃષણને કોઈ નુકસાન પહોંચે અને ભયંકર દુઃખાવો થતો હોય તો બની શકે કે તમને અંદર જ બ્લિડિંગ થતું હોય પરંતુ જો ટેસ્ટિકલ્સને અંડકોષમાં મૂવ થવાની જગ્યા હોય તો વધારે ઈજા પહોંચતી નથી.

ટેસ્ટિકલ એકસરખાં ન હોય તો?

સામાન્ય રીતે એવું જોવા મળે છે કે બન્ને ટેસ્ટિકલની સાઈઝ સરખી હોતી નથી. આવું થવા પાછળનું કારણ છે કે શારીરિક રચનાના આધારે બ્લડ સપ્લાય તેમજ શરીરની અનેક પ્રક્રિયાઓ નક્કી થતી હોય છે. જેમાં જમણી સાઈડના ટેસ્ટિકલની નસો કિડની સાથે જોડાયેલી હોય છે જ્યારે ડાબી સાઈડનું ટેસ્કિટકલ એક કોણ બનાવતું જોવા મળે છે. જેથી જો ટેસ્ટિકલમાં ફરક જોવા મળે તો તે તદ્દન સામાન્ય છે.

સ્ટેરોઈડ અને દવાઓની અસર

એક્સપર્ટ્સ અનુસાર નાના ટેસ્ટિકલ્સ હોય તો ખાસ કિસ્સામાં જ અસર પડે છે. આ કિસ્સાઓમાં સામાન્ય રીતે એવું જોવા મળ્યું છે કે ટેસ્ટિકલ્સ હોર્મોન્સ ઉત્પન્ન કરવામાં સફળ હોય પરંતુ સ્પર્મ ક્રિએટ કરવામાં નિષ્ફળ રહ્યાં હોય. આવા કિસ્સાઓમાં પ્રજનનક્ષમતાં પર અસર પડે છે. સ્ટેરોઈડ અને અમુક પ્રકારની દવાઓની અસર પડે છે. જેથી ટેસ્ટિકલ્સ સંકોચાઈ જાય છે. જોકે, મોટાભાગના કિસ્સાઓમાં કદનું કોઈ જ કામ નથી.

ઉંમરની સાથે ટેસ્ટિકલ્સમાં આવતાં બદલાવ

સામાન્ય રીતે ઉંમરની સાથે ટેસ્ટિકલ્સમાં પણ બદલાવ જોવા મળે છે. ઉંમરની સાથે શરીરમાં ટેસ્ટેસ્ટેરોન ઉત્સર્જન થવાનું પ્રમાણ પણ ઘટી જાય છે. આવા કારણોસર ક્યારેક એવું જોવા મળે છે કે ટેસ્ટિકલ્સ સંકોચાઈ જાય અથવા તો વધારે પ્રમાણમાં સોફ્ટ થઈ જાય. જોકે, આ બાબતમાં ચિંતા કરવાનું કોઈ જ કારણ નથી.

શું લેપટોપથી ટેસ્ટિકલ્સને નુકસાન થાય છે?

જો તમે ખોળામાં લેપટોપ રાખીને એક કલાક કામ કરતાં હોય તો તેની કોઈ જ અસર ટેસ્ટિકલ્સ પર જોવા મળતી નથી. પરંતુ જો એક કલાક કરતાં વધારે તમે લેપટોપ પર કામ કરતાં હોય તો તે તમારા ટેસ્ટિકલ્સનું ટેમ્પરેચર વધારે છે. આ તમારા સ્પર્મ પ્રોડક્શન અને ફર્ટિલિટી પર અસર પાડી શકે છે. ટેસ્ટિકલ્સનું મુખ્ય કામ નીચા તાપમાને સ્પર્મ ઉત્પન્ન કરવાનું છે.

શેવિંગ સમયે શું રાખવું જોઈએ ધ્યાન?

ટેસ્ટિકલની ચામડી ખૂબ જ સોફ્ટ હોય છે. આ કારણે શેવિંગ કરતાં સમયે ખૂબ જ સાવધાની પૂર્વક વર્તવું જોઈએ. સૌથી મોટી મુશ્કેલી એ હોય છે કે આ ભાગ પર ખૂબ જ શોર્ટ હેર હોય છે. જો શેવિંગ કરતાં સમયે ઈજા પહોંચી જાય તો ફંગલ ઈન્ફેક્શન થવાની શક્યતાં રહે છે. આ સમસ્યાથી ઉકેલ મેળવવાનો એક જ ઉપાય છે કે સંપૂર્ણ શેવ કરવાં કરતાં ટ્રિમ કરો. આમ કરવાથી તમે ચામડીથી સહેજ ઉપરથી ટ્રિમિંગ કરી શકશો અને કોઈ જ મુશ્કેલી નહિ આવે.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat https://ift.tt/2EutZMD