પૂજારાની સદી ભારતને જ ભારે પડી શકે છે : રિકી પોન્ટિંગ

પૂજારાની મેરાથોન ઈનિંગ પર પોન્ટિંગે ઉઠાવ્યા સવાલ

ઑસ્ટ્રેલિયન ક્રિકેટ ટીમના પૂર્વ કેપ્ટન રિકી પોન્ટિંગે મેલબૉર્નમાં રમાઈ રહેલી સીરીઝની ત્રીજી મેચમાં ભારતીય ટીમની રણનીતિ પર આશ્ચર્ય વ્યક્ત કરી છે. પોન્ટિંગે ચેતેશ્વર પૂજારાની મેરાથોન ઈનિંગ પર ટિપ્પણી કરતા તેની આ ઈનિંગ કાં તો યાદગાર મેચ વિનિંગ ઈનિંગ તરીકે યાદ રખાશે અથવા તો આના કારણે તેની ટીમ જીતની તક ગુમાવી દેશે.

‘કોહલીને શોર્ટ બોલથી ટાર્ગેટ કરે કાંગારુ બોલર્સ’

પોન્ટિંગે આની સાથે જ ઑસ્ટ્રેલિયન ટીમને સલાહ આપી કે, ટેસ્ટ સીરીઝની બાકી મેચોમાં વિરાટ કોહલીને શૉર્ટ બોલથી ટાર્ગેટ કરે. તેણે કહ્યું કે, મિશેલ સ્ટાર્ક દ્વારા સતત બાઉન્સર ફેંકતા રહેવાનો તેને ફાયદો મળ્યો.

ભારતની અત્યંત ધીમી બેટિંગ

ભારતે ટેસ્ટના પ્રથમ બે દિવસમાં 2.50થી ઓછા રનરેટથી રન બનાવ્યા, ભારતના ટોચના 5 બેટ્સમેનોએ 50થી ઓછા સ્ટ્રાઈક રેટથી રન બનાવ્યા. પૂજારાએ 106 રન માટે 319 બોલનો સામનો કર્યો.

ઑસ્ટ્રેલિયાને બે વાર આઉટ કરવું અઘરું

જોકે, પોન્ટિંગ સીરીઝમાં બીજી સેન્ચુરી ફટકારવા બદલ પૂજારાની પ્રશંસા કરી પણ સાથે જ તેણે કહ્યું કે, મેચ બાદ તેની આ ઈનિંગ બેમાંથી કોઈ એક રીતે યાદ રાખવામાં આવશે. તેણે Cricket.com.au સાથે વાતચીત દરમિયાન કહ્યું કે, ‘જો ભારત આ મેચ જીતશે તો આ એક શાનદાર ઈનિંગ હશે પણ જો ઑસ્ટ્રેલિયાને બે વાર આઉટ કરવાની તક ન મળે તો આ ઈનિંગને કારણે જ ભારત જીતથી અળગું રહેશે.’ તેણે કહ્યું કે, જ્યાં સુધી પૂજારા ક્રિઝ પર હોય ત્યાં સુધી ભારત માટે રનરેટ વધારવો સરળ રહેતું નથી.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2rWKSb4