આ ખેલાડી ટેસ્ટમેચમાં ભારતીય ક્રિકેટ ટીમ પર મુશ્કેલી ઊભી કરી શકે

આ બે ખેલાડી નહીં હોય ટીમમાં

ભારતીય ટીમ તા.3 નવેમ્બરના સોમવારે ઓસ્ટ્રેલિયાના એડિલેડ ખાતે પહોંચી હતી. જ્યાં ઓસ્ટ્રેલિયા-ઈન્ડિયાની પ્રથમ ટેસ્ટ યોજાવાની છે. તા.6 ડિસેમ્બરે યોજાનારી આ મેચમાં બંને ટીમ લડી લેવાના મૂડમાં છે. બીજી તરફ સ્ટીવ સ્મિથ અને ડેવિડ વોર્નર વગરની ટીમ ઓસ્ટ્રેલિયા પણ પોતાની આગવી રણનીતિથી મેદાને ઊતરશે. ઓસ્ટ્રેલિયાના પ્રવાસે ભારતીય ટીમ પાસે ટેસ્ટમેચ જીતીને ઈતિહાસ રચવાની સુવર્ણતક છે. નિષ્ણાંતોના જણાવ્યા અનુસાર ભારતીય ટીમ પાસે બેટ્સમેનની સાથોસાથ સારા બોલરો પણ છે. ઓસ્ટ્રેલિયાના બે મોટા ખેલાડી ન હોવાનો લાભ ભારતીય ક્રિકેટરો ઝડપી શકે છે.

અમારા ન્યૂઝ WhatsApp પર મેળવવા માટે અહીં ક્લિક કરો

પ્રથમ ટેસ્ટમાં આ ખેલાડી મુશ્કેલી સર્જી શકે

પ્રથમ ટેસ્ટમેચમાં ઓસ્ટ્રેલિયાનો સ્પિનર બોલર નાથન લ્યોન ભારતીય બેટ્સમેન પર ભારી પડી શકે છે. એડિલેડ મેદાન અને લ્યોનનો સંબંધ ખૂબ જૂનો છે. ભારત-ઓસ્ટ્રેલિયાની પ્રથમ મેચ અહીં જ રમાવાની છે. આ એ જ મેદાન છે જ્યાં નાથન એક સમયે ગ્રાઉન્ડમેનની જવાબદારી નિભાવતો હતો. મેદાનમાં પીચ અને ઘાસ દૂર કરનારા આ ખેલાડીને ક્યારેય ખ્યાલ ન હતો કે, તે ક્યારેક ઓસ્ટ્રેલિયાની ટીમમાં બેસ્ટ સ્પિનર ટીમનો એક સભ્ય બનશે. નાથનનું આ સ્વપ્ન હવે પૂરું થઈ રહ્યું છે. ફરી એકવખત તે આ મેદાન પર પરત ફર્યો છે. મેદાનની સંપૂર્ણ સ્થિતિ વિશે આ ખેલાડીથી વધારે કોઈ નહીં જાણતું હોય. ભારતીય બેટ્સમેને આ સ્પિનરનો સામનો કરવો પડશે અને રન કરવા પડશે.

એડિલેડથી જ શરૂ થઈ હતી આ સિરીઝ

ચાર વર્ષ પહેલાં જ્યારે ભારતીય ટીમ ઓસ્ટ્રેલિયાના પ્રવાસે આવી હતી ત્યારે તેણે આ મેદાનેથી રમતની શરૂઆત કરી હતી. ત્યારે ચોથા દિવસે બંને ટીમ વચ્ચે રોમાંચક મેચ યોજાઈ હતી. એ સમયે ભારતને 37 ઓવરમાં 158 રનની જરૂર હતી અને ટીમ ઈન્ડિયાના 8 વિકેટ બાકી હતી. એ સમયે વિરાટ કોહલી વન મેન આર્મી સાબિત થયો હતો. એ સમયે વિરાટે શાનદાર સદી ફટકારી હતી. એ સમયે નાથને અટેક કર્યો અને વિરાટને કેટ આઉટ કરાવ્યો હતો. સ્થિતિ એ આવી હતી કે, ભારતીય ટીમને 60 રનની જરૂર હતી અને માત્ર 3 વિકેટ બાકી રહી હતી. અંતે ઓસ્ટ્રેલિયાની ટીમ 48 રને મેચ જીતી ગઈ હતી. જેને સંપૂર્ણ શ્રેય નાથનને જાય છે. આમ નાથને મેચનું પાસુ પલટી નાંખ્યું

12 વિકેટ લઈને ટીમને હંફાવી દીધી

આ પહેલાની સિરીઝમાં તેણે કુલ 12 વિકેટ લઈને બેટ્સમેનને હંફાવી દીધા હતા. જેણે ચોથા દિવસે મેચનું ચિત્ર ફેરવી નાંખ્યું હતું. એ દિવસે નાથને કુલ 6 વિકેટ ઝડપી હતી. નાથને પોતાના હોમગ્રાઉન્ડ પર અત્યાર સુધીમાં કુલ 30 ટેસ્ટ વિકેટ ઝડપી છે. ખાસ વાત તો એ છે કે, 23 વિકેટ ભારતીય ટીમ સામે ઝડપી હતી જે આ પહેલાની સિરીઝમાં નોંધાયેલી છે. આમ તે ઓસ્ટ્રેલિયાનો બેસ્ટ સ્પિનર સાબિત થયો છે.

એડિલેડ લકી ગ્રાઉન્ડ છે આ ખેલાડી માટે

એવું પણ માનવામાં આવે છે કે, એડિલેડનું મેદાન નાથન માટે લકી રહ્યું છે. નાથને આ મેદાન પર 14 ઈનિંગ્સમાં કુલ 37 વિકેટ મેળવી છે. વર્ષ 2011થી 2017 સુધીની ટેસ્ટમેચમાં નાથને કુલ 64 વિકેટ લીધેલી છે. બાંગ્લાદેશ અને ઈગ્લેન્ડ સિવાય પણ સર્વશ્રેષ્ઠ પ્રદર્શન જે ટીમ સામે રહ્યું છે કે તે ભારતીય ક્રિકેટ ટીમ છે. આ પહેલા પણ ઓસ્ટ્રેલિયા સામે ભારતને પરાજય મળ્યો હતો.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2zDD3eP