ફ્લિપકાર્ટ-એમેઝોન પછી મોદી સરકારે સ્વિગી-ઝોમેટોને પણ આડેહાથ લીધા, નવા નિયમો

બાંધછોડ નહિ ચલાવી લેવાયઃ

રત્ના ભૂષણ, નવી દિલ્હી: ફૂડ સેફ્ટી એન્ડ સ્ટાન્ડર્ડ્સ ઑથોરિટી ઑફ ઈન્ડિયા (FSSAI)એ ગ્રોફર્સ, બિગ બાસ્કેટ જેવા ઓનલાઈન ગ્રોસરી સ્ટોર તથા સ્વિગી અને ઝોમેટો જેવા ફૂડ ડિલીવરી પ્લેટફોર્મ માટે નવા નિયમો બનાવ્યા છે જે તેમની મુશ્કેલી વધારી શકે છે. તેમણે જણાવ્યું કે ગ્રાહકોના હિતમાં તે આ ફૂડ કંપનીઓ પર ચાંપતી નજર રાખશે. તેમણે કહ્યું કે ફૂડ પ્રોડક્ટ્સની સુરક્ષા અને ડિલિવરીમાં કોઈપણ પ્રકારની બાંધછોડ ચલાવી લેવામાં નહિ આવે.

અમારા ન્યુઝ WhatsApp પર મેળવવા અહીં ક્લિક કરો

ક્યારેય પણ થશે તપાસઃ

હવે બજારમાં જે ફૂડ પ્રોડક્ટ્સ વેચાય છે તેની સપ્લાય ચેનમાં ક્યાંય પણ તપાસ થઈ શકે છે. કંપનીએ પોતાના પ્લેટફોર્મ પર ફૂડ પ્રોડક્ટની સાંકેતિક તસવીર આપવી પડશે જેથી ગ્રાહક તેને ઓળખી શકે. તેમણે હવેથી માત્ર ફ્રેશ ફૂડ જ ડિલિવર કરવાનું રહેશે. FSSAIના સીઈઓ પવન અગ્રવાલે કહ્યું, “આજકાલ મોટી સંખ્યામાં ગ્રાહકો ઈ-કોમર્સ પ્લેટફોર્મનો ઉપયોગ કરી રહ્યા છે. આથી અમારો આશય નવી ગાઈડલાઈન્સ ઈશ્યુ કરીને ફૂડ પ્રોડક્ટ્સની ચોકસાઈ વધારવાનો છે.” આ કારણે ફૂડ બિઝનેસ સેક્ટર પર ભરોસો અને વિશ્વસનીયતા વધશે.

કાયદાનું પાલન થશેઃ

ઓનલાઈન ગ્રોસલરી સ્ટાર્ટઅપ ગ્રોફર્સના સીઈઓ અલબિંદર ઢીંઢસાએ જણાવ્યું, “અમે બધા જ કાયદાનું પાલન કરી રહ્યા છે, હવે અમે આ નિયમનું પણ પાલન કરીશું.” તેમણે જણાવ્યું કે જે વેપારી આ શરતોનું પાલન નથી કરતા તેની સાથે કંપની કામ નથી કરતા. તેમણે જણાવ્યું કે આ લાગુ કરાવવાની જવાબદારી FSSAIની છે.

એક્સપાયરી ડેટના નિયમોઃ

નિયમ અનુસાર ફૂડ ડિલીવર કરતા પહેલા તેની શેલ્ફ લાઈફ 30 ટકા અર્થાત્ એક્સપાયરી ડેટથી 45 દિવસ વહેલી હોવી જોઈએ. ડિલીવરી સર્વિસ કંપની ઝોમેટોએ જણાવ્યું કે ફૂડ સેફ્ટી તેમના માટે મહત્વપૂર્ણ છે. કંપનીના પ્રવક્તાએ જણાવ્યું, “અમે FSSAIના દરેક એ પગલાને વધાવીએ છીએ જેને કારણે ગ્રાહકો માટે રેસ્ટોરન્ટ ઈન્ડસ્ટ્રી સુરક્ષિત બની શકે. અમે લોકોને ફૂડ ડિલિવર કરીએ છીએ. ફૂડની સુરક્ષા માટે અમે પૂરતા પ્રયત્નો કરીએ છીએ.” પ્રવક્તાએ જણાવ્યું કે “અમે FSS એક્ટનું પાલન કરી રહ્યા છીએ. ઈન્ડસ્ટ્રીમાં સુધારા માટે અમે નિયંત્રક સાથે મળીને કામ કરવા તૈયાર છે. ” આ બાબતે બિગ બાસ્કેટ, સ્વિગી અને ઉબર ઈટ્સની પ્રતિક્રિયા જાણવા નથી મળી.

ઝડપથી વધી રહ્યું છે આ સેગમેન્ટઃ

FSSAIની ગાઈડલાઈ્સ મુજબ આ બિઝનેસમાં હથોટી ધરાવતી કંપનીઓએ જ ફૂડ ડિલીવરી કરવી જોઈએ. આ જોવાનું કામ બિઝનેસ ઓપરેટરોનું છે. ડિલિવરી સમયે ખાદ્યપદાર્થની સુરક્ષા સાથે છેડછાડ ન થવી જોઈએ. ક્રિસિલે હાલમાં જ એક રિપોર્ટમાં દર્શાવ્યું હતું કે ઓનલાઈન ફૂડ અને ગ્રોસરી સેગમેન્ટ ઓનલાઈન રિટેલમાં ખૂબ ઝડપથી વધી રહ્યા છે. આ સેગમેન્ટની આવક ત્રણ વર્ષમાં વધીને 10,000 કરોડ થઈ જવાનો અંદાજ છે.

from Page Array – I Am Gujarat http://bit.ly/2Spshjx