બ્લેકમનીઃ બે ભારતીય કંપનીઓની પોલ ખોલશે સ્વિત્ઝર્લેન્ડ

બે કંપનીઓ વિશે આપશે જાણકારી

નવી દિલ્હીઃ બ્લેકમની રાખનાર માટે સુરક્ષિત સ્થળ માનવામાં આવતું સ્વિત્ઝર્લેન્ડ પોતાની છબીને સુધારવા ઈચ્છે છે. સ્વિત્ઝર્લેન્ડ, બે કંપનીઓ અને ત્રણ લોકો વિશે ભારતીય એજન્સીઓને જાણકારી આપવા માટે રાજી થયું છે. આ કંપનીઓ અને લોકો વિરુદ્ધ ભારતમાં અનેક તપાસ ચાલી રહી છે.

અમારા ન્યૂઝ Whatsapp પર મેળવવા અહીં ક્લિક કરો

ચાલી રહી છે તપાસ

બન્ને ભારતીય કંપનીઓમાંથી એક લિસ્ટેડ કંપની છે અને અનેક ઉલ્લંઘનોના મામલે બજાર નિયામક સેબીના કડક જાપ્તાનો સામનો કરી રહી છે. જ્યારે બીજી કંપનીનો સંબંધ તામિલનાડુના કેટલાક રાજનેતાઓ સાથે હોવાનું કહેવામાં આવે છે. સ્વિસ સરકારના ગેઝેટેડ નોટિફિકેશન અનુસાર સ્વિસ સરકારની ફેડરલ ટેક્સ ડિપાર્ટમેન્ટ જિયોડેસિક લિમિટેડ અને આધી એન્ટરપ્રાઈઝ પ્રાઈવેટ લિમિટેડ વિશે કરેલી વિનંતી પર ભારતને ‘વહીવટી સહાયતા’ આપવા માટે રાજી થઈ ગયું છે.

ભારતીય એજન્સીઓને આપશે જાણકારી

જિયોડેસિક લિમિટેડ સાથે જોડાયેલા ત્રણ વ્યક્તિ, પંકજ કુમાર, ઓંકાર શ્રીવાસ્તવ, પ્રશાંત, શરદ મુલેકર અને કિરણ કુલકર્ણી મામલે વિભાગે આ વિનંતી પર સહમતિ દર્શાવી છે. સ્વિસ સરકારે બન્ને કંપનીઓ અને ત્રણે વ્યક્તિઓ વિશે ભારતીય એજન્સીઓ દ્વારા માગવામાં આવેલી જાણકારી અને મદદથી જોડાયેલા વિશેષ વિવરણોનો ખુલાસો નથી કર્યો.

રજૂ કરશે ફાઈનાન્શિયલ સબૂત

આ રીતની ‘વહિવટી મદદ’માં ફાઈનાન્શિયલ અને ટેક્સ સંબંધિત ગડબડના સબૂત રજૂ કરવાના હોય છે. બેંક ખાતા અને અન્ય ફાઈનાન્શિયલ જાણકારીઓનો પણ સમાવેશ થાય છે. સંબંધિત કંપનીઓ અને લોકો ભારતને વહિવટી સહાય કરવા માટે સ્વિત્ઝર્લેન્ડના ફેડરલ ટેક્સ એડમિનિસ્ટ્રેશનના નિર્ણય વિરુદ્ધ અરજી દાખલ કરી શકે છે.

કંપનીઓનો કાળો કારોબાર!

નવી ટેક્નોલોજી સોલ્યુશન ઉપલબ્ધ કરાવતી જિયોડેસિક લિમિટેડની સ્થાપના 1982માં થઈ હતી. આ કંપનીની અત્યારે ન તો વેબસાઈટ છે અને ન તો લિસ્ટેડ છે. કારણકે શેરબજારે તેના કારોબાર પર અંકુશ લગાવ્યો છે. કંપની અને તેના ડિરેક્ટર્સને સેબીની સાથે જ એન્ફોર્સમેન્ટ ડિરેક્ટર અને મુંબઈ પોલીસ ક્રાઈમબ્રાંચની તપાસનો સામનો કરી રહી છે. બીજી બાજુ આધી એન્ટરપ્રાઈઝ લિમિટેડની સ્થાપના ચેન્નાઈમાં 2014માં થઈ હતી. કંપનીના રિયલ એસ્ટેટ અને અન્ય કારોબારમાં ઝડપથી વૃદ્ધિ જોવા મળી હતી પરંતુ કથિત મની લોન્ડ્રીંગ મામલે કંપનીની મુશ્કેલીઓ શરુ થઈ હતી.

from Page Array – I Am Gujarat https://ift.tt/2zDMydU