ટૂ-વ્હીલર્સના વેચાણમાં આ કંપનીનો દબદબો, આ બાઈકનું સેલિંગ સૌથી વધુ

ટૂ વ્હીલર્સ માર્કેટમાં Hero દબદબો યથાવત

નવી દિલ્હી: Hero Moto Corpનો 2 વ્હીલર માર્કેટમાં દબદબો યથાવત છે. નવેમ્બર મહિનાની ટૉપ સેલિંગ લિસ્ટમાં Heroની ચાર મૉડલ શામેલ રહ્યાં. આમાંથી બે વાહન મોટરસાઈકલ જ્યારે બે સ્કૂટર છે. આ ઉપરાંત લિસ્ટમાં TVS Motors અને Bajaj Autoના વાહન શામેલ છે. ‘સોસાયટી ઑફ ઈન્ડિયન ઓટોમોબાઈલ મેન્યુફેક્ચરર્સ’ (SIAM) અનુસાર Hero Moto Corpની ‘સ્પ્લેન્ડર’ નવેમ્બરની બેસ્ટ સેલિંગ બાઈક રહી.

આ બાઈકનું વેચાણ સૌથી વધુ

નવેમ્બર મહિનામાં આ બાઈકના 2,25,536 યુનિટ્સ વેચાયા. અગાઉના વર્ષમાં આ જ સમયગાળામાં 2,25,737 યુનિટ્સ વેચાયા હતા. બીજા નંબરે સ્કૂટર ઈન્ડિયાની એક્ટિવા રહી. નવેમ્બરમાં એક્ટિવાના 2,18,212 યુનિટ્સનું વેચાણ થયું. ગત વર્ષે નવેમ્બરમાં એક્ટિવાના 2,26,046 યૂનિટ્સ વેચાયા હતા. હીરો મોટોકૉર્પની HF Deluxe 1,68,839 યૂનિટ્સના વેચાણ સાથે ત્રીજા સ્થાને રહી. ચોથા સ્થાને TVSની XL સુપર મોપેડ રહી. હીરો મોટોકોર્પની પેશન પાંચમા સ્થાને રહી જેના 74,396 યૂનિટ્સ વેચાયા. આ જ કંપનીની શાઈન છઠ્ઠા સ્થાને રહી જેને 70,803 યૂનિટ્સનું વેચાણ કર્યું.

પલ્સર સાતમા સ્થાને

આ યાદીમાં બજાજ પલ્સર 69,579 યૂનિટ્સ વેચાયા અને તે સાતમા સ્થાને રહી. આ ઉપરાંત ટીવીએસ જ્યૂપિટર 8મા અને હીરોની ગ્લેમર 9મા સ્થાને રહી. આ લિસ્ટમાં છેલ્લા સ્થાને બજાજની પ્લેનિટા રહી, નવેમ્બરમાં આ મોડલના 62,255 યૂનિટ્સ વેચાયા.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2AjLJHq