દીપશિખા સિકરવાર
નવી દિલ્હી:ગ્રાહકોનું આધાર આધારિત ઓથેન્ટિકેશન થોડાં સપ્તાહમાં શરૂ થવાની શક્યતા છે. જોકે તે ઓફલાઇન હશે. એટર્ની જનરલે અભિપ્રાય આપ્યો છે કે ઓફલાઇન ઓથેન્ટિકેશન કરવામાં આવે તો કાનૂની રીતે સ્વીકાર્ય રહેશે. ટેલિકોમ અને બેન્કિંગ ઉદ્યોગને તેના કારણે રાહત મળશે.
યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI)ના સીઇઓ અજય ભૂષણ પાંડેએ જણાવ્યું કે, “ઓફલાઇન ઓથેન્ટિકેશન ચકાસણીમાં પાર ઊતરશે. આ અંગે તમામ રેગ્યુલેટર સહમત છે. સિસ્ટમ તૈયાર થઈ જાય પછી તેને ઝડપથી લાગુ કરવામાં આવશે.”
ક્યુઆર કોડ અને બીજી રીતે આધારનું ઓથેન્ટિકેશન થોડાં સપ્તાહોમાં શરૂ થઈ શકશે અને બેન્કો તથા ટેલિકોમ કંપનીઓ ગ્રાહકોની ઓળખની ચકાસણી કરી શકશે. સુપ્રીમ કોર્ટે સપ્ટેમ્બરમાં આપેલા ચુકાદા બાદ ઓથેન્ટિકેશનની પ્રક્રિયા અટકી ગઈ હતી. કોર્ટે બાયોમેટ્રિક ડેટાબેઝનો ઉપયોગ કરીને પ્રાઇવેટ એન્ટિટીના ઓનલાઇન કસ્ટમર ઓથેન્ટિકેશનની મનાઈ ફરમાવી હતી.
જોકે, સર્વિસ પ્રોવાઇડર્સે ઓથેન્ટિકેશન શક્ય બનાવવા માટે ઇન્ફ્રાસ્ટ્રક્ચરમાં ફેરફાર કરવા પડશે. UIDAIએ મશીન આધારિત ક્યુઆર કોડ રજૂ કર્યા છે જેમાં આધારધારકનાં નામ, સરનામા, ફોટોગ્રાફ અને જન્મતારીખ જેવી મહત્ત્વની માહિતી હશે.
આ કોડ આધારની વેબસાઇટ પરથી ડાઉનલોડ કરી શકાશે. તેનો ઓથેન્ટિકેશન માટે ઓફલાઇન મોડમાં ઉપયોગ કરી શકાશે અને તેમાં 12 આંકડાના આઇડીને જાહેર કરવાની જરૂર નહીં પડે. એટલે કે પ્રાઇવેટ સર્વિસ પ્રોવાઇડર્સને કોઈ આધાર ડેટાબેઝ કે કસ્ટમર માહિતી નહીં મળે પરંતુ તેઓ ઓથેન્ટિકેશન કરી શકશે.
સુપ્રીમ કોર્ટના ૨૬ સપ્ટેમ્બરના ચુકાદામાં આધારની બંધારણીય વેલિડિટી માન્ય રાખવામાં આવી હતી અને તેમાં જણાવાયું હતું કે તે સરકારી સ્કીમના લાભ મેળવવા માટે તે જરૂરી હશે પરંતુ તે બેન્કિંગ અને ટેલિફોન જેવી સર્વિસ માટે ફરજિયાત નથી. તેના કારણે બેન્કો અને ફોન કંપનીઓ મુશ્કેલીમાં મુકાઈ હતી કારણ કે તેઓ સરળતાથી વેરિફિકેશન માટે આ પદ્ધતિનો ઉપયોગ કરતા હતા, ઝડપથી બેન્ક ખાતાં ખોલાવી શકાતા હતા તથા મોબાઇલ કનેક્શન આપી શકાતા હતા.
જનકલ્યાણની યોજનાઓ ઉપરાંત ઇન્કમટેક્સ રિટર્ન ફાઇલ કરવામાં અને પર્મેનન્ટ એકાઉન્ટ નંબર (પેન) આપવામાં આધારના ઉપયોગને પણ કોર્ટે માન્યતા આપી હતી. ભારતમાં 1.22 અબજથી વધુ લોકો આધાર હેઠળ નોંધાયેલા છે.
from Page Array – I Am Gujarat https://ift.tt/2S7jxOR
No comments:
Post a Comment