હવે મોટી સ્ક્રીનનો સસ્તો સ્માર્ટફોન લાવશે જિયો, ફીચર ફોન યુઝર્સ પર નજર

જિયો લાવશે સસ્તો 4G સ્માર્ટફોન

ટિના ગુરનાની, નવી દિલ્હીઃ રિલાયંસ જિયો મોટી સ્ક્રિનવાળો સસ્તો સ્માર્ટફોન લાવવાની તૈયારીમાં છે. મોટી સ્ક્રીનવાળો સસ્તો સ્માર્ટફોન લાવવા માટે રિલાયન્સ જિયો પાર્ટનર્સ સાથે મળીને કામ કરી રહ્યું છે. આ સ્માર્ટફોન દ્વારા રિલાયન્સ જિયો એવા ગ્રાહકોને ટાર્ગેટ કરવા માગે છે જેમની પાસે હાલ ફીચર ફોન છે. પરંતુ તેઓ 4G સ્માર્ટફોન ખરીદવા માગે છે. આ જાણકારી કંપનીના એક ટોપના અધિકારીએ આપી હતી.

અમારા ન્યૂઝ Whatsapp પર મેળવવા અહીં ક્લિક કરો

થોડા થોડા મહિને નવું લાવતા રહીશું

રિલાયન્સ જિયોમાં ચેનલ ડેવલોપમેન્ટના હેડ સેલ્સ સુનીલ દત્તે ઈકોનોમિક્સ ટાઇમ્સને કહ્યું કે, ‘અમે પાર્ટનર્સ સાથે મળીને પ્રયાસ કરી રહ્યા છીએ કે 4G સ્માર્ટફોનમાં શિફ્ટ થવા માગતા મોટા તબક્કાના લોકોને એક મોટી સ્ક્રિનનો હાઈટેક સ્માર્ટફોન સસ્તામાં આપી શકીએ. જેને લઈને આ લોકો એક વ્યાજબી ભાવના સ્માર્ટફોન સાથે જબરજસ્ત કનેક્ટિવિટી અને સારા કંટેન્ટનો અનુભવ કરી શકશે. અમે થોડા થોડા મહિને કંઈને કંઈ નવું લઈને આવતા જ રહીશું જેથી લોકોને ફાયદો મળતો રહે.’

કંપનીનો ટાર્ગેટ 10 કરોડ યુનિટ્સનું પ્રોડક્શન

અમારા સહયોગી ઈકોનોમિક્સ ટાઇમ્સ દ્વારા હાલમાં જ એવા અહેવાલ આવ્યા હતા કે રિલાયન્સ જિયો સ્થાનિક સ્તેર લગભગ 10 કરોડ સ્માર્ટફોન તૈયાર કરવા માટે અમેરિકાની કોન્ટ્રાક્ટ મેન્યુફેક્ચરર કંપની Flex સાથે વાતચીત કરી રહી છે. ફીચર ફોન યુઝ કરતા લોકો સુધી પહોંચ બનાવીને રિલાયન્સ જિયો ખૂબ જ ટૂંકા સમયમાં માર્કેટમાં પોતાની ભાગીદારી વધારવા માગે છે. રિલાયન્સ જિયો એપલ, સેમસંગ, શાઓમિ અને ઓપો જેવી અનેક ટોચની કંપનીઓ સહિત હેંડસેટ બનાવતી બ્રાન્ડ્સ સાથે મળીને કામ કરે છે. આ પાર્ટનરશિપ અંતર્ગત રિલાયન્સ જિયો પહેલીવાર ખરીદી કરતા ગ્રાહકને સ્માર્ટફોનની કિંમતમાં ધરખમ ડિસ્કાઉન્ટની ઓફર પણ આપે છે.

from Page Array – I Am Gujarat http://bit.ly/2EQdqLQ