કુંડલીમાં ખરાબ હોવા છતાં પણ સારા ફળ આપે છે શનિ

શનિના પ્રકોપની ઓળખ

શનિગ્રહને ભલે સૌથી ક્રોધીત અને ક્રુર માનવામાં આવે પણ શાસ્ત્રો-પુરાણો અનુસાર શનિદેવ ક્રુર નહીં પણ ન્યાયપ્રિય ગ્રહ છે. શનિદેવ સદાય એલા લોકોને સારું ફળ આપે છે જે સાચા રસ્તે ચાલે છે. કેટલાક સંકેતો વિશે વાત કરીએ તો જેના પરથી સમજી શકાય કે, શનિ ખરાબ છે કે, શનિકૃપા? શનિ ખરાબ હોય તો તેનો ઉકેલ અંગે વિગતવાર વાત

અમારા ન્યૂઝ WhatsApp પર મેળવવા માટે અહીં ક્લિક કરો

આ સંકેત છે કે, શનિ ખરાબ છે

દરેકને કુંડલીનું જ્ઞાન તો નથી હોતું પણ કેટલાક સંકેતો પરથી જાણી શકાય છે શનિ ખરાબ છે કે શનિકૃપા છે. જેના પર શનિદેવ કોપાયમાન થાય છે તેને જાતકોને વાયુ સંબંધીત રોગ થાય છે. જેમાં હાડકા સાથે જોડાયેલી સમસ્યાઓ અને સાંધાના દુખાવા મુખ્ય છે.

ખૂબ ક્રોધ આવે છે

જેના પર શનિ કોપાઈમાન થાય છે તેના તૈયાર કામ પર પાણી ફરી જાય છે. નાની-નાની વાત પર તેમને ખૂબ ગુસ્સો આવે છે. ક્રોધને કારણે તેમની વાણી પર સંયમ નથી રહેતો. તેથી તેના કામ વધુને વધુ બગડતા જાય છે.

આ પણ છે સંકેત

જૂના અને ગાઢ સંબંધો પર પાણી ફરી જાય છે, અસાધ્ય રોગ થઈ જાય છે. પરિવારમાં પણ ક્લેષ વધે છે. એટલું જ નહીં પરિવારનો સાથ પણ મળતો નથી. કરેલા પરિશ્રમનું પૂરતું પરિણામ નથી મળતું. એક પછી એક વ્યક્તિનું પરિવારમાંથી મૃત્યું થઈ જાય છે. આર્થિક સ્થિતિ પણ ખરાબ થવા લાગે છે. આવું થતું હોય તો સમજવું કે, શનિ ખરાબ છે અને કોપાઈમાન થયા છે.

આ વસ્તુઓ ન ખાવી જોઈએ

આધ્યાત્મ અને વિજ્ઞાન એકબીજાના પૂરક છે. એ વાત અહીં સમજી શકાય છે. આધ્યાત્મ એવું કહે છે કે, શનિના ખરાબ પ્રભાવનો સામનો કરી રહેલા લોકોએ રિંગણ ન ખાવા જોઈએ. આયુર્વેદના જણાવ્યા અનુસાર આ ખોરાક શરીરમાં ગેસ ઉત્પન્ન કરે છે. તેથી પેટના રોગ થઈ શકે છે.

સંયમ જરૂરી છે

મનને શાંત રાખવા અને વાણી પર સંયમ રાખવા માટે પ્રયત્નો કરવા જોઈએ. ક્રોધ ન આવે એવો પ્રયત્નો કરવા જોઈએ. જેમાં ધ્યાન અને પ્રાણાયમ મદદ કરી શકે. તેથી તેને દિવસના શેડ્યુલનો ભાગ બનાવી દેવો જોઈએ. જ્યોતિષશાસ્ત્ર અનુસાર જે લોકો ખરાબ વેણ બોલે છે અને બીજાની સતત નિંદા કરે છે તેને શનિદેવ અશુભ ફળ આપે છે.

આ છે ઉકેલ

ચાંદીના ગ્લાસમાં પાણી પીવાથી શનિનો પ્રકોપ ઓછો થાય છે. આ ઉપરાંત ચામડાની વસ્તુનું દાન કરવાથી પણ ફાયદો થાય છે. બને ત્યાં સુધી ચામડાની વસ્તુનો ઉપયોગ ન કરવો જોઈએ.

from Page Array – I Am Gujarat https://ift.tt/2zANEa5