ઈલેક્ટ્રિક કાર બનાવશે મારુતિ?
ઈલેક્ટ્રિક અને હાઈબ્રીડ ટેક્નોલોજીએ આખી દુનિયામાં ઓટોમોબાઈલ ઈન્ડસ્ટ્રીની સિકલ ફેરવી નાંખી છે. તેવામાં ભારતીય ઓટો મેકર્સ પણ આ ટ્રેન્ડથી પ્રભાવિત થયા છે. સરકારે 2030 સુધઈમાં ઈન્ડિયામાં માત્ર ઈલેક્ટ્રિક કાર દોડતી હોય તેવો ટાર્ગેટ બનાવ્યો છે એવામાં ઈલેક્ટ્રિક કારની દિશામાં ઝડપથી વધવા દેશને આ અંગે સ્પષ્ટ પોલિસીની તાતી જરૂર છે. પોલિસીની ગેરહાજરીમાં પણ દેશની અગ્રણી કંપનીઓએ આવી કાર્સ બનાવવાની દિશામાં ડગ માંડી દીધા છે.
અમારા ન્યુઝ WhatsApp પર મેળવવા અહીં ક્લિક કરો
પ્લાન્ટ બંધ કરવાની તૈયારીઃ
મારુતિ સુઝુકી ઈન્ડિયા લિમિટેડ ગુરગાંવમાં તેનો ડીઝલ એન્જિન એસેમ્બલી પ્લાન્ટ બંધ કરવાનું વિચારી રહી છે. સુઝુકી મોટો કોર્પના યુનિટમાં હવે કાંતો પેટ્રોલ એન્જિન બનશે અથવા તો માનેસરના પ્લાન્ટ માટે પેટ્રોલ એન્જિનની એસેમ્બલી લાઈન બનશે. આ પાછળનું કારણ ડીઝલ એન્જિન વાળી કારની માંગમાં થયેલો ઘટાડો છે. મારુતિ હવે સીએનજી, હાઈબ્રીડ અને ઈલેક્ટ્રિક કાર માર્કેટમાં પોતાનો પગ જમાવવા તત્પર છે.
આ કાર્સમાં લાગે છે ડીઝલ એન્જિનઃ
મારુતિ અત્યારે ગુરગાંવની ફિયાટમાંથી આવતા 1.3 લિટર ડીઝલ એન્જિન એસેમ્બલ કરે છે. આ એન્જિન મારુતિની સૌથી વધુ વેચાતી કાર્સ બલેનો, વિટારા બ્રેઝા, અને અર્ટિગામાં લાગે છે. ગુરગાંવ પ્લાન્ટમાં 800 સીસીનું ડીઝલ એન્જિન પણ બને છે જે અત્યારે મારુતિની સુપર કેરી લાઈટ ટ્રકમાં લાગે છે. ગુરગાંવમાં ડીઝલ એસેમ્બલી લાઈનની કેપેસિટી દર વર્ષના 1.70 લાખ એન્જિન જેટલી છે. મારુતિ હવે 1.3 લિટર ડીઝલ એન્જિન કારનો ઉપયોગ બંધ કરવા માંગે છે અને તેને બદલે સુઝુકી દ્વારા ડેવલપ કરાયેલા 1.5 લિટર ડીઝલ એન્જિનથી રિપ્લેસ કરવા માંગે છે. લાંબા ગાળે મારુતિ 1.3 લિટર ડીઝલ એન્જિન નહિ ઓફર કરે.
આ છે કારણઃ
રિપોર્ટ્સ અનુસાર એમિશનના જે નવા કાયદા આવ્યા છે તેને કારણે ડીઝલ એન્જિન કંપનીને મોંઘા પડે છે. મારુતિ સુઝુકીના ચેરમેન આર.સી ભાર્ગવે જણાવ્યું કે કંપનીએ ભારત સ્ટેજ-4 કારનું ઉત્પાદન 2019ના અંત સુધીમાં બંધ કરવાનું નક્કી કર્યું છે. સુપ્રીમ કોર્ટે BS-IV વાહનોના વેચાણ પર 1 એપ્રિલ 2020થી પ્રતિબંધ લાદી દીધો છે. BS-IV ડીઝલ મોડેલના ભાવ BS-IV પેટ્રોલ મોડેલ કરતા વધારે હશે તેવી ગણતરી છે.
from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2Al1MVw
No comments:
Post a Comment