સતત ચોથા દિવસે પેટ્રોલની કિંમતમાં વધારો, જાણો શું છે આજનો ભાવ

પેટ્રોલના ભાવમાં ચોથા દિવસે વધારો

નવી દિલ્હીઃ પેટ્રોલની કિંમતોમાં સતત ચોથા દિવસે વધારાનો ક્રમ યથાવત રહ્યો. ડીઝલના ભાવમાં પણ સતત બીજા દિવસે વૃદ્ધિ કરવામાં આવી. જોકે આંતરરાષ્ટ્રીય બજારમાં ક્રૂડ ઓઈલના ભાવમાં નરમાશનું વલણ બનેલું છે. જાણકારો મુજબ અમેરિકામાં ક્રૂડ ઓઈલનો ભંડાર વધવાથી કિંમતો પ્રેશર પાડવાના કારણે વધારો જોવા મળી રહ્યો છે જે આગામી થોડા દિવસો સુધી રહી શકે છે.

હવે શું છે પેટ્રોલનો ભાવ?

ઓઈલ કંપનીઓએ મંગળવારે દિલ્હી, કોલકાતા અને ચેન્નઈમાં પેટ્રોલના ભાવમાં 10 પૈસાનો વધારો કર્યો છે, જ્યારે મુંબઈમાં 9 પૈસાનો વધારો થયો છે. તો ડીઝલની કિંમતોમાં દિલ્હી, કોલકાતા અને ચેન્નઈમાં 7 પૈસા જ્યારે મુંબઈમાં 8 પૈસાનો વધારો કરાયો છે. ઈન્ડિયન ઓઈલની વેબસાઈટ અનુસાર દિલ્હી, કોલકાતા, મુંબઈ અને ચેન્નઈમાં પેટ્રોલની કિંમતોમાં ક્રમશઃ 70.63 રૂપિયા, 72.71 રૂપિયા, 76.25 રૂપિયા અને 73.29 રૂપિયા પ્રતિ લીટર થઈ ગઈ છે. આ સાથે જ પાછલા 4 દિવસોમાં અત્યાર સુધીમાં પેટ્રોલની કિંમતમાં કુલ 43 પૈસાનો વધારો નોંધાઈ ચૂક્યો છે.

ડીઝલની કિંમતો કેટલી?

ચારેય મહાનગરોમાં પેટ્રોલ પંપો પર ડીઝલ ક્રમશઃ 64.54 રૂપિયા, 66.30 રૂપિયા, 67.55 રૂપિયા અને 68.14 રૂપિયા પ્રતિ લીટરના ભાવે મળી રહ્યું છે. બ્રેંટ ક્રૂડની ડિલ પાછલા સત્રના મુકાબલે 1.22 ટકા નબળી રહેવા સાથે ક્રૂડનો ભાવ 58.88 ડોલર પ્રતિ બેરલે રહ્યો હતો. તો નાયમેક્સ પર અમેરિકન લાઈટ ક્રૂડ ડબ્લ્યૂટીઆઈ પાછલી ડિલિવરીના મુકાબલે 1.27 ટકાના ઘટાડા સાથે 49.56 ડોલર પ્રતિ બેરલ રહ્યું હતું.

કેમ વધી રહ્યો છે ભાવ?

એન્જલ બ્રોકિંગ હાઉસના એક્સપર્ટ અનુજ ગુપ્તા મુજબ અમેરિકન ક્રૂડ ઓઈલના ઉત્પાદનમાં સતત વધારા સાથે ક્રૂડ ઓઈલનો ભંડાર વધી રહ્યો છે, આ કારણે કીંમતો પર પ્રેસર બની રહ્યું છે. તેમણે કહ્યું ક્રૂડ ઓઈલ ઉત્પાદક દેશોના સમુહ ઓપેક દ્વારા પાછલા અઠવાડિયે ક્રૂડના પ્રોડક્શનને ઓછું ન કરવાના નિર્ણયથી કિંમતોમાં વધારો થવાની સંભાવનાઓ ઓછી છે કારણે કે માંગ કરતા ક્રૂડનું પ્રોડક્શન વધારે થઈ રહ્યું છે.

from Page Array – I Am Gujarat https://ift.tt/2QE2g3d