રણવીર સિંહની ‘સિમ્બા’માં અક્ષય કુમારના કેમિયો રોલનું છે સલમાન સાથે કનેક્શન

અક્ષય-અજયનો ‘સિમ્બા’માં કેમિયો રોલ

રોહિત શેટ્ટીએ ડાયરેક્ટ કરેલી ફિલ્મ સિમ્બા આજે થિયેટરમાં રિલીઝ થઈ છે. આ ફિલ્મમાં રણવીરના પાત્રની પ્રશંસા થઈ રહી છે. રણવીર સાથે લીડ રોલમાં સારા અલી ખાનની એક્ટિંગ પણ વખણાઈ છે. ફિલ્મમાં અજય દેવગણ અને અક્ષય કુમારનો કેમિયો રોલ પણ દર્શકોને ખૂબ પસંદ આવી રહ્યો છે.

અમારા ન્યૂઝ WhatsApp પર મેળવવા અહીં ક્લિક કરો

વીર સૂર્યવંશીના રોલમાં અક્ષય

અજય દેવગણનો આ ફિલ્મમાં કેમિયો રોલ છે તે તો ટ્રેલરમાં બધાએ જોયું જ હશે પણ અક્ષય કુમાર ટીએસ ઓફિસર વીર સૂર્યવંશીના રોલમાં જોવા મળે છે. અક્ષય કુમારનો કેમિયો રોલ દર્શકો માટે સરપ્રાઈઝ પેકેજ જેવો છે. માનવામાં આવે છે કે અક્ષયનું પાત્ર તેની કોઈ આગામી ફિલ્મથી પ્રેરિત છે. પરંતુ શું તમને ખબર છે કે ‘સિમ્બા’માં અક્ષયના કેમિયોનું બોલિવુડ સુપરસ્ટાર સલમાન ખાન સાથે કનેક્શન છે?

સલમાન સાથે કનેક્શન

જો તમે હજુ સુધી ના સમજ્યા તો અમે કહી દઈએ. સલમાન ખાને 2010માં ફિલ્મ ‘વીર’માં કામ કર્યું હતું અને 1992માં સલમાનની ફિલ્મ ‘સૂર્યવંશી’ આવી હતી. એટલે આમ જોવા જઈએ તો રણવીરની ‘સિમ્બા’માં અજય દેવગણ, અક્ષય કુમાર સિવાય સલમાન ખાનનું પણ કનેક્શન બને છે.

વાંચો, મૂવી રિવ્યુઃ સિમ્બા

‘સિમ્બા’ને મળ્યા સારા રિવ્યૂ

જણાવી દઈએ કે, આજે રિલીઝ થયેલી ‘સિમ્બા’ને સારા રિવ્યૂ મળ્યા છે અને ટ્રેડ એનાલિસ્ટના મતે કરણ જોહરે પ્રોડ્યુસ કરેલી આ ફિલ્મ સારી કમાણી કરશે. ટ્રેડ એનાલિસ્ટના અંદાજ પ્રમાણે આ ફિલ્મ પહેલા જ દિવસે 25 કરોડ રૂપિયાનો વકરો કરી શકે છે. માનવામાં આવે છે કે આગામી દિવસોમાં ‘સિમ્બા’ કમાણી મામલે ‘ઝીરો’ને માત આપશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2ERW3ta