પ્રિયંકા સાથે લગ્ન કરવાને લીધે આ સેલિબ્રિટી સાથે તૂટી નિકની દોસ્તી!

ડેમી લોવેટો સાથે નિકના સંબંધો તૂટ્યાં

પ્રિયંકા ચોપરા અને નિક જોનસ ડિસેમ્બરની શરૂઆતમાં લગ્નના બંધનમાં બંધાઈ ગયા. ઉંમરમાં મોટા અંતર છતાં આ કપલના સંબંધને પ્રેમ અને પછી લગ્નમાં ફેરવાતા જોઈ ઘણા લોકો આશ્ચર્ય પામી ગયા. આ દરમિયાન એવું જાણવા મળી રહ્યું છે કે, આ સ્ટાર કપલના વેડિંગથી નિકના હોલિવૂડ સિંગર ડેમી લોવેટો સાથે સંબંધો વણસી ગયા છે.

ખૂબ જ સારા મિત્રો રહ્યાં છે નિક-ડેમી

ડેમી અને નિકને ઘણા સારા મિત્રો માનવામાં આવે છે. જ્યારે ડેમી નિકના ભાઈ સાથે રિલેશનમાં આવી અને બંને વચ્ચે બ્રેકઅપ થયું ત્યારે પણ તેની નિક સાથેની દોસ્તી જળવાઈ રહી. એક ઈન્ટરવ્યુમાં ડેમીએ કહ્યું હતું કે, નિક તેનો એવો દોસ્ત છે જેના પર તે ખૂબ જ વિશ્વાસ કરે છે. તેણે કહ્યું હતું કે, નિક એવો દોસ્ત છે જે કાયમ તેનો સાથ આપશે.

પ્રિયંકા સાથે નિકના રિલેશનથી હતી નાખુશ

જોકે, હવે રિપોર્ટ્સ અનુસાર નિક અને પ્રિયંકાના લગ્નને કારણે આ દોસ્તીમાં ભંગાણ આવી ગયું છે. કહેવામાં આવી રહ્યું છે કે, ડેમી નિકના પ્રિયંકા સાથે લગ્ન કરવાના નિર્ણયથી ખુશ નહોતી. આ વાતને તેને રજૂ પણ કરી હતી.

ડેમીએ સોશિયલ મીડિયા પર નિકને અનફોલો કર્યો

જોકે, ડેમીની ઈચ્છા વિરુદ્ધ જઈને નિકે પ્રિયંકા સાથે લગ્ન કર્યા તો ડેમીએ સોશિયલ મીડિયા પર નિકને અનફોલો કરી દીધો. તેનું આવું કરવું એ સ્પષ્ટ જાહેર કરે છે કે, હવે તેમના સંબંધો પહેલા જેવા નથી. જોકે, આ અંગે બંનેમાંથી કોઈએ હજુ કોઈ પ્રતિક્રિયા સામે આવી નથી.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2Q6XV3n