‘ઑસ્ટ્રેલિયન બેટ્સમેનો કોહલી પાસેથી બેટિંગ કરવાનું શીખે’

ઑસ્ટ્રેલિયન બેટિંગ કોચની બેટ્સમેનોને સલાહ

મેલબૉર્ન: ઑસ્ટ્રેલિયન બેટિંગ કોચ ગ્રીમ હિક ટીમના પ્રથમ ઈનિંગમાં ઓછા સ્કોર પર સમેટાઈ જવાને કારણે નિરાશ છે અને તેણે પોતાના બેટ્સમેનોને કહ્યું છે કે, તે ઈનિંગને આગળ વધારવાની કળા ભારતીય કેપ્ટન વિરાટ કોહલી પાસેથી શીખે. ઑસ્ટ્રેલિયન ટીમ ત્રીજી ટેસ્ટના ત્રીજા દિવસે 66.5 ઓવર્સમાં માત્ર 151 રનમાં સમેટાઈ ગઈ હતી. હિકે પોતાના બેટ્સમેનોને કોહલીની 82 રનની ઈનિંગનું ઉદાહરણ આપ્યું જેના માટે તેણે 204 બોલનો સામનો કર્યો હતો.

કોહલી પાસેથી શીખવું જોઈએ

હિકે શનિવારે SEN રેડિયોને કહ્યું કે, ‘અમે વાત કરી કે, કોહલીએ કેવી રીતે ઈનિંગને આગળ ધપાવી. ચેતેશ્વર પૂજારા અને કોહલી, જે વિસ્ફોટક બેટિંગ કરવા માટે જાણીતો છે, તેણે 25-26 બોલમાં 20 રન બનાવ્યા અને બાદમાં ધીમે-ધીમે પોતાની ઈનિંગને આગળ વધારી.’

શ્રેષ્ઠ ખેલાડીઓમાં હોય છે આવી કાબેલિયત

તેણે આગળ જણાવ્યું કે, ‘દુનિયાના સર્વશ્રેષ્ઠ ખેલાડીઓ માટે પરિસ્થિતિ પ્રમાણે ઈનિંગને આગળ વધારવી મહત્વનું હોય છે, જો તમે એવા નથી તો તમે તેને રમતો જુઓ અને તેનાથી સીખો કે, તે આવું કેવી રીતે કરી રહ્યો છે. નિશ્ચિતપણે કેટલીક એવી બાબતો છે કે, જે આપણા ખેલાડીઓ શીખી શકે છે. આના માટે ખૂબ જ અનુશાસન અને સંયમની જરૂર હોય છે અને તમારી અંદર ઈચ્છા હોવી જોઈએ.’

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2ViL020