વિરાટને પણ બુમરાહની બોલિંગ રમતા ડર લાગે છે!!😲😲

બુમરાહની બોલિંગથી કોહલી પણ ડર્યો

મેલબોર્નઃ હાલમાં ટીમ ઈન્ડિયા કેપ્ટન વિરાટ કોહલીને સર્વશ્રેષ્ઠ બેટ્સમેન માનવામાં આવે છે. જાણકાર માને છે કે વિરાટ દુનિયાના કોઈપણ બોલિંગ અટેકને ધ્વસ્ત કરી શકે છે. આંકડા પર નજર નાખીએ તો વિરાટે દુનિયાભરમાં પોતાને સાબિત કર્યો છે અને આથી તે ટેસ્ટ રેન્કીંગમાં દુનિયામાં નંબર 1 બેટ્સમેન છે. પરંતુ ભારતીય કેપ્ટન રવિવારે મેલબોર્ન ટેસ્ટ જીત્યા બાદ ખુલાસો કર્યો કે તેનાથી દિગ્ગજો પણ હેરાન છે. વિરાટે જણાવ્યું કે તે પોતાની ટીમના ઝડપી બોલર જસપ્રીત બુમરાહનો સામનો ક્યારેય કરવા નહીં ઈચ્છે.

9 મેચમાં ઝડપી 48 વિકેટ

મેલબોર્ન ટેસ્ટમાં ટીમ ઈન્ડિયાની જીતમાં આ યુવા ઝડપી બોલરે મહત્વની ભૂમિકા ભજવી છે. આ મેચમાં ઓસ્ટ્રેલિયાની પહેલી ઈનિંગમાં પોતાના ટેસ્ટ કરિયરનું સર્વશ્રેષ્ઠ પ્રદર્શન કરતા 6/33 પ્રદર્શન કર્યું અને સમગ્ર મેચમાં 86 રન આપીને 9 વિકેટ મેળવી. આ ત્રડપી બોલરે ટેસ્ટ કરિયરના પહેલા જ વર્ષની 9 મેચમાં ત્રણ વખત ઈનિંગમાં 5 વિકેટ ઝડપી છે. આ વર્ષે તેણે ટેસ્ટ ક્રિકેટમાં 48 બેટ્સમેનોને પોતાનો શિકાર બનાવ્યા છે.

ઓસ્ટ્રેલિયાની પીચમાં બુમરાહ બન્યો ઘાતક

વિરાટે આ યુવા બોલરની પ્રશંસા કરતા કહ્યું કે, બુમરાહ ટેસ્ટ ક્રિકેટમાં જેટલી જલ્દી લય પકડે છે તે દુનિયાભરના બેટ્સમેનો માટે ડર છે. વિરાટની ગણના આ સમયના સર્વશ્રેષ્ઠ બેટ્સમેનોમાં થાય છે પરંતુ તે કહે છે, હું પોતે પર્થ જેવી પીચ પર બુમરાહનો સામનો કરવા નહીં ઈચ્છું. આવી પીચમાં રહેલી તિરાડના કારણે પિચમાં અસામાન્ય ઉછાળ આવે છે તો બુમરાહ સતત શરીર પર બોલ રમાડે છે.

સીરીઝમાં ભારત 2-1થી આગળ

વિરાટે કહ્યું કે, ઈમાનદારીથી કહું તો ટેસ્ટ ક્રિકેટમાં ખાસ કરીને પર્થ જેવી પિચ પર હું તેનો સામનો કરવાનું બિલકુલ પસંદ નહીં કરું. જ્યારે તે એકવાર લયમાં આવે છે તો પછી વિકેટ લેવાની ક્ષમતા ધરાવે છે. વિરાટે અહીં ટીમના પ્રદર્શનની પ્રશંસા કરી. તેણે કહ્યું, સીરીઝમાં સારી શરૂઆત બાદ ખેલાડી માનસિક રીતે મજબૂત હતા. આ બોલરો માટે ખૂબ ખાસ છે. એડિલેડમાં ટીમ ઈન્ડિયાએ આ સીરીઝ જીતથી શરૂઆત કરી હતી, પરંતુ પર્થમાં તેને હારનો સામનો કરવો પડ્યો હતો. મેલબોર્નમાં ટેસ્ટ જીત્યા બાદ તેણે સીરીઝ પર 2-1થી લીડ મેળવી છે. હવે આગામી ટેસ્ટ મેચ 3 જાન્યુઆરીએ સિડનીમાં રમાશે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2AprjN8