જ્યારે યાત્રીઓને લઈ જતી ટ્રેન સુરંગમાં જતા જ ગાયબ થઈ ગઈ, આજ સુધી નળી મળી

દુનિયાની સૌથી રહસ્યમયી ઘટના

દુનિયામાં એવી રહસ્યમયી ઘટનાઓ બની છે, જે આજ સુધી લોકો માટે રહસ્ય બનેલી છે. આવી જ એક ઘટનામાં 1911માં એક એવી ઘટના હતી જેમાં 106 લોકો સાથે જઈ રહેલી ટ્રેન સુરંગમાં જતા જ રહસ્યમયી રીતે ગાયબ થઈ ગઈ. આ ટ્રેન વિશે આજ સુધી જાણકારી મળી નથી કે છેવટે તે ગઈ ક્યાં?

સુરંગમાં દાખલ થતા જ ટ્રેન થઈ ગઈ ગાયબ

આ રહસ્યમયી ઘટના રોમની છે. હકીકતમાં જેનેટી નામની એક ટ્રેન 1911માં રોમન સ્ટેશનથી રવાના થઈ હતી. આ વચ્ચે ટ્રેન એક સુરંગમાં થઈને પસાર થઈ, પરંતુ ટ્રેન જેવી સુરંગમાં દાખલ થઈ તે અચાનક ગાયબ થઈ ગઈ. આ દરમિયાન ટ્રેનની ખૂબ શોધખોળ કરવામાં આવી, પરંતુ આજ સુધી તેની કોઈ માહિતી મળી નથી.

ટ્રેનમાંથી કૂદી ગયેલા બે વ્યક્તિઓએ જણાવી ઘટના

જોકે બાદમાં આ ટ્રેનમાં સવાર બે લોકો સુરંગની બહાર મળ્યા. તેમણે એવી ચોંકાવનારી ઘટના જણાવી જે સાંભળીને સૌ કોઈ સુન્ન પડી ગયા. તેમનું કહેવું હતું કે, ટ્રેન સુરંગ પાસે આવી, ત્યાંથી એક રહસ્યમયી ઘૂમાડો નીકળી રહ્યો હતો. તેને જોઈને તેઓ ગભરાઈને નીચે કૂદી ગયા. બાદમાં આ ટ્રેન સુરંગમાં દાખલ થઈ અને ક્યારેય પાછી નથી આવી. આ રહસ્યમયી ઘટના વિશે કહેવાય છે કે આ ટ્રેન પોતાના સમયથી 71 વર્ષ એટલે કે ભૂતકાળમાં જતી રહી હતી. મીડિયા રિપોર્ટ્સ મુજબ આ ટ્રેન વર્ષ 1840માં મેક્સિકોમાં પહોંચી ગઈ હતી. આ કારણે તેને ઘોસ્ટ ટ્રેન કહેવાય છે.

મેક્સિકોમાં પહોંચી ગઈ હતી ટ્રેન?

મેક્સિકોની એક ડોક્ટરે દાવો કર્યો હતો તે જે હોસ્પિટલમાં કામ કરતી હતી, ત્યાં રહસ્યમયી રીતે 104 લોકો એડમિટ કરાવાયા હતા. પરંતુ બધા ગાંડા થઈ ગયા હતા. જોકે તેમને એટલી જાણકારી હતી કે તેઓ ટ્રેનથી અહીં આવ્યા છે. પરંતુ સૌથી હેરાન કરનારી વાત તો એ છેકે તે સમયે એવી કોઈ ટ્રેન બની જ નહોતી, જે ડાઈરેક્ટ રોમથી મેક્સિકો સુધી જાય. આ લોકોનો મેક્સિકો પહોંચવાનો પણ કોઈ રેકોર્ડ ઉપસ્થિત નહોતો.

આજ સુધી નથી ઉકેલાયું ટ્રેનનું રહસ્ય

આ વિચિત્ર ઘટના આજ સુધી સમગ્ર દુનિયા માટે કોયડા સમાન છે. જોકે તેનાથી પણ મોટું રહસ્ય છે કે ઈટાલી, રશિયા, જર્મની અને રોમાનિયાના ઘણા વિસ્તારોમાં આ ટ્રેનને જોઈ હોવાનો દાવો કરવામાં આવ્યો છે. દરેક વખતે જે ટ્રેન જોઈ હોવાનો દાવો કરાયો છે, તે એવી જ ટ્રેન હતી જે 1911માં ગાયબ થઈ હતી.

from Page Array – I Am Gujarat https://ift.tt/2Pgucoa