નાનકડા તલના દાણાનું તેલ સ્વાસ્થ્ય માટે ગુણકારી, મહિલાઓએ ખાસ વાપરવું જોઈએ

ગુણકારી તલનું તેલ

તલ ભલે દેખાવમાં નાના હોય પરંતુ સ્વાસ્થ્યની દ્રષ્ટિએ ખૂબ ફાયદાકારક છે. ખાસ કરીને તલનું તેલ શિયાળામાં મહિલાઓના સ્વાસ્થ્યનું રક્ષણ કરે છે. તલના તેલમાં વિટામિન E, B કોમ્પ્લેક્સ, કેલ્શિયમ, મેગ્નેશિયમ, ફોસ્ફરસ અને પ્રોટીન રહેલું છે જે હાડકાંને મજબૂતી અને વાળને સુંદરતા પ્રદાન કરે છે. સાથે જ ટેન્શન દૂર કરવા માટે શરીરના દરેક ભાગે તલના તેલથી માલિશ કરી શકાય છે. એન્ટી ઓક્સિડન્ટથી ભરપૂર હોવાના કારણે વધતી ઉંમરની અસર, વાયરસ અને બેક્ટેરિયા ઈન્ફેક્શનથી બચાવે છે. તલનું તેલ ગરમાવો આપે છે એટલે શિયાળામાં ખાસ ઉપયોગ કરવો જોઈએ.

અમારા ન્યૂઝ WhatsApp પર મેળવવા અહીં ક્લિક કરો

હાડકાં મજબૂત બનાવે

તલના તેલમાં ડાઈટરી પ્રોટીન અને એમિનો એસિડ હોય છે જેનાથી હાડકાં મજબૂત થાય છે. આ સિવાય શિશુના હાડકાંના વિકાસમાં પણ મદદ કરે છે. એટલે બાળકોને તલના તેલથી માલિશ કરવી જોઈએ. તલના તેલમાં રહેલું મેગ્નેશિયમ, આયર્ન, ઝિંક, કેલ્શિયમ અને સેલેનિયમ મસલ્સને એક્ટિવ બનાવવામાં મદદરૂપ થાય છે.

ત્વચામાં ભેજ જળવાઈ રહે

તલનું તેલ ત્વચા માટે ફાયદાકારક હોય છે. તેલની મદદથી ત્વચાને પોષણ મળે છે અને ભેજ જળવાઈ રહે છે. તલના તેલમાં વિટામિન બી અને વિટામિન ઈ હોય છે જે સ્કીન માટે ખૂબ સારા છે. તલના તેલથી રેગ્યુલર મસાજ કરવાથી ત્વચાની ચમક જળવાઈ રહે છે.

દાંત મજબૂત કરે

તલનું તેલ દાંત માટે પણ લાભદાયી છે. સવારે-રાત્રે બ્રશ કર્યા બાદ તલ ચાવવાથી દાંત મજબૂત થાય છે સાથે જ કેલ્શિયમની પૂર્તિ કરે છે. મોંઢામાં ચાંદા પડ્યા હોય તો તલના તેલમાં સિંધાલૂણ મીઠું ઉમેરીને ચાંદા પર લગાવવાથી રાહત મળશે.

ફાટેલી એડી માટે

ફાટેલી એડીઓ ફરીથી કોમળ બનાવવા માટે તલના તેલને ગરમ કરીને તેમાં મીઠું અને મીણ ઉમેરીને લગાવો. આ પ્રયોગથી વાઢિયા મટી જશે. આ સિવાય શરીરના કોઈપણ અંગની ત્વચા દાઝી જાય તો તેલને પીસીને ઘી અને કપૂર સાથે લગાવવાથી આરામ મળશે અને ઘા પર ત્વરિત રૂઝ આવશે.

બ્રેસ્ટ સુડોળ બનાવશે

આ તેલથી મહિલાઓ બ્રેસ્ટ પર નીચેથી ઉપરની તરફ મસાજ કરશે તો બ્રેસ્ટ સુડોળ બનશે. તલના તેલમાં વિટામિન Eની માત્રા વધારે હોય છે જેથી તલના તેલથી માલિશ કરવાથી બ્રેસ્ટ લચી નહીં પડે.

વાળને પોષણ આપે

તલનું તેલ વાળને અંદર સુધી પોષણ આપવાનું કામ કરે છે. તલના તેલનું હૂંફાળું ગરમ કરો અને હાથથી સ્કેલ્પ પર મસાજ કરો. થોડી વાર આ તેલ વાળમાં રહેવા દો અને પછી નોર્મલ પાણીથી વાળ ધોઈ લો. આ સિવાય તલના તેલથી મસાજ કરવાથી બ્લડ સર્ક્યુલેશન સુધરે છે જેનાથી વાળ ઝડપથી વધે છે. જો તમારા વાળ ખરતાં હોય તો આ તેલથી માલિશ કરી શકો છો.

from Page Array – I Am Gujarat https://ift.tt/2KVROOt