ગુજરાતઃ પોતાના પતિઓ માટે મહિલાઓ કરાવી રહી છે વજાઇનલ સર્જરી

એક સમયે જે અંગે બોલવું પણ વર્જ્ય ગણાતું હતું….

અમદાવાદઃ જે વાત કે વસ્તુ વિશે એક દશકા પહેલા બોલવી પણ વર્જ્ય ગણાતી હતી, જો કરવામાં આવે તો પણ જાણે કાનમાં ધીરે ધીરે બોલવાનું હોય તેમ ગાયનેકોલોજિસ્ટ સાથે મહિલાઓ વાત કરતી હતી. પરંતુ આજે સમય સાથે સમાજ બોલ્ડ થયો છે. હવે આ રીતે ગણગણાટની જેમ બોલવાની જરુર નથી. આજે તો ઘણી મીડલ એજ મહિલાઓ વજાઇનોપ્લાસ્ટી કે જેને ઘણીવાર વજાઇનલ રીજુવેનેશન કહેવાય છે તે કરાવે છે. કોઈપણ જાતના છોછ વગર મહિલાઓ બાળકના જન્મ પછી પોતાના આ અંગને પહેલા જેવું જ કરવા માટે આ પ્રકારના ઓપરેશન કરાવી રહી છે.

અમારા ન્યૂઝ Whatsapp પર મેળવવા અહીં ક્લિક કરો

આ સર્જરી કરાવી રહી છે ગુજરાતની ઘણી મહિલાઓ

જોકે મોટાભાગે આવા ઓપરેશન મહિલાઓ પોતાના શોખ કરતા પોતાના પુરુષ સાથીને ખુશ કરવા માટે વધુ કરાવે છે. વસ્ત્રાપુરમાં દવાખાનું ધરાવતા ગાયનેકોલોજિસ્ટ ડૉ. ચૈતસિ શાહે કહ્યું કે, ‘બાળકના જન્મબાદ વજાઇનલ સ્કાર વગેરેના કારણે સેક્સ લાઇફ અફેક્ટ થતી હોવાથી ઘણી મહિલાઓ માટે નોન ઇનવેસિવ પ્રોસીજર એક જરુરિયાત બની ગઈ છે. પહેલા બાળકના જન્મ પછી આ તો થાય જ એમ કહીને સ્વીકારી લેતી હતી. પરંતુ હવે તેમને ખબર છે કે પોતાના આનંદ અને સેક્સ લાઇફ માટે નાનકડી પ્રોસીજર તેમને ઘણી મદદરુપ થઈ શકે છે.’

નાના-નાના ગામમાંથી ઇન્ક્વાયરી કરવા આવે છે

આ કારણે ઘણી મહિલાઓ તો પોતાની મીડલ એજમાં જ ઇચ્છે છે કે તેઓ પહેલા જેવી જ ઇન્ટિમસી ફીલ કરવા માગે છે. આ કારણે જ આજે અમને છેટ પોરબંદર અને લિમડી જેવા સેન્ટરમાંથી પણ ઇન્ક્વાયરી સાથે પેશન્ટ મળવા આવે છે.

શહેરમાં યોજાઈ રહી છે યુરોગાનેક 2018

શહેર 4 દિવસનો યુરોગાનેક 2018 કાર્યક્રમ યોજી રહ્યું છે. જેમાં 600 જેટલા વ્યક્તિઓએ ભાગ લીધો છે અને ગાયનેક પ્રોબ્લેમ અંગે ચર્ચા કરી રહ્યા રહ્યા છે. જેમાં ઇન્કન્ટિનેન્સ અને કોસ્મેટિક ગાયનેકોલોજી અંગે પણ ચર્ચા થશે. આ કાર્યક્રમના ઓર્ગેનાઇઝિંગ ચેરપર્સન અને IKDRCના ડિરેક્ટર ડૉ. વિનીત મિશ્રાએ કહ્યું કે, ‘આજે એકથી વધારે ઇન્વેસિવ પ્રક્રિયા ઉપલબ્દ છે. જેમાં લેસર ટેક્નિક અને રેડિયો ફ્રીક્વન્સીનો ઉપયોગ થાય છે. જોકે આ માટે લોકોને પૂરતી જાણકારી પણ જરુરી છે. આ કારણે જ ભાગ લેનાર તમામ પાર્ટિસિપેન્ટ્સને મુખ્ય મુદ્દાઓ અંગે સમજ આપવામાં આવશે અને રોબોટિક સર્જરી અંગે પણ લાઈવ સ્ટ્રિમ દ્વારા સજાવવામાં આવશે.’

હવે આ સર્જરી નથી ફક્ત 2 કલાકમાં થઈ જતી પ્રોસિજર છે

આ ઇવેન્ટના ઓર્ગેનાઇઝિંગ સેક્રેટરી ડૉ. નિતા મિશ્રાએ કરન્ટ ટ્રેન્ડ અંગે કહ્યું કે, ‘આજે પણ લિબિયાપ્લાસ્ટી અને હાયમનોપ્લાસ્ટીની પ્રોસીજર ખૂબ જ પોપ્યુલર છે. સામાન્ય રીતે 30-60 વય મર્યાદાની મહિલાઓ આ પ્રોસિજર વધુ કરાવી રહી છે. કેમ કે પહેલાના સમયમાં આ એક સર્જરી હતી જે આજે એક પ્રોસિજર છે. જેના માટે તેમને હોસ્પિટલાઇઝ થવાની પણ જરુર નથી પડતી. કેમ કે મોટાભાગની પ્રક્રિયા લેસર અને રેડિયો ફ્રીક્વન્સી આધારીત હોય છે. લોકો સમજવું જોઈએ કે આ પ્રકારની સર્જરી ફક્ત સુંદર કે યુવાન દેખાવા માટે જ નહીં પણ આવી સર્જરીથી મહિલા પોતાને પણ આત્મવિશ્વાસથી ભરપૂર અનુભવે છે અને ખૂબ સારી રીતે ઇન્ટિમસીને ફીલ કરી શકે છે.’

ફક્ત સંદર દેખાવા નહીં પોતાન આત્મવિશ્વાસ માટે પણ…

આ કાર્યક્રમમાં મુખ્ય વક્તાઓ પૈકી એક ઓસ્ટ્રેલિયાની કૂક યુનિવર્સિટીના ઓબસ્ટેટ્રિક્સ અને ગાયનેકોલોજી વિભાગના હેડ અને પ્રોફેસર ડૉ. અજય રાણે છે. જેમણે કહ્યું કે, ‘થર્મિવા ઇન જેનિટલ હાઇટસ ટ્રીટમેન્ટ(TIGHT)’ જેવા મામલે ગુજરાત દુનિયામાં ખૂબ મોટો રોલ ભજવી રહ્યું છે.

from Page Array – I Am Gujarat https://ift.tt/2BhqBRR