રીના ઝકરિયા
મુંબઈ: માલિક કંપનીઓએ તેમની પેટાકંપનીઓની ઓડિટ પ્રોસેસ પર નજર રાખવી પડે તેવી શક્યતા છે. સેબી આ અંગેની દરખાસ્તની વિચારણા કરી રહી છે. પેટાકંપનીઓના તમામ ઓડિટર્સની કામગીરીની સમીક્ષા માલિક કંપનીના ઓડિટર્સ માટે ફરજિયાત બનાવવાની સેબીની યોજના છે. માલિક કંપનીના ઓડિટર્સની સમીક્ષા બાદ જ પેટાકંપનીનાં બોર્ડ તેને મંજૂરી આપી શકશે.
આ ગતિવિધિથી માહિતગાર એક વ્યક્તિએ જણાવ્યું હતું કે IL&FSની કટોકટી બાદ સેબીની સમિતિ આ દરખાસ્ત અંગે વિચારણા કરી રહી છે. પેટાકંપનીઓનું ઓડિટ સામાન્ય રીતે નાના ચાર્ટર્ડ એકાઉન્ટન્ટ કરતા હોય છે. વૈશ્વિક સ્તરે મોટા ભાગની મોટી કંપનીઓમાં માત્ર એક જ ઓડિટર હોય છે, જે સમગ્ર ગ્રૂપના સંયુક્ત ફાઇનાન્શિયલ સ્ટેટમેન્ટ માટે જવાબદાર હોય છે.
ડિલોઇટ ઇન્ડિયાના પી આર રમેશે જણાવ્યું હતું કે, “ભારતમાં સ્થિતિ અલગ છે અને ઓડિટિંગનાં હાલનાં ધોરણો મુજબ માલિક કંપનીના ઓડિટર્સ પેટાકંપનીના ઓડિટર્સની કામગીરી પર આધાર રાખે છે, પરંતુ કામગીરીની સમીક્ષા કરતા નથી. ઓડિટની જવાબદારી અલગ અલગ હોય છે અને માલિક કંપનીના ઓડિટર્સને જોખમની જાણકારી મળતી નથી.”
સેબી પેરેન્ટ કંપનીની ઓડિટ કંપનીઓ પર જવાબદારી નાંખવાની યોજના બનાવી રહી છે. માલિક કંપનીના ઓડિટર્સે કોન્સોલિટેડ સ્ટેટમેન્ટ પર હસ્તાક્ષર કરવા પડે તેવી શક્યતા છે. IL&FSના કટોકટી બાદ આ મુદ્દો સેબીના ધ્યાન પર આવ્યો છે. IL&FSમાં જટિલ માળખું હતું તથા માલિક કંપની અને પેટાકંપનીઓના ઓડિટર્સ વચ્ચે સંકલનનો અભાવ હતો.
from Page Array – I Am Gujarat https://ift.tt/2PSwwlE
No comments:
Post a Comment