આજથી શરૂ થઈ રહ્યો છે માઉન્ટ આબુ ફેસ્ટિવલ, જાણો તેમાં શું ખાસ છે

આજથી શરૂ થયો ફેસ્ટિવલઃ

માઉન્ટ આબુ રાજસ્થાનનું એકમાત્ર હિલ સ્ટેશન છે. વળી તે ગુજરાતીઓનું પણ લોકપ્રિય હિલ સ્ટેશન છે. આથી ત્યાં આમ પણ ગુજરાતી પ્રવાસીઓનો ખાસ્સો ધસારો રહેતો હોય છે. અરવલ્લીની લીલીછમ પર્વતમાળામાં આવેલા માઉન્ટ આબુમાં આજથી 31 ડિસેમ્બર સુધી માઉન્ટ આબુ ફેસ્ટિવલનું આયોજન થઈ રહ્યું છે. જાણો આ ફેસ્ટમાં કઈ ખાસ વાત હશે.

અમારા ન્યુઝ WhatsApp પર મેળવવા અહીં ક્લિક કરો

માઉન્ટ આબુ વિન્ટર ફેસ્ટિવલઃ

માઉન્ટ આબુ વિન્ટર ફેસ્ટિવલ 29 ડિસેમ્બર 2018થી 31 ડિસેમ્બર 2018 સુધી યોજાશે. આ ધાર્મિક અને સાંસ્કૃતિક રીતે ખૂબ જ મહત્વનો ફેસ્ટિવલ છે. તમને આ ગાળામાં અહીં રાજસ્થાની કલ્ચરની ઝલક જોવા મળશે. આ ફેસ્ટમાં સ્થાનિકો પણ શઆમેલ થાય છે.

શું જોવા મળે?

માઉન્ટ આબુ વિન્ટર ફેસ્ટિવલમાં ઘણા બધા લોકલ કલાકારો રંગબેરંગી ડ્રેસ પહેરીને પરફોર્મ કરે છે. તમને રાજસ્થાની વાનગીઓનો સ્વાદ પણ માણવા મળશે. અહીં કેટલાંક રસપ્રદ અને અભિભૂત થઈ જવાય તેવા ડાન્સ પરફોર્મન્સ ણ જોવા મળશે. રાજસ્થાનના પ્રસિદ્ધ ડફ, ઘૂમર અને ગેર નૃત્ય પર ડાન્સ કરતા જોવા મળશે.

સ્પોર્ટ્સઃ

આ ઉપરાંત તમને અહીં કેટલીક રમતોનું આયોજન થતુ જોવા મળશે. અહીં નકી લેકમાં દીવા તરતા મૂકવાની ઈવેન્ટ પણ યોજાય છે જેમાં નકી લેક પર સેંકડો દીવડા તરતા જોવા મળે છે. આ દૃશ્ય જાદુઈ હોય છે.

માઉન્ટ આબુમાં ખાવા-પીવા માટે આ છે બેસ્ટ જગ્યાઓ, ચોક્કસ ટ્રાય કરજો

સરઘસઃ

રાજસ્થાન ટૂરિઝમ ડેવલપમેન્ટ કોર્પોરેશનની હોટેલથી સરઘસ પણ નીકળે છે જે નકી લેક સ્ટોપ થાય છે. આ ગાળામાં આબુ જવુ હોય તો એડવાન્સમાં હોટેલ બુક કરાવવી યોગ્ય છે કારણ કે આ ગાળામાં અહીં ટૂરિસ્ટ્સનો ભારે ધસારો હોય છે.

from Page Array – I Am Gujarat http://bit.ly/2s22e6x