આ વખતે સાત્વિક ફૂડ ફેસ્ટમાં મળી રહી છે આવી અવનવી અને હેલ્ધી વાનગીઓ

સાત્વિક ફૂડ ફેસ્ટઃ

જો તમે બોડકદેવ વિસ્તારમાં ટ્રાફિકમાં ફસાઈ જાવ તો તેનું કારણ છે ખૂબ જ સ્વાદિષ્ટ પણ હેલ્ધી વાનગી પીરસતો સાત્વિક ફૂડ ફેસ્ટિવલ 2018. સૃષ્ટિ દ્વારા આયોજિત આ ફેસ્ટિવલમાં જૂની વીસરાતી વાનગીઓનો સ્વાદ માણવા આખુ અમદાવાદ ઉમટી રહ્યું છે. આજે ફૂડ ફેસ્ટનો છેલ્લો દિવસ છે. અમદાવાદના ફૂડી વર્ષા શાહ જણાવે છે, “આ ફેસ્ટથી જાણે મન ધરાતુ જ નથી. આશા રાખુ કે આ ફેસ્ટ દર છ મહિને યોજાય. ખાસ કરીને ઉનાળા દરમિયાન કેરીની સીઝન હોય ત્યારે. ગ્રામીણ આદિવાસીઓ કેરીમાંથી ખૂબ સરસ સરસ વાનગીઓ બનાવે છે.”

અમારા ન્યુઝ WhatsApp પર મેળવવા અહીં ક્લિક કરો

અવનવી વાનગીઃ

સાત્વિકમાં અનેક ફૂડ આઈટમ્સ તમને ખાવા મળશે જેમાં તમારા શરીરને ભરપૂર પોષણ મળે તેવા ખાદ્યપદાર્થોનો ઉપયોગ કરવામાં આવ્યો છે. અમદાવાદીઓ એમેય ખાવા-પીવાના શોખીન છે. એમાં હેલ્ધી અને ટેસ્ટી ફૂડ મળે તો અમદાવાદીઓ પાછા પડે? તમને અહીં મહુડાના ફૂલમાંથી બનાવેલો આઈસ્ક્રિમ, ઝાલાવાડી ઝીંઝરા શાક, બાજરી પિઝા, લાલ ભીંડી શરબત, કોળાની ખીર, એલોવેરા હલવા જેવી અનેક યુનિક આઈટમ્સ મળે છે.આદિવાસી થાળી જેવી કે મકાઈની રોટી, ભાત, ઉંબાડિયુ, રાગીની ઈડલી, સાંભાર વગેરે મળે છે. સ્વીટ્સની વાત કરીએ તો અહીં કુલ્ફી, ગુલાબ જલેબી, સ્ટફ્ડ ગુલાબ જાંબુ વગેરે મળે છે. રતાળુ, ગ્રીન કોર્ન, ફણગાવેલા કઠોળની ભેળ, પોટલી વગેરે મળે છે. અહીં તમને રોટલાની પણ અવનવી વાનગી ચાખવા મળશે. આજે અમે તમારી સાથે સાત્વિક ફૂડ ફેસ્ટની જ કેટલીક રેસિપી શેર કરવા જઈ રહ્યા છે.

રતાળુની પૂરી- સોનલ દિક્ષીત, પારસ દિક્ષીત

સામગ્રીઃ

રતાળુ
બેસન
ધાણા
મરી
મસાલા (હળદર, મરચુ, મીઠુ)

રીતઃ

રતાળુની છાલ ઉતારી તેની પાતળી ચીર કરો. પાણી નાંખી બેસનની ગાઢી પેસ્ટ બનાવો. તેમાં મરચુ અને નમક સ્વાદાનુસાર ઉમેરો. રતાળુની ચીરને આ પેસ્ટમાં ડૂબાડો અને તેના પર ધાણા અને મરી લગાવો. તેને ગરમાગરમ તેલમાં તળી સર્વ કરો.

અખરોટ મશરૂમ સૂપ- ખુશ્બુ દોશી, અંકિત દોશી

સામગ્રીઃ

અખરોટ- 200 ગ્રામ
ડુંગળી
મશરૂમ- 500 ગ્રામ
લસણ
સફેદ અથવા કાળા મરી
સ્વાદાનુસાર નમક
ટોપિંગ માટે સિંગદાણા

રીતઃ

અખરોટ અને મશરૂમને પલાળી રાખી પાણીમાં થોડી વાર ઉકાળો. ડુંગળી, લસણ, મરી સાથે તેને પીસી નાંખો. ત્યાર બાદ તેને પાણી નાંખી ઉકાળો. તમારે જેટલી થિકનેસ જોઈતી હોય તે પ્રમાણે ઉકાળો. ઉપર શિંગ નાંખીને ગરમાગરમ સર્વ કરો.

પંપકિન માંડા- મનીષા વસાવા

સામગ્રીઃ

કોળુ 250 ગ્રામ
લાલ ચોખાનો લોટ 500 ગ્રામ

રીતઃ

આ મિશ્રણને સહેજ ઉકાળી તેમાંથી લોટ બાંધો. તેમાંથી નાની નાની રોટલી વણીને રીંગણના ઓળા સાથે ગરમાગરમ પીરસો.

સોયા પનીર જલેબી- ગણપત સિંહ

સામગ્રીઃ

સિંગોડાનો લોટ- 250 ગ્રામ
કેસર
સોયા પનીર- 125 ગ્રામ
કેરેમલ શુગર
ઘી

રીતઃ

લોટ અન સોયા પનીર મિક્સ કરો. તેને જલેબીનો શેપ આપી તળો. જલેબીને ચાસણીમાં ડૂબાડો.

હર્બલ ચોકલેટ પાન- ક્રિષ્ણા આર નાગર

સામગ્રીઃ

100 કલકત્તી પાન
1 નાની બોટલ ગુલકંદ
200 ગ્રામ વરિયાળી
200 ગ્રામ ધાણાદાળ
ચણોઠીના પાન
જેઠી મધ પાવડર 50 ગ્રામ
સ્વાદાનુસાર સાકર
સ્વાદાનુસાર આમળા પાવડર
સ્વાદાનુસાર ફુદીનાનો પાવડર

રીતઃ

પાન ધોઈને કાપી નાંખો. તેમાં વરિયાળી, ગુલકંદ, ધાણા દાળ, સાકર મિક્સ કરી પાણી ઉમેરો જેથી ઘટ્ટ પેસ્ટ બને. તેમાં પાન, આમળા, ફુદીનાનો પાવડર ઉમેરો. આ મિશ્રણને ચારથી પાંચ દિવસ તડકે તપાવો. ત્યાર બાદ તેમાંથી નાની નાની ગોળી વાળી સર્વ કરો.

મહુડાનો આઈસ્ક્રીમઃ

from I Am Gujarat http://bit.ly/2AgAUpL