…અને રણવીરના પેરેન્ટ્સને લાગ્યું દીપિકા જ દીકરા માટે છે પર્ફેક્ટ

દીપિકાએ કરી સાસુ-સસરા વિશે વાત

બોલિવુડ એક્ટ્રેસ દીપિકા અને રણવીરના લગ્નને દોઢ મહિના જેટલો સમય થયો છે. હાલમાં જ દીપિકાએ એક ઈન્ટરવ્યૂમાં રણવીરના પેરેન્ટ્સ સાથેના સંબંધો વિશે વાતચીત કરી. દીપિકાએ ખુલાસો કર્યો કે ક્યારે રણવીરના માતા-પિતાને લાગ્યું કે તે તેમના દીકરા માટે પર્ફેક્ટ છે.

અમારા ન્યૂઝ WhatsApp પર મેળવવા અહીં ક્લિક કરો

‘રણવીર-દીપિકા હંમેશા સાથે રહેશે’

‘મસ્તાની’ દીપિકાએ કહ્યું, “જ્યારે રણવીરને ડેંગ્યૂ થયો હતો ત્યારે હું એક તરફ શૂટિંગ કરતી અને રણવીરને મળવા હોસ્પિટલ પણ દરરોજ જતી હતી. આ એવી ઘટના હતી જેના પરથી રણવીરના પેરેન્ટ્સને લાગ્યું કે અમે બંને હંમેશા સાથે રહીશું.”

કેવું છે રણવીરના પેરેન્ટ્સ સાથે બોન્ડિંગ?

દીપિકાએ રણવીરના પેરેન્ટ્સ સાથેના બોન્ડિંગ વિશે પણ વાત કરી. મિસિસ રણવીર સિંહે ઈન્ટરવ્યૂમાં કહ્યું, “રણવીરના પિતા મને દીકરીની જેમ રાખે છે અને તેના મમ્મી મારા ફ્રેંડ જેવા છે.” જણાવી દઈએ કે, દીપવીરે ઈટાલીના લેકકોમોમાં ભવ્ય લગ્ન કર્યા હતા. લગ્નના થોડા દિવસ બાદ બેંગલુરુ અને મુંબઈમાં રિસેપ્શન આપ્યા હતા.

મુંબઈમાં સેલેબ્સ માટે હતું રિસેપ્શન

બેંગલુરુમાં આયોજિત રિસેપ્શનમાં મોટાભાગે સ્પોર્ટ્સ સ્ટાર્સ સામેલ થયા હતા જ્યારે મુંબઈમાં બોલિવુડ સેલેબ્સ માટે રિસેપ્શન હતું. લગ્ન પહેલા રણવીર અને દીપિકા 6 વર્ષ સુધી રિલેશનશીપમાં હતા. બંનેને પ્રેમકહાની સંજય લીલા ભણસાલીની ફિલ્મ રામલીલાથી શરૂ થઈ.

આ ફિલ્મોનું શૂટિંગ કરશે દીપવીર

વર્કફ્રંટની વાત કરીએ તો રણવીર સિંહની હાલમાં જ રિલીઝ થયેલી ફિલ્મ ‘સિમ્બા’ બોક્સઓફિસ પર ધમાલ મચાવી રહી છે. હવે રણવીર ‘ગલી બોય’, ‘1983’, ‘તખ્ત’માં જોવા મળશે. દીપિકા ફિલ્મ ‘છપાક’માં જોવા મળશે. આ ફિલ્મ એસિડ એટેક પીડિતાની વાર્તા પર આધારિત હશે.

from Page Array – I Am Gujarat http://bit.ly/2ETO9AF