પિતાએ ક્રિકેટ ગ્રાઉન્ડ ગિફ્ટ કર્યું, દીકરી હવે દેશ માટે રમશે

દીકરીએ પુરું કર્યું પિતાનું સપનું

સાઈબલ બોસ, જયપુરઃ અભિનવ બિન્દ્રાના પિતાએ તેના પ્રેક્ટિસ માટે શૂટિંગ રેન્જ બનાવી આપી હતી, બાદમાં તેણે ઓલમ્પિકમાં ગોલ્ડ મેડલ જીત્યો. પ્રિયા પુનિયાના પિતાએ દીકરીને ટ્રેઈન કરવા ક્રિકેટ ગ્રાઉન્ડ બનાવડાવ્યું. પિતાને ગર્વ થાય એમ દીકરીનું ન્યુઝીલેન્ડ સામેની ભારતની ટી20 ટીમમાં સિલેક્શન થયું છે. કોઈ બિઝનેસમેન માટે ટેનિસ કોર્ટ બનાવવો કે શૂટિંગ રેન્જ બનાવવી સરળ કામ છે. પરંતુ કોઈ સરકારી ક્લાર્ક માટે આ કામ એટલું જ મુશ્કેલ છે.

પિતાએ લોન લઈને ક્રિકેટ ગ્રાઉન્ડ બનાવ્યું

સુરેન્દ્રએ પોતાની સંપત્તિ વેચી અને લોન લઈને 2010માં જયપુરની બહાર 1.5 વીઘા જમીન ખરીદી. તે જણાવે છે, હું હંમેશાથી સ્પોર્ટ્સ કોમ્પલેક્ષ બનાવવા ઈચ્છતો હતો. જ્યારે તેની દીકરીએ બેડમિન્ટન નહીં પરંતુ છોકરાઓ સાથે ક્રિકેટ રમવામાં રસ દાખવ્યો, તો તેણે મેદાનમાં નેટ્સ બાંધીને પીચ તૈયાર કરી નાખી. જયપુરની પ્રિયાએ 2015માં ડોમેસ્ટિક ક્રિકેટમાં શાનદાર પ્રદર્શન કર્યું હતું. પરંતુ તેનું સિલેક્શન થઈ શક્યું નહીં. તેણે હિંમત ન હારી અને પ્રેક્ટિસ ચાલું રાખી.

મેદાનના મેઈન્ટેનન્સ માટે મહિને 15000નો ખર્ચ

આ વિશે વાત કરતા તે કહે છે, હું જાણતી હતી કે એક દિવસ ટીમમાં મારું સિલેક્શન થશે. પ્રિયાના પિતાએ જે પોતે દેશ માટે રમવાનું સપનું જોયું હતું હવે દીકરીને રમતી જોઈને સપનું પૂરું કરશે. પ્રિયા દિલ્હી માટે ડોમેસ્ટિક ક્રિકેટ રમે છે અને પાછલી બે સિઝનથી તે હાઈએસ્ટ રન સ્કોરર રહી છે. સુરેન્દ્રનું જ્યારે દિલ્હીથી જયપુરમાં ટ્રાન્સફર થયું ત્યાં તેમણે એક ખરાબ અનુભવ થયો. પ્રિયાને ક્રિકેટ એકેડમીમાં મૂકતા સમયે કોચે કહ્યું કે, એક છોકરી શું કરી શકશે? બસ આ વાતથી ઉદાસ થઈને પ્રિયાના પપ્પાએ તેના માટે ગ્રાઉન્ડ તૈયાર કરવાનું નક્કી કર્યું. તેઓ મેદાનના મેઈન્ટેનન્સ માટે મહિને 15,000 રૂપિયા ખર્ચે છે.

દીકરીની ટેકનિક પર કામ કર્યું

દીકરીને ભારતીય ટીમમાં રમતી જોવાનું સપનું પુરું કરવાં તેમણે તેની ટેકનિક પર કામ કર્યું. પ્રેક્ટિસ દરમિયાન તેમણે જોયું કે પ્રિયાનું બેટ ઝડપથી નીચે આવે છે, આ કારણે તેને શોર્ટ રમવામાં ક્યારેક મુશ્કેલી પડે છે. તે છોકરાઓની બોલિંગમાં પ્રેક્ટિસ કરતી. જ્યારે છોકરીઓની બોલિંગમાં બોલ આટલી ઝડપે નથી આવતો. આથી તેના પિતાએ છોકરાઓ પાસેથી ધીમી બોલિંગ કરાવી. તેઓ પોતે પણ પ્રિયાને બોલિંગ કરી પ્રેક્ટિસ કરાવતા હતા. અને હવે દીકરીને ટીમમાં રમતા જોશે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2SrhXrn