IndVsAus : પર્થ ટેસ્ટમાં ટૉસ હારવા માગે છે કાંગારુ કેપ્ટન

બીજી ટેસ્ટની પૂર્વ સંધ્યાને ટિમ પેઈનનું નિવેદન

ઑસ્ટ્રલિયન કેપ્ટન ટિમ પેઈને ભારત વિરુદ્ધ બીજી ટેસ્ટ મેચની પૂર્વ સંધ્યાએ કહ્યું કે, તેને પિચ પરનું ગ્રીન ગ્રાસ જોઈને ટૉસ હારવાનું વધુ સારું લાગી રહ્યું છે. સાથે જ તેણે ભારતીય ખેલાડીઓની પ્રશંસા કરી. તેણે કહ્યું કે, ભારતની પાસે સ્ટ્રેન્થ છે અને પર્થમાં અમારી સામે કેટલાક નવા ખેલાડીઓ હશે. જણાવી દઈએ કે, એડિલેડમાં રમાયેલી પ્રથમ ટેસ્ટમાં ભારતે 31 રનથી જીત મેળવી હતી.

ટૉસ હારવા માગે છે ઓસી કેપ્ટન

પેઈને આપ્ટ્સ સ્ટેડિયમમાં રમાનારી ટેસ્ટ પહેલા કહ્યું કે, ‘હા, હું કહીશ કે, ટૉસ હારવો સારી વાત રહેશે. સાચું કહું તો મેં આજે સવારે આ વિશે ક્યૂરેટર સાથે વાત કરી. મને નથી લાગતું કે, પિચ એટલી ખરાબ હશે. અહીં વન-ડે અને ટી20 માટે બંને પિચો વ્હાઈટ બૉલ ક્રિકેટ માટે અસલમાં ઘાસ ભરેલી લાગી રહી હતી પણ તેના પર ઘણી સારી રમત થઈ.’

પેઈનનું લૉજિક વિનાનું સ્ટેટમેન્ટ

ક્રિકેટના નિયમ પ્રમાણે ટૉસ જીતનાર ટીમના કેપ્ટન પાસે બેટિંગ કરવી કે ફિલ્ડીંગ તે પસંદ કરવાનો અધિકાર રહે છે તો પછી ટિમ પેઈને આ પ્રકારનું નિવેદન કેમ આપ્યું કે, તે ટૉસ હારવા માગે છે. ઉલ્ટાનું આવી સ્થિતિમાં જો તે ટૉસ હારી જાય તો પછી તેને એ જ કરવું પડશે (બોલિંગ કે ફિલ્ડીંગ) જે ભારતીય કેપ્ટન ઈચ્છશે.

ઓસ્ટ્રેલિયાની ટીમમાં કોઈ ફેરફાર નહીં

તેણે આગળ કહ્યું કે, ‘આટલી ગરમી જોતા તે કદાચ તૂટશે અને તમે મેચ દરમિયાન તિરાડો જોઈ શકો છો. જે છે તે તો છે જ અને તમે કાલે સવારે જે કંઈ પણ કરો (ટૉસ જીતો કે હારો) તમારે સારી શરૂઆત કરવી પડશે.’ ઑસ્ટ્રેલિયાએ બીજી ટેસ્ટ માટે ટીમમાં કોઈ ફેરફાર કર્યા નથી.

‘અમે સમગ્ર ભારતીય ટીમને ધ્યાનથી જોઈ’

પેઈને માન્યું કે, ભારત ફાસ્ટ બોલર્સવાળા આક્રમણ સાથે ઉતરી શકે છે અને સાથે જ તેણે કહ્યું કે, ઑસ્ટ્રોલિયાએ પોતાનું કામ કરી લીધું છે. ખેલાડીઓ ઈજાગ્રસ્ત થવાને કારણે ભારતે પોતાની ટીમમાં કેટલાક બદલાવ કર્યા છે. તેણે કહ્યું કે, ‘તેમની ટીમમાં નવા ખેલાડીઓ આવી રહ્યાં છે. અમે આ વિશે વાત કરી પણ અમે છેલ્લા કેટલાક સપ્તાહમાં સમગ્ર ટીમ પર ધ્યાન લગાવ્યું છે જેથી અમે તેમની મજબૂતી અને નબળાઈઓને જાણી શકીએ.’ પેઈને કહ્યું કે, ‘છેલ્લે તો આ મેદાન પર એકજુટ થઈને રમવાની વાત છે. તેઓ પ્લેઈંગ ઈલેવનમાં જે ખેલાડીઓને સામેલ કરશે તેઓ પડકાર ફેંકશે અને સીરીઝમાં 2-0ની લીડ બનાવવા માગશે. આના માટે અમારે પહેલા બોલથી જ કબજો જમાવવો પડશે.’

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2EjoVdD