મુંબઈ:રિઝર્વ બેન્કે નોન બેન્કિંગ ફાઇનાન્સ કંપની (એનબીએફસી) માટે કોઈ પણ પ્રકારની વિશેષ લિક્વિડિટી વિન્ડો આપવાનો ઇન્કાર કર્યો છે. રિઝર્વ બેન્કના ગવર્નર ઊર્જિત પટેલે જણાવ્યું હતું કે સિસ્ટમમાં જરા પણ તરલતાની કટોકટી નથી. પણ આવી કોઈ કટોકટી હોવાનું જણાશે તો રિઝર્વ બેન્કે મધ્યસ્થ બેન્કની ભૂમિકા પૂરી કરવાની ખાતરી આપી છે.
રિઝર્વ બેન્ક સિસ્ટમમાં તરલતા મુજબ નિર્ણય લે છે. રિઝર્વ બેન્ક આ સિવાય ધિરાણદારોનું અંતિમ આશ્રયસ્થાન પણ છે, તે પરિસ્થિતિની માંગ હોય તો જરૂરી પગલાં પણ લઈ શકે છે, એમ ડેપ્યુટી ગવર્નર વિરલ આચાર્યએ જણાવ્યું હતું.
આચાર્યએ જણાવ્યું હતું કે, “અમારી સમીક્ષા દર્શાવે છે કે અર્થતંત્રની મજબૂત સ્થિતિ જોતાં હાલમાં તરલતામાં વધારો કરવાની કોઈ જરૂરિયાત નથી. અમે જોઈ રહ્યા છીએ કે સર્વગ્રાહી ધિરાણવૃદ્ધિ સામાન્ય જીડીપીની વૃદ્ધિદરની તુલનાએ હોવી જોઈએ તેના કરતાં વધારે છે.” એનબીએફસી માટે તરલતાની ખાસ વિન્ડો ઉપલબ્ધ કરાવવી તે પણ રિઝર્વ બેન્ક અને સરકાર વચ્ચેના વિવાદના મહત્ત્વના કારણ પૈકી એક હતું. IL&FS અને ગ્રૂપ કંપનીઓએ સપ્ટેમ્બરમાં તરલતાની કટોકટી દર્શાવતાં સિસ્ટમમાં તરલતાની કટોકટી ઊભી થઈ હતી.
આચાર્યએ જણાવ્યું હતું કે બેન્કિંગ રેગ્યુલેટર બજાર નિરીક્ષક સેબીના સતત સંપર્કમાં છે, જેથી મ્યુચ્યુઅલ ફંડના વધુ પડતા રિડેમ્પશન પર નજર રાખી શકાય અને એનબીએફસી તથા હાઉસિંગ ફાઇનાન્સ કંપનીઓના રોલ ઓવર જોખમ પર પણ ચાંપતી નજર રાખી શકાય.
રિઝર્વ બેન્કે એનબીએફસી માટે રોકડપ્રવાહની સ્થિતિ સુધારવા માટે શ્રેણીબદ્ધ પગલાં લીધાં છે. તેના લીધે બેન્કો દ્વારા એનબીએફસી અને એચએફસી દ્વારા જારી કરાતા બોન્ડ માટે બેન્કોએ પાર્શિયલ ક્રેડિટ પૂરી પાડવાની છૂટ મળી છે, તેનાથી બોન્ડ્સની ક્રેડિટ ક્વોલિટીમાં વધારો કરવામાં મદદ મળી છે.
આ ઉપરાંત તેમણે સિક્યોરિટાઇઝેશનના નિયમમાં પણ રાહત આપી છે છે જેથી જોખમને સારું ફંડિંગ ધરાવતી બેન્ક બેલેન્સ શીટમાં ટ્રાન્સફર કરી શકાય. અમારી સમીક્ષા પ્રમાણે આ પગલાંના લીધે છેલ્લા બે મહિના દરમિયાન સર્જાયેલી ફંડિંગ સ્ટ્રેસની સ્થિતિ હળવી થઈ છે. અમે એનબીએફસી અને એચએફસીને સમય આપ્યો છે અને તેમને એસેટ તથા લાયેબિલિટીના મોરચે અનુકૂળ થવાની તક પૂરી પાડી છે, તેમા પણ ખાસ કરીને તેમની જવાબદારીના સમયગાળાના માળખાના સંદર્ભમાં આ બાબત મહત્ત્વની છે, એમ આચાર્યએ જણાવ્યું હતું.
from Page Array – I Am Gujarat https://ift.tt/2rndOso
No comments:
Post a Comment