સ્વિગીને ટક્કર આપવા ઝોમેટો $1Bનું ભંડોળ એકત્ર કરશે

67346320

માધવ ચંચાણી/સમિધા શર્મા

બેંગલુરુ/મુંબઈ:ઓનલાઇન ફૂડ ડિલિવરી ક્ષેત્રે 2019માં સ્પર્ધા વધુ જામવાની છે. ગુડગાંવ સ્થિત ઝોમેટોએ તેની હરીફ સ્વિગીને ટક્કર આપવા માટે 50 કરોડથી એક અબજ ડોલર સુધીનું ફંડ એકત્ર કરવા રોકાણકારો સાથે ચર્ચા શરૂ કરી છે.

ફૂડ ડિલિવરી અને રેસ્ટોરન્ટ ડિસ્કવરી પ્લેટફોર્મ ઝોમેટોએ નવા રાઉન્ડ માટે ચાઇનીઝ પ્રાઇવેટ ઇક્વિટી કંપની પ્રાઇમાવેરા કેપિટલ અને હાલની રોકાણકાર અલીબાબાની એન્ટ ફાઇનાન્શિયલ સાથે મંત્રણા શરૂ કરી છે.

ફાઇનાન્સિંગના નવા રાઉન્ડનું મૂલ્ય જાણી શકાયું નથી પરંતુ ઓક્ટોબરમાં ઝોમેટોએ નાણાં એકત્ર કર્યાં ત્યારે તેનું મૂલ્ય બે અબજ ડોલર આંકવામાં આવ્યું હતું. સૂત્રોએ જણાવ્યું કે, “પ્રાઇમાવેરા આગામી રાઉન્ડમાં 20 કરોડ ડોલર રોકે અને બાકીની રકમ એન્ટ ફાઇનાન્શિયલ પાસેથી મેળવવામાં આવે તેવી શક્યતા છે. કંપની રાઉન્ડના સિન્ડિકેટ માટે અન્ય રોકાણકારો સાથે પણ ચર્ચા કરી રહી છે.”

પ્રાઇમાવેરા એ એન્ટ ફાઇનાન્શિયલ તથા અલીબાબાના લોકલ સર્વિસ યુનિટ કોબેઇની પણ રોકાણકાર છે જેને તાજેતરમાં અલીબાબાના યુનિટ અને ફૂડ ડિલિવરી પ્લેટફોર્મ Ele.me સાથે મર્જ કરવામાં આવી હતી. એન્ટ ફાઇનાન્શિયલ સાથે પ્રાઇમાવેરાએ કેટલાક અન્ય સહ-રોકાણ કર્યાં છે.

કંપનીમાં રોકાણ કરવા માટે કયા નવા રોકાણકારો વાતચીત કરી રહ્યા છે તે વિશે માહિતી આપવાનો ઝોમેટોના પ્રવક્તાએ ઇનકાર કર્યો હતો. પરંતુ તેમણે કહ્યું કે નવા ફંડ

એકત્રીકરણ માટે અમે સંભવિત રોકાણકારો સાથે વાત કરીએ છીએ (એન્ટ ફાઇનાન્શિયલ સહિત). ગયા રાઉન્ડની સરખામણીમાં આ પ્રીમિયમ હશે કારણ કે કંપનીએ ગયા રાઉન્ડ પછી તેની સાઇઝને બમણા કરતાં પણ વધુ મોટી કરી છે. એન્ટ ફાઇનાન્શિયલ અને પ્રાઇમાવેરાએ આ વિશે ટિપ્પણી કરી ન હતી.

હિલચાલથી વાકેફ સૂત્રોએ જણાવ્યું કે, “ઝોમેટો માટે એન્ટ ફાઇનાન્શિયલ પાસેથી ફંડ એકત્ર કરવાનું વધુ સરળ હશે કારણ કે તે અત્યારે સૌથી વધુ પ્રભાવ ધરાવતી અને
નાણાકીય રીતે સધ્ધર રોકાણકાર છે. પરંતુ તે નવા રોકાણકાર સાથે પણ વાત કરે છે અને આગામી કેટલાક મહિનામાં સોદો પૂર્ણ કરવાની યોજના છે.એન્ટ ફાઇનાન્શિયલની પેરન્ટ અલીબાબા સાથે વાતચીત ઘણા સમયથી ચાલે છે. આ ઉપરાંત ચીનની ટ્રાવેલ કંપની સીટ્રિપ સાથે પણ વાતચીત કરે છે.

2018માં ઓનલાઇન ફૂડ ડિલિવરી ઉદ્યોગમાં સૌથી વધારે નાણાં ખર્ચ થયાં છે અને ઇ-કોમર્સમાં તે સૌથી વધુ સ્પર્ધા ધરાવે છે. ગયા વર્ષમાં સ્વિગીએ એક અબજ ડોલરની જંગી રકમ એકત્ર કરી હતી. ઝોમેટોને ધારણા ન હતી કે સ્વિગી આટલી મોટી રકમ એકઠી કરશે. તેણે 60 કરોડ ડોલર એકત્ર કરવાનો અંદાજ રાખ્યો હતો. સ્વિગીએ જંગી રકમ એકઠી કરતા ઝોમેટોએ નવા ફાઇનાન્સિંગની જરૂર પડશે તેમ સૂત્રોએ નામ ન આપવાની શરતે કહ્યું હતું. ઝોમેટોએ ગયા વર્ષે એન્ટ ફાઇનાન્શિયલ પાસેથી ૪૧ કરોડ ડોલર મેળવ્યા હતા અને હવે તે બહારના ટેકાની યોજના ધરાવે છે.

from Page Array – I Am Gujarat http://bit.ly/2CHsWaw