રોહિત શેટ્ટીની દરિયાદિલી, ‘સિમ્બા’ની કમાણીમાંથી આટલી રકમ મુંબઈ પોલીસને દાન કરી

બ્લોકબસ્ટર સાબિત થઈ ‘સિમ્બા’

2018ના અંતમાં રિલીઝ થયેલી રોહિત શેટ્ટીની ફિલ્મ ‘સિમ્બા’ સુપરહિટ સાબિત થઈ છે. ફિલ્મની કમાણી 250 કરોડની નજીક પહોંચવા આવી છે. આ ફિલ્મમાં રણવીર સિંહ અને સારા અલી ખાન લીડ રોલમાં જોવા મળ્યા. રોહિત શેટ્ટી આ પહેલા પણ પોલીસ પર ફિલ્મો બનાવીને દર્શકોના દિલ જીતી ચૂક્યા છે. ‘સિમ્બા’એ રિલીઝના થોડા જ દિવસોમાં 100 કરોડના ક્લબમાં જગ્યા બનાવી દીધી હતી.

અમારા ન્યૂઝ WhatsApp પર મેળવવા અહીં ક્લિક કરો

મુંબઈ પોલીસને દાન આપ્યા 51 લાખ

હાલમાં જ રોહિત શેટ્ટી મુંબઈ પોલીસના કાર્યક્રમ ‘ઉમંગ 2019’માં ‘સિમ્બા’ ફિલ્મની કાસ્ટ સાથે પહોંચ્યા હતા. રણવીર સિંહ અને સારા અલી ખાને કાર્યક્રમમાં પર્ફોર્મંસ પણ આપ્યું હતું. પોલીસની આસપાસ વણાયેલી આ ફિલ્મની વાર્તાથી રોહિતે ખૂબ કમાણી કરી છે. ત્યારે રોહિતે દરિયાદિલી બતાવતા કમાણીનો અમુક હિસ્સો મુંબઈ પોલીસને દાન કર્યો છે. ઉમંગ 2019 દરમિયાન રોહિતે મુંબઈ પોલીસને 51 લાખ રૂપિયાનો ચેક આપ્યો.

‘સિંઘમ’થી શરૂ કરી પોલીસ આધારિત વાર્તા

મુંબઈ પોલીસને 51 લાખ રૂપિયાનો ચેક આપતી રોહિત શેટ્ટીની તસવીર સામે આવી છે. તસવીરમાં રોહિત ઉપરાંત અજય દેવગણ, રણવીર સિંહ અને અક્ષય કુમાર જોવા મળે છે. જણાવી દઈએ કે રોહિત શેટ્ટીએ પોલીસ પર આધારિત ફિલ્મ ‘સિંઘમ’ બનાવી હતી. આ ફિલ્મમાં અજય દેવગણ પોલીસ ઓફિસરના રોલમાં હતો. ત્યાર બાદ અજય સાથે જ ‘સિંઘમ 2’ બનાવી. હવે રણવીર સાથે ‘સિમ્બા’ જેવી બ્લોકબસ્ટર ફિલ્મ આપી.

‘સૂર્યવંશી’ લઈને આવશે રોહિત શેટ્ટી

આ સિવાય રોહિત શેટ્ટી એક નવો પ્રોજેક્ટ શરૂ કરવાના છે. આ ફિલ્મનું નામ ‘સૂર્યવંશી’ હશે. રોહિતે આ ફિલ્મમાં અક્ષય કુમારને કાસ્ટ કરવાની જાહેરાત કરી છે. આ ફિલ્મની હીરોઈન હજુ સુધી નક્કી નથી થઈ. આ ફિલ્મમાં પણ પોલીસના જીવનની વાર્તા હશે. આ ફિલ્મની જાહેરાત રોહિતે રસપ્રદ અંદાજમાં કરી. ‘સિમ્બા’ના અંતમાં અક્ષય કુમારનો કેમિયો જોવા મળે છે. જેમાં અક્ષય પોતાની ઓળખાણ આપતા કહે છે, ‘હું વીર સૂર્યવંશી. ટેરરિઝમ સ્ક્વોડનો ચીફ’.

from Page Array – I Am Gujarat http://bit.ly/2Ttu4EA