ત્યારે ડિરેક્ટર મને નાઈટીમાં જોવા માગતા હતા

જો સૂટ પહેરીશ તો ફિલ્મોમાં કામ નહીં મળે

બોલિવૂડની બોલ્ડ એક્ટ્રેસ પૈકીની એક એવી માહી ગીલ પણ સેક્સ્યુઅલ હેરેસમેન્ટનો શિકાર થઈ ચૂકી છે. તેણે અમારી સાથે થયેલી વાતચીતમાં જણાવ્યું કે હું મારા કરિયરની શરૂઆતમાં જ્યારે એક ડિરેક્ટરને મળવા ગઈ હતી ત્યારે મેં સલવાર-સૂટ પહેર્યો હતો અને ત્યારે મને એવો જવાબ મળ્યો હતો કે જો સૂટ પહેરીને આવીશ તો ફિલ્મોમાં કામ નહીં મળે.

અમારા ન્યૂઝ Whatsapp પર મેળવવા અહીં ક્લિક કરો

ત્યારે ડાયરેક્ટર મને નાઈટીમાં જોવા માગતા હતા

માત્ર આટલું જ નહીં, માહી ગિલે વધુમાં જણાવ્યું કે તે એકવખત કોઈએક ડિરેક્ટરને મળવા ગઈ હતી ત્યારે તે ડિરેક્ટરે માહી ગિલને એવું કહ્યું હતું કે તે જોવા માગે છે કે નાઈટીમાં માહી ગિલ કેવી લાગે છે. આપને જણાવી દઈએ કે માહી ગિલે ફિલ્મ ‘દબંગ’માં અરબાઝ ખાનની પત્નીનું પાત્ર ભજવ્યું હતું અને અનુરાગ કશ્યપની ફિલ્મ ‘દેવ. ડી’માં પ્રખ્યાત પારોનું પાત્ર ભજવ્યું હતું. પણ, તિગ્માંશુ ધૂલિયાની ફિલ્મ ‘સાહબ, બીવી ઔર ગેંગસ્ટર’ થકી માહી ગિલની સ્વતંત્ર હિરોઈન તરીકેની ઓળખ સ્થાપિત થઈ.

હું ક્યારેય એક્ટ્રેસ બનવા નહોતી માગતી

માહી ગિલ જણાવે છે કે તે એક જમીનદાર પરિવારમાંથી આવે છે અને તે ક્યારેય એક્ટ્રેસ બનવા નહોતી માગતી. તે આર્મી જોઈન કરવા માગતી હતી પણ કેટલાંક કારણોસર આર્મી છોડવી પડી. તેણે ચંદીગઢ યુનિવર્સિટીમાં નાટકોમાં કામ કરવાનું શરૂ કર્યું હતું. ત્યારબાદ માહી ગિલે મુંબઈ આવીને સ્ટ્રગલ કરવાનું શરૂ કર્યું. હવે માહીને લાગે છે કે તે એક્ટિંગ સિવાય કશું બીજું કરી શકશે નહીં.

હું પણ લગ્ન માટે વિચારી રહી છું: માહી ગિલ

નાની ઉંમરમાં લગ્ન અને ત્યારબાદ છૂટાછેડામાંથી પસાર થઈ ચૂકેલી માહી ગિલ જણાવે છે કે જીવનમાં લગ્ન જરૂરી છે, આજકાલ બોલિવૂડમાં ઘણાં લગ્નો થઈ રહ્યા છે અને માટે હું પણ લગ્ન માટે વિચારી રહી છું. મને અત્યારે બોલિવૂડમાં સારું કામ પણ મળી રહ્યું છે, મારી આગામી ફિલ્મનું નામ ‘દૂરદર્શન’ છે અને આ ફિલ્મમાં દિલ્હીના એક મિડલ ક્લાસ પંજાબી પરિવારની વાત છે.

from I Am Gujarat http://bit.ly/2FQwTfN