બોની કપૂરે કંઈક આ રીતે કરી રોહિત શેટ્ટીની હેલ્પ

અક્ષય સાથે આગામી ફિલ્મ કરી રહ્યો છે રોહિત

રોહિત શેટ્ટીના નિર્દેશનમાં બનેલી ‘સિમ્બા’ અત્યારે થિએટર્સમાં ધૂમ મચાવી રહી છે. ફિલ્મમાં એક કૉપ તરીકે અક્ષય કુમારે પણ કેમિયો રોલ કર્યો છે અને લોકોએ તેને ખૂબ પસંદ કર્યો છે. અસલમાં આ અક્ષયનું આ કેરેક્ટર તેની આગામી ફિલ્મનું છે જેને રોહિત શેટ્ટી જ ડિરેક્ટ કરી રહ્યો છે. આ ફિલ્મનું નામ ‘સૂર્યવંશી’ રાખવામાં આવ્યું છે.

રોહિતને નહોતું મળી રહ્યું ફિલ્મનું ટાઈટલ

જણાવી દઈએ, આ જ નામથી એક ફિલ્મ 1992માં પણ રિલીઝ થઈ હતી. આ એક હૉરર ફિલ્મ હતી જેનું ડિરેક્શન વિજય ગલાનીએ કર્યું હતું. તો સવાલ એ છે કે, રોહિત શેટ્ટીને આગામી ફિલ્મ માટે આ ટાઈટલ કેવી રીતે મળી ગયું? કેટલાક મીડિયા રિપોર્ટ્સનું માનીએ તો આ કામમાં જાણીતા ફિલ્મ નિર્માતા અને નિર્દેશક બોની કપૂરે રોહિતની મદદ કરી છે.

બોની કપૂરે કરી મદદ

સૂત્રો અનુસાર, પહેલા વિજય ગલાની પોતાની ફિલ્મનું ટાઈટલ રોહિત સાથે શેર કરવા તૈયાર નહોતા. પણ બાદમાં બોનીએ આ વિશે તેમની સાથે વાત કરી અને તે તૈયાર થઈ ગયા. આની સાથે જ ફિલ્મના ટાઈટલની સ્પેલિંગ પણ Suryavanshiને બદલે Sooryavanshi કરી દેવાઈ. હજુ આ ફિલ્મ વધારે કોઈ જાણકારી મળી નથી પણ માનવામાં આવી રહ્યું છે કે ટૂંક સમયમાં જ તેનું શૂટિંગ શરૂ થઈ જશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2sck46T