નારાજ પત્નીને મનાવવા પતિએ ટેટૂ બનાવ્યું, ‘હું જૂઠ્ઠો, દગાબાજ છું’

પત્નીને મનાવવા પતિએ છૂંદાવ્યું ટેટૂ

લંડન: પતિ-પત્નીના સંબંધોમાં દગાખોરીની તિરાડ પડે તો જીવનસાથીને મનાવવું ખૂબ મુશ્કેલ થઈ જાય છે. એક દગાબાજ પતિએ પોતાની પત્નીને મનાવવા માટે કંઈક એવું કર્યું કે તે સોશિયલ મીડિયા પર છવાઈ ગયો. જૉસ ટેરેસ નામના એક વ્યક્તિએ પોતાની પત્નીને દગો આપ્યો. પરિણામ સ્વરૂપે પત્ની નારાજ થઈ ગઈ. પત્નીને મનાવવા માટે પોતાની ભૂલ સ્વીકારી એટલું જ નહિ એક ટેટૂ પણ બનાવ્યું જેમાં પોતાને દગાબાજ, જૂઠ્ઠો અને કોઈને માન ન આપતો શખ્સ ગણાવ્યો.

પોતાને જૂઠ્ઠો, દગાબાજ ગણાવ્યો

જૉસના ટેટૂની તસવીર સોશિયલ મીડિયા પર ટેટૂ આર્ટિસ્ટે શેર કરી છે. જો કે બે શબ્દોના સ્પેલિંગની ભૂલ હોવાથી આર્ટિસ્ટે કહ્યું, કે તે મૂળ બ્રિટિશર નથી અને ઈંગ્લિશ દ્વિતિય ભાષા છે. જૉસે પોતાના શરીર પર બનાવેલા ટેટૂ પર લખ્યું, ” હું જૉસ ટેરેસ. 2 જાન્યુઆરી 2019ના રોજ આ ટેટૂ મેં મારી મરજીથી બનાવ્યું છે. હું મારી પત્નીનો વિશ્વાસ ફરી મેળવવા માગુ છું કારણકે મારા લીધે આપણા લગ્નજીવનમાં પીડા અને દુઃખ સહન કરવું પડ્યું છે.”

સોશિયલ મીડિયા પર પ્રતિક્રિયા

આ ટેટૂ સોશિયલ મીડિયા પર શેર થયા બાદ લોકો અલગ અલગ પ્રતિક્રિયા આપી રહ્યા છે. કેટલાકે લગ્નનો અંત લાવવાની સલાહ આપી તો કેટલાકે જૉસને માફી કરી દેવાની પત્નીને સલાહ આપી. ટેટૂ આર્ટિસ્ટે પણ સ્પેલિંગમાં થયેલી ભૂલો સ્વીકારી અને કહ્યું કે, હું હંમેશા મારા ક્લાયંટને પહેલા સ્પેલિંગ આપવાની અપીલ કરું છું. અંગ્રેજી મારી બીજી ભાષા છે અને મને આ ભાષાનું ઓછું જ્ઞાન છે.

from Page Array – I Am Gujarat http://bit.ly/2FcuvzR