‘જસપ્રીત બુમરાહ બેટ્સમેનો માટે ‘ખરાબ સ્વપ્ન’ જેવો!’

હૉજે કરી બુમરાહ-પૂજારાની ભરપૂર પ્રશંસા

સિડની: ઑસ્ટ્રેલિયાના પૂર્વ ક્રિકેટર બ્રેડ હૉજે ભારતીય ફાસ્ટ બોલર જસપ્રીત બુમરાહનો સામનો કરવાની બાબતને ‘દુ:સ્વપ્ન’ જેવી ગણાવી છે. હોજે સાથે સાથે કહ્યું કે, ત્રીજી ટેસ્ટમાં ચેતેશ્વર પુજારાના રનોએ બંને ટીમો વચ્ચે અંતર પેદા કર્યું. જણાવી દઈએ કે, ટેસ્ટ સીરીઝની ચોથી અને છેલ્લી ટેસ્ટ સિડનીમાં 3 જાન્યુઆરીથી રમાશે અને હાલ ભારત 2-1થી આગળ છે.

બંને ટીમોનો બોલિંગ પક્ષ મજબૂત

હૉજે કહ્યું કે, ‘બંને ટીમોની બોલિંગ ખૂબ જ મજબૂત છે. પર્થ ટેસ્ટમાં પહેલા સેશનને બાદ કરતા અને મેલબૉર્નમાં મયંક અગ્રવાલને બાદ કરતા તમામ ઓપનિંગ બેટ્સમેનો ઝઝૂમતા દેખાયા.’

પૂજારાની ઈનિંગથી બન્યું અંતર

તેણે કહ્યું, ‘ત્રીજા નંબરની બેટિંગ ખૂબ જ મહત્વપૂર્ણ હતી. પૂજારાએ પોતાની વિકેટ સસ્તામાં ન ગુમાવી અને એક છેડો સાચવી રાખ્યો. નાથન લાયને એડિલેડ અને પર્થમાં સારી બોલિંગ કરી પણ મેલબોર્નમાં ભારતીય બેટ્સમેનોએ તેને શાનદાર રીતે સામનો કર્યો. તે ખૂબ જ મહેનત કરે છે અને પરિણામ પણ મેળવી રહ્યો છે.’

બુમરાહ પાસે ટેસ્ટ બોલરની તમામ ક્વૉલિટી

હૉજે બુમરાહની બોલિંગની પ્રશંસા કરતા કહ્યું કે, ‘તેનો સામનો કરવો એક ખરાબ સપના જેવું છે. તે સૌથી ખતરનાક બોલર છે. તે ઝડપી છે, લાઈન-લેન્થમાં સચોટ છે અને બૉલને બંને તરફ સ્વિંગ કરાવે છે. જે ટેસ્ટ મેચમાં બોલર માટે જરૂરી છે.’

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2F1Flb1