અલ્ટોથી માંડીને વિટારા બ્રેઝા સુધી, જાણો મારુતિની કઈ કાર કેટલી માઈલેજ આપે છે

કેટલી માઈલેજ આપે મારુતિની કાર?

મારુતિની કાર પાછળ લોકો અમસ્તા જ દીવાના નથી. મારુતિની કાર્સ પોપ્યુલર થવા પાછળ મોટું કારણ તેની સારી માઈલેજ છે. જાણો એન્ટ્રી લેવલ હેચબેક અલ્ટો 800થી માંડીને એસયુવી વિટારા બ્રેઝા સુધી મારુતિની કઈ કાર કેટલી માઈલેજ આપે છે.

મારુતિ અલ્ટો 800

મારુતિની આ સૌથી સસ્તી કારનું પેટ્રોલ એન્જિન 24.70 કિ.મી પ્રતિ લીટર અને CNG વેરિયન્ટ 33.44 કિ.મી પ્રતિ કિલોગ્રામની માઈલેજ આપે છે. તેની શરૂઆતની એક્સ શો રૂમ કિંમત 2.66 લાખ રૂપિયા છે.

અલ્ટો કે 10

અલ્ટો 800ની મોટી બહેન મનાતી આ કારના પેટ્રોલ એન્જિનમાં 24.07 કિ.મી પ્રતિ લીટરની માઈલેજ મળે છે. CNG વેરિયન્ટમાં 32.26 કિ.મી પ્રતિ કિલોની માઈલેજ મળે છે. તેની શરૂઆતની એક્સ શોરૂમ કિંમત 3.42 લાખ રૂપિયા છે.

વેગન આરઃ

મારુતિએ તાજેતરમાં જ નવી વેગનઆર લોન્ચ કરી છે. તે બે એન્જિન ઓપ્શનમાં મળે છે. તેના 1.0 લીટર એન્જિનમાં 22.5 કિ.મી પ્રતિ લીટર અને 1.2 લીટરવાળા એન્જિનમાં 21.5 કિ.મી પ્રત લીટરની માઈલેજ મળે છે. તેની સ્ટાર્ટિંગ એક્સ શોરૂમ કિંમત 4.19 લાખ રૂપિયા છે.

સેલેરિયોઃ

આ હેચબેકના પેટ્રોલ એન્જિનમાં 23.1 કિ.મી પ્રતિ લીટર અને CNG વેરિયન્ટમાં 31.76 કિ.મી પ્રતિ કિલોગ્રામની માઈલેજ મળે છે. તેની શરૂઆતની એક્સ શોરૂમ કિંમત 4.21 લાખ રૂપિયા છે.

સ્વિફ્ટઃ

મારુતિની આ પોપ્યુલર કારના પેટ્રોલ વેરિયન્ટની માઈલેજ 22 કિ.મી પ્રતિ લીટર અને ડીઝલ વેરિયન્ટની માઈલેજ 28.4 કિ.મી પ્રતિ લીટર છે. તેની શરૂઆતની એક્સ શો રૂમ કિંમત 4.99 લાખ રૂપિયા છે.

ડિઝાયરઃ

આ ખૂબ જ પોપ્યુલર સિડાન કારની માઈલેજ સ્વિફ્ટ જેટલી જ છે. ડિઝાયરના પણ પેટ્રોલ વેરિયન્ટની માઈલેજ 22 કિ.મી પ્રતિ લીટર અને ડીઝલ વેરિયન્ટની માઈલેજ 28.4 કિ.મી પ્રતિ લીટર છે. કારની શરૂઆતની એક્સ શો રૂમ કિંમત 5.69 લાખ રૂપિયા છે.

અર્ટિગાઃ

મારુતિ સુઝુકીએ થોડા મહિના પહેલા જ નવી અર્ટિગા લોન્ચ કરી છે. તે MPVનું પેટ્રોલ એન્જિન મેન્યુઅલ ટ્રાન્સમિશનમાં 19.34 કિ.મી પ્રતિ લીટર, પેટ્રોલ એન્જિન ઓટોમેટિક ટ્રાન્સમિશનમાં 18.69 કિ.મી પ્રતિ લીટર અને ડીઝલ એન્જિનમાં 25.47 કિ.મી પ્રતિ લીટરની માઈલેજ મળે છે. તેની શરૂઆતની એક્સ શો રૂમ કિંમત 7.44 લાખ રૂપિયા છે.

વિટારા બ્રેઝાઃ

મારુતિના આ SUV માત્ર ડીઝલ એન્જિનમાં આવે છે. તેનું માઈલેજ 24.3 કિ.મી પ્રતિ લીટર છે. વિટારા બ્રેઝાની સ્ટાર્ટિંગ એક્સ શો રૂમ કિંમત રૂ. 7.67 લાખ છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2S02y52