આવી રહી છે હોન્ડાની નેકેડ બાઈક, જાણો ખૂબીઓ

ભારતમાં ટૂંક સમયમાં લોન્ચ થશે Honda CB300R

હોન્ડા ભારતમાં ટૂંક સમયમાં જ પોતાની રેટ્રો-મોર્ડન સ્પોર્ટ બાઈક CB300R લોન્ચ કરવાની છે. કંપનીએ આ વાતની પુષ્ટિ કરી દીધી છે. ભારતીય બજારમાં હોન્ડાની આ શાનદાર બાઈક BMW G 310R અને KTM 390 Duke જેવી ધાંસૂ બાઈક્સને ટક્કર આપશે.

અમારા ન્યૂઝ WhatsApp પર મેળવવા અહીં ક્લિક કરો

‘નિઓ-સ્પોર્ટ કેફે’ સ્ટાઈલિંગ

હોન્ડા પહેલા જ જાહેરાત કરી ચૂકી છે કે આ નાણાંકીય વર્ષમાં તે એક નવી પ્રોડક્ટ લાવશે, જેનાથી માનવામાં આવી રહ્યું છે. હોન્ડા સીબી300આરને માર્ચ પહેલા જ લોન્ચ કરી દેવામાં આવશે. સીબી300આર કંપનીની નવી ‘નિઓ-સ્પોર્ટ કેફે’ સ્ટાઈલિંગવાળી બાઈક છે. ભારતમાં ઉપલબ્ધ સ્પોર્ટ-નેકેડ બાઈક 2019 સીબી1000આરનું સ્ટાઈલિંગ પણ આવું જ છે.

એન્જિન કેવું છે?

હોન્ડા સીબી300આરમાં રેટ્રોલ સ્ટાઈલમાં રાઉન્ડ એલઈડી હેડલાઈટની સાથે અગ્રેસિવ લાઈન્સ આપવામાં આવી છે. આ ધાંસુ લુકવાળી બાઈકમાં ફુલ-ડિજિટલ ઈન્સ્ટ્રૂમેન્ટ ક્લસ્ટર અપાયા છે. તેમાં 286સીસી, સિંગલ સિલિન્ડર, લિક્વિડ કૂલ્ડ, 4-વૉલ્વ DOHC એન્જિન મળશે. એન્જિનને 6-સ્પીડ ગિયરબોક્સથી લેસ કરાયું છે.

આટલી પાવરફુલ છે બાઈક

કંપનીએ એન્જિનના પાવર સાથે સંલગ્ન જાણકારી હજુ શેર નથી કરી. જોકે, યુકેના માર્કેટમાં ઉપલબ્ધ આ બાઈક 31.4hpનો પાવર અને 27.5Nm ટૉર્ક જનરેટ કરે છે. માનવામાં આવી રહ્યું છે કે, તે ભારતમાં પણ આટલી જ ક્ષમતા સાથે આવશે.

કેવી છે બ્રેકિંગ સિસ્ટમ?

બાઈકના બંને વ્હીલ 17-ઈંચના છે. ફ્રન્ટમાં 296mm ડિસ્ક બ્રેક અને રિયરમાં 220mm ડિસ્ક બ્રેક અપાઈ છે. હોન્ડાએ પોતાની આ ધાંસુ બાઈકને ડ્યુઅલ ચેનલ એબીએસથી લેસ કરી છે. યુકેમાં આ બાઈકનું વજન 143 કિલોગ્રામ છે, જે આ સેગમેન્ટમાં તેને હળવી બાઈક્સમાંથી એક બનાવે છે. ભારતીય બજારમાં પણ તેનું આટલું જ વજન હોવાની શક્યતા છે.

કેવા હશે કલર?

ભારતમાં આ બાઈક બે કલર ઓપ્શનમાં ઉપલબ્ધ હશે. તેમાં મેટ એક્સિસ ગ્રે મેટેલિક અને કેન્ડી ક્રોમોસ્ફીયર રેડ સામેલ છે.

કિંમત અને બુકિંગ

Honda CB300Rને 2.50 લાખ રૂપિયાથી ઓછી કિંમતમાં બજારમાં ઉતારવામાં આવશે. કંપનીએ પોતાની કેટલીક ચોક્કસ ડીલરશિપ પર નવી બાઈકનું બુકિંગ પણ શરૂ કરી દીધું છે. બુકિંગ કિંમત 5,000 રૂપિયા છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2MbUw2O