કાર્તિક આર્યન પાછળ ઘેલી થઈ સારા, મમ્મીએ તેને મેસેજ કરવાની પણ ના પાડી

સારા જોઈ રહી છે જવાબની રાહઃ

જ્યારથી સારા અલી ખાને કૉફી વિથ કરણ પર જાહેરાત કરી છે કે તે કાર્તિક આર્યનને ડેટ કરવા માંગે છે ત્યારથી બંનેની જોડી ડિસ્કશનનો હૉટ ટોપિક બની ગઈ છે. સિમ્બાની અભિનેત્રીએ કહ્યું કે તે રાહ જોઈ રહી છે કે કાર્તિક આર્યન ક્યારે તેને ડેટ પર લઈ જાય.

અમારા ન્યુઝ WhatsApp પર મેળવવા અહીં ક્લિક કરો

મમ્મીએ મેસેજ કરવાની પાડી નાઃ

બીજી બાજુ કાર્તિક આર્યને સારા સાથે કૉફી પીવા જવાની હા પાડી હતી અને સારાનો ફોન નંબર માંગ્યો હતો. હવે સારા એ બીજો ધડાકો કર્યો છે કે તે કાર્તિકને ઈન્સ્ટાગ્રામ પર મેસેજ નહિં કરે કારણ કે તેની માતાએ તેને આમ કરવાની ના પાડી છે.

રાહ જોવાની સલાહઃ

સારાએ તાજેતરમાં આપેલા ઈન્ટરવ્યુમાં કહ્યું- “હું તેને ઈન્સ્ટાગ્રામ પર મેસેજ નથી કરતી. ના ના ના… કેટલી વાર? મેં બધે જ કહ્યું છે. હું એટલી ડેસ્પરેટ નથી. મમ્મીએ કહ્યું કે મારે રાહ જોવી જોઈએ એટલે હું રાહ જોઈ રહી છું.”

કાર્તિક ડેટ પર લઈ જશે તો?

ઈન્ટરવ્યુમાં સારાને પૂછવામાં આવ્યું કે જો કાર્તિક તેને ડેટ પર લઈ જાય તો તે તેને શું કહેશે? સારાએ જવાબ આપ્યો, “હું તેને કહીશ, આપણે કૉફી પીવા કે મૂવી જોવા જઈ શકીએ. ઓહ વાઉ! મને વિશ્વાસ જ નથી થતો કે તેં મને ડેટ પર બોલાવી.”

રણવીરે કરાવી હતી મુલાકાતઃ

ઉલ્લેખનીય છે કે તાજેતરમાં જ મુંબઈમાં એક ઈવેન્ટમાં રણવીર સિંહે સારા અલી ખાન સાથે કાર્તિક આર્યનની મુલાકાત કરાવી હતી અને આંખ મારી હતી. કાર્તિક અને સારા બંને આ સમયે શરમાઈ ગયા હતા.

અનન્યા પાંડેને ડેટ કરી રહ્યો છે કાર્તિક?

બોલિવુડમાં ચાલતી ગોસિપ અનુસાર કાર્તિક આર્યન અને અનન્યા પાંડે (ચંકી પાંડેની દીકરી) વચ્ચે ખીચડી રંધાઈ રહી છે. તે બંને ડેટ નાઈટ પર જતા હતા ત્યારે કેમેરામાં ઝડપાઈ ગયા હતા. બંનેએ ન્યુ યરની ઉજવણી પણ સાથે જ કરી હતી.

કાર્તિકે કર્યો ખુલાસોઃ

જો કે કાર્તિકે આ વાતને રદિયો આપતા કહ્યું હતું કે, “લોકો જાત જાતની વાત કરે તે સ્વાભાવિક છે. અમે સાથે લંચ કે ડિનર લઈએ તો પણ અફવા ઉડવા માંડે છે. અમે ખાલી સાથે ડિનર જ લીધું હતું. મારા વિષે આવુ વાંચીને મને પણ નવાઈ લાગે છે.”

from Page Array – I Am Gujarat http://bit.ly/2CPeJbB