આ વર્ષે સ્ક્રિન પર જોવા મળશે આ નવા સ્ટાર્સ, જાણો કોણ છે આ

જોવા મળશે આ સ્ટાર્સ

ગત વર્ષે બોલિવૂડમાં ઘણા બધા નવા સ્ટાર્સે એન્ટ્રી મારી હતી. જેમાં જાહ્નવી કપૂર, ઈશાન ખટ્ટર, સારા અલી ખાન, રાધિકા આપ્ટે જેવા કલાકારો મેદાન મારી ગયા હતા. આ વર્ષે પણ ઘણા બધા નવા સ્ટાર્સ ફિલ્મસ્ક્રિન પર જોવા મળશે. આ નવા કલાકારો પણ પોતાની એક્ટિંગની સાબિતી આપશે. આ સાથે નવા કલાકારોનું એક અનોખું ટેલેન્ટ જોવા મળશે. આ નવા કલાકારોમાં તારા સુતારિયા જે સ્ટુડન્ટ ઓફ ધ યર-2માં જોવા મળશે.

અમારા ન્યૂઝ WhatsApp પર મેળવવા માટે અહીં ક્લિક કરો

અનન્યા પાંડે

ફિલ્મ સ્ટુડન્ટ ઓફ ધ યર-2માં અનન્યા પાંડે જોવા મળશે. ચંકી પાંડેની પુત્રી આ વર્ષે બોલિવૂડની ફિલ્મમાં જોવા મળશે. તે કાર્તિક આર્યન સાથે ડેટિંગ કરી રહી છે એવા પણ સમાચાર બી-ટાઉનમાં વહેતા થયા હતા. આ વર્ષે અનન્યા પાંડેની એક્ટિંગ દર્શકોને જોવા મળશે. જોકે, તે પોતાની પ્રથમ ફિલ્મથી હિટ જશે કે ફ્લોપ તે જોવાનું છે. થોડા સમય પહેલા અનન્યા પાંડેના એરપોર્ટ પરના ફોટા સોશિયલ મીડિયામાં વાઈરલ થયા હતા.

ખુશી કપૂર

આ વખતે શ્રીદેવની પુત્રી ખુશી કપૂર ફિલ્મ સ્ક્રિન પર જોવા મળે તેવી શક્યતા છે. જોકે, ખુશી કઈ ફિલ્મમાં જોવા મળશે એ હજુ નક્કી થયું છે. જાહ્નવી કપૂર અને ઈશાન ખટ્ટર આ બંને નવા એક્ટરની ફિલ્મ ‘ધડક’ તાજેતરમાં જ આવી હતી. થોડા સમય પહેલા બોની કપૂર સાથે તેના ફોટા સોશિયલ મીડિયાથી બહાર આવ્યા હતા.

ઝહિર ઈકબાલ

ફિલ્મ ‘નોટબુક’થી ઝહિર ઈકબાલ ફિલ્મ સ્ક્રિન પર જોવા મળશે. આ ફિલ્મ કાશ્મીર પર આધારિત છે અને એક પ્રેમકથા છે. જોકે, આ ફિલ્મમાં કાશ્મીરના વિવાદને લગતું કંઈ ન હોવાની આશા વ્યક્ત કરવામાં આવી છે. આ ફિલ્મમાં સિનિયર એક્ટર નુતનની પૌત્રી પ્રનુતન જોવા મળશે. તેણે પણ કહ્યું હતું કે, આ એક યુનિક લવસ્ટોરી છે. આશા છે લોકો તેને અચૂક પસંદ કરશે.

આલિયા ફર્નિચરવાલા

જાણીતી કોલંમીસ્ટ પૂજા બેદીની પુત્રી છે. તે આ કઈ ફિલ્મથી ડેબ્યુ કરશે તે નક્કી નથી પણ આ વર્ષે તે બોલિવૂડની કોઈ ફિલ્મમાં જોવા મળે તેવી પૂરી શક્યતાઓ છે. આલિયા ફર્નિચરવાલા પણ એક સ્ટારકિડ છે. થોડા સમય પહેલા તેણે પોતાની તસવીરો શેર કરી હતી. સૈફઅલી ખાનની આવનારી ફિલ્મ ‘જવાની જાનેમન’માં જોવા મળે એવી શક્યતાઓ છે.

પ્રનુતન બહલ

ફિલ્મ ‘નોટબુક’થી પ્રનુતન બહલ ફિલ્મ સ્ક્રિન પર જોવા મળશે. આ ફિલ્મના નિર્માતા સલમાન ખાન છે. થોડા સમય પહેલા સલમાન ખાને પોતાના ટ્વિટર એકાઉન્ટ પર પ્રનુતનના ફોટા શેર કર્યા હતા. સલમાને લખ્યું હતું કે, ઝહિરની કી હીરઈન મિલ ગઈ. હાલમાં આ ફિલ્મ ઓનસ્ક્રિન થવાની તૈયારીમાં છે.

કરણ દેઓલ

ફિલ્મ ‘પલ પલ દિલ કે પાસ’થી કરણ દેઓલ સ્ક્રિન પર આવી રહ્યો છે. સની દેઓલનો પુત્ર આ ફિલ્મથી બોલીવૂડમાં એન્ટ્રી કરશે. આ અંગે સની દેઓલે કહ્યું હતું કે, હું ખુશ છું કે, પુત્ર સિનેસ્ક્રિન પર આવી રહ્યો છે. આ ફિલ્મનું શુટિંગ મુંબઈના સ્ટુડિયોમાં ચાલી રહ્યું છે. જોકે, ખાસ વાત એ પણ છે કે, આ ફિલ્મમાં એક્ટ્રેસ પણ કરણ સાથે ડેબ્યુ કરી રહી છે.

મિજાન જાફરી

કોમેડી એક્ટર જાવેદ જાફરીનો પુત્ર મિજાન જાફરી બોલીવૂડમાં એન્ટ્રી કરવાની તૈયારીમાં છે. જોકે, મિજાન જાફરી કઈ ફિલ્મથી બોલિવૂડમાં આવશે તે હજુ સ્પષ્ટ થયું નથી. જોકે, બી-ટાઉનમાં થતી ચર્ચા પ્રમાણે મિજાન કોમેડીના બદલે કોઈ ગંભીર રોલ અદા કરે એવી પણ શક્યતાઓ છે.

ઈઝાબેલ કૈફ

ફિલ્મ ‘ટાઈમ ટુ ડાન્સ’થી ઈઝાબેલ કૈફ બોલિવૂડમાં એન્ટ્રી લઈ રહી છે. ઈઝાબેલ કેટરિના કૈફની બેન છે. આ ફિલ્મમાં તે સૂરજ પંચોલી સાથે જોવા મળશે. જોકે, એવી પણ વાત ચર્ચામાં છે કે, આ માટે તેણે સલમાન ખાને સજેશન આપ્યું હતું. આ ફિલ્મના નિર્માતા જાણીતા કોર્યોગ્રાફર રેમો છે. આ ફિલ્મ એબીસીડીની જેમ ડાન્સ પર આઘારિત છે.

સંજના સાંઘી

થોડા સમય પહેલા સુશાંતસિંહ રાજપૂત સાથે શારીરિક શોષણ મામલે ચર્ચામાં આવેલી અભિનેત્રી સંજના સાંઘી આ વર્ષે કોઈ નવી ફિલ્મમાં જોવા મળી શકે છે. આ મામલે સંજનાએ એવી પણ સ્પષ્ટતા કરી હતી કે, કોઈ શારીરિક શોષણ કરવામાં આવ્યું નથી. ફિલ્મ ‘કિજી ઔર મેની’થી સંજના સિનેસ્ક્રિન પર જોવા મળશે.

રાઈઝિંગ ડેંગ્જોપા

ડેનીના પુત્ર રાઈઝિંગ ડેંગ્જોપા આ વર્ષે ફિલ્મોમાં જોવા મળશે. તે સ્ક્વોડથી આ ફિલ્મમાં જોવા મળશે. જોકે, ડેની મોટા ભાગે વિલનના રોલમાં જોવા મળતા જ્યારે રાઈઝિંગ લીડ રોલામાં એક્શન સ્ટાર તરીકે જોવા મળે આવી આશા વ્યક્ત કરવામાં આવે છે.

કરણ કાપડિયા

સિનિયર સ્ટાર ડિમ્પલ કાપડિયાનો ભાણેજ કરણ કાપડિયા સની દેઓલ સાથે જોવા મળશે. આ ફિલ્મનું શુટિંગ લંડનમાં થયું છે. આ ફિલ્મનું નામ હજું જાણવા મળ્યું નથી. આ ફિલ્મમાં સની દેઓલ મુખ્ય રોલમાં છે.

યુલિયા વંતુર

ફિલ્મ ‘રાધા ક્યો ગોરી મે ક્યું કાલા’થી સલમાન ખાનની ફ્રેન્ડ યુલિયા વંતુર સિને સ્ક્રિન પર જોવા મળશે. છેલ્લા કેટલાક સમયથી એવી પણ ચર્ચા હતી કે, સલમાન ખાન સાથે ફિલ્મમાં જોવા મળશે. પણ આ ફિલ્મ સાથે તેનું નામ સામે આવતા સ્પષ્ટતા થઈ ચૂકી છે.

અલિઝા અગ્નિહોત્રી

અતુલ અગ્નિહોત્રી અને અલવીરાની પુત્રી અલિઝા અગ્નિહોત્રી સલમાન ખાનની નવી ફિલ્મ દબંગ-3માં જોવા મળી શકે છે. જો બધું યોગ્ય રહ્યું તો સલમાન પોતાની બેનની પુત્રીનો લૉન્ચ કરશે.હાલમાં તે કોર્યોગ્રાફર સરોજ ખાન પાસે ડાન્સની ટ્રેનિંગ લઈ રહી છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2FDjWFo