ઇક્વિટી મ્યુચ્યુઅલ ફંડમાં રોકાણ ત્રણ મહિનાની નીચી સપાટીએ

67190779

નવી દિલ્હી: ઇક્વિટી મ્યુચ્યુઅલ ફંડ્સમાં નવેમ્બર મહિનામાં ₹8,414કરોડનું રોકાણ થયું છે, જે છેલ્લા ત્રણ મહિનામાં સૌથી ઓછું છે. બજારમાં ઊથલપાથલ વધી જતાં રોકાણકારોએ સાવચેતી રાખી હતી. આ સાથે જ ચાલુ નાણાકીય વર્ષમાં એપ્રિલથી નવેમ્બર દરમિયાન ઇક્વિટીમાં કુલ ₹82,200 કરોડનું રોકાણ થયું છે.

એમ્ફીના આંકડા અનુસાર ઇક્વિટી અને ઇક્વિટી-લિન્ક્ડ સેવિંગ સ્કીમ (ELSS)માં નવેમ્બરમાં ₹8,414 કરોડનું રોકાણ થયું હતું, જે ઓક્ટોબરમાં થયેલા ₹12,622 કરોડના રોકાણ કરતાં ઘણું ઓછું છે. સપ્ટેમ્બરમાં તેમાં ₹11,172 કરોડનું અને ઓગસ્ટમાં ₹8,375 કરોડનું રોકાણ થયું હતું.

સિસ્ટેમેટિક ઇન્વેસ્ટમેન્ટ પ્લાન (SIP) મારફતે નવેમ્બરમાં ₹7,985 કરોડનું રોકાણ થયું હતું, જે ઓક્ટોબરમાં પણ એટલું જ રહ્યું હતું. સમગ્ર રીતે જોતાં મ્યુચ્યુઅલ ફંડ્સમાં કુલ ₹1.4 લાખ કરોડનું રોકાણ નવેમ્બરમાં આવ્યું છે.

લિક્વિડ ફંડ્સમાં સૌથી વધુ ₹1.36 લાખ કરોડનું રોકાણ થયું છે. ગોલ્ડ એક્સ્ચેન્જ ટ્રેડેડ ફંડ્સમાં ₹10 કરોડનું રોકાણ થયું છે. આનાથી વિપરીત, ઇન્કમ ફંડ્સમાંથી ₹6,518 કરોડનું રોકાણ પાછું ખેંચાયું છે.

એમ્ફીના ચીફ એક્ઝિક્યુટિવ એન એસ વેંકટેશે જણાવ્યું હતું કે, “છેલ્લા કેટલાક મહિનાઓથી વોલેટિલિટી છતાં બજારમાં રોકાણ ચાલુ રાખવા રિટેલ રોકાણકારોએ દર્શાવેલી મેચ્યોરિટીને અમે આવકારીએ છીએ. ભારત ઝડપથી વૃદ્ધિ કરી રહેલું અર્થતંત્ર બની રહ્યું છે અને ફુગાવાનો દર પણ ઘટી રહ્યો છે ત્યારે નજીકના ભવિષ્યમાં ઇક્વિટી વધુ સારી કામગીરી કરે તેવી ધારણા છે.”

from Page Array – I Am Gujarat http://bit.ly/2C13ECQ