પોતાની સરનેમમાં ‘પાદુકોણ’ જોડવા માગે છે રણવીર સિંહ!

દીપિકાની સરનેમ અપનાવશે રણવીર?

રણવીર સિંહે બહુ જ ઓછા સમયમાં બોલિવૂડમાં પોતાની એક અલગ ઓળખાણ બનાવી લીધી છે. તેને ફિલ્મોમાં જુદા-જુદા પાત્રોમાં શાનદાર અભિનય માટે જાણીતો છે. તાજેતરમાં જ એક્ટ્રેસ દીપિકા પાદુકોણ સાથે લગ્ન કરી લીધા છે. આ જ સંદર્ભે જ્યારે એક ઈન્ટરવ્યુમાં રણવીરને સરનેમ ચેન્જ કરવા વિશે પૂછવામાં આવ્યું ત્યારે તેણે કહ્યું કે, પોતાની સરનેમમાં સિંહના સ્થાને પાદુકોણ જોડવું તેના માટે ખુશીની વાત હશે.

રણવીરને નથી કોઈ વાંધો

રણવીર સિંહે કહ્યું કે, જ્યારથી તેણે પોતાના સરનેમમાંથી ભવનાની ડ્રૉપ કર્યું છે ત્યારથી તેને બીજી સરનેમ જોઈએ જ છીએ. આવામાં પાદુકોણ સરનેમ લગાવવામાં તેને કોઈ વાંધો નથી. આમ પણ પાદુકોણ સરનેમ પોતાનામાં લેજેન્ડરી છે.

નવેમ્બરમાં કર્યા લગ્ન

જણાવી દઈએ કે, આ કપલ ગત નવેમ્બરમાં ઈટલીના લેક કોમો સાથે લગ્નના બંધને બંધાયું હતું. આ પ્રસંગે તેમના પરિવારજનો અને નજીકના મિત્રો શામેલ રહ્યાં હતા.

આ ફિલ્મોમાં કરી રહ્યાં છે કામ

વર્ક ફ્રન્ટની વાત કરીએ તો, રણવીર ટૂંક સમયમાં ઝોયા અખ્તરની ‘ગલી બૉય’માં જોવા મળશે. આ ફિલ્મમાં તેની સાથે આલિયા ભટ્ટ મુખ્ય ભૂમિકામાં છે. બીજી તરફ દીપિકા મેઘના ગુલઝારની ‘છપાક’માં દેખાશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2RQYB1K