શેરબજાર ઘટીને બંધ: મેટલ અને ઓટો શેર્સ તૂટ્યા

67348823

નવી દિલ્હી: ચીનનો વિકાસદર મંદ પડવાની આશંકા, અમેરિકન ડોલર સામે રૂપિયામાં નરમાઈ અને મેન્યુફેક્ચરિંગ PMIના નબળા આંકડાને પગલે બુધવારે વૈશ્વિક રાહે સેન્સેક્સ 1 ટકા ઘટીને બંધ રહ્યો હતો.

આજે શેરબજારમાં મેટલ, ઓટો, પાવર અને રિયલ્ટી શેરોમાં આક્રમક વેચવાલી જોવા મળી હતી. ઓટો વેચાણના ડિસેમ્બરના નરમ આંકડાને પગલે ઓટો શેરોમાં સેન્ટિમેન્ટ ખરડાયું હતું.

દિવસ દરમિયાન BSE બેન્ચમાર્ક સેન્સેક્સ ઉપરમાં 36,236.70 અને નીચામાં 35,734.01 પોઈન્ટ્સની રેન્જમાં ટ્રેડ થયા બાદ 363.05 પોઈન્ટ્સ ગગગડીને 35,891.52 પોઈન્ટ્સની સપાટીએ બંધ રહ્યો હતો. નેશનલ સ્ટોક એક્સચેંજનો નિફ્ટી પણ ઉપરમાં 10,895.35 અને નીચામાં 10,735.05 પોઈન્ટ્સની રેન્જમાં અથડાયા બાદ 117.60 પોઈન્ટ્સ અથવા 1.08 ટકા ઘટીને 10,792.50 પોઈન્ટ્સની સપાટીએ બંધ રહ્યો હતો.

BSE મિડકેપ અને BSE સ્નોલકેપ ઈન્ડેક્સ અનુક્રમે 1.26 ટકા અને 0.74 ટકા ઘટીને બંધ રહ્યા હતા.

આજે અન્ય શેરબજારોમાં BSE મેટલ 3.56 ટકા, BSE ઓટો ઈન્ડેક્સ 3.01 ટકા, BSE પાવર ઈન્ડેક્સ 1.49 ટકા, BSE રિયલ્ટી ઈન્ડેક્સ 1.31 ટકા ઘટીને બંધ રહ્યા હતા. આજે માત્ર ટેકનો ઈન્ડેક્સને બાદ કરતાં તમામ સેક્ટોરલ ઈન્ડાઈસિસ રેડ ઝોનમાં બંધ રહ્યા હતા.

મંગળવારે અમેરિકન ડોલર સામે રૂપિયો 45 પૈસા ઘટીને 69.89 થયો હતો. આ ઉપરાંત ડિસેમ્બરમાં નિક્કાઈ મેન્યુફેક્ચરિંગ પરચેઝ મેનેજિંગ ઈન્ડેક્સ (PMI) નવેમ્બરના 54ની સરખામણીમાં ઘટીને 53 થયો હોવાથી પણ બજારનું સેન્ટિમેન્ટ ખરડાયું હતું.

from Page Array – I Am Gujarat http://bit.ly/2F28BiE