માલ્યાના સ્વિસ ખાતા બ્લોક થયા, હવે ભારતને મળશે પાસબુક

માલ્યાના બેંક ખાતાની ડિટેઈલ આપશે સ્વિત્ઝરલેન્ડ

નાઓમી કેન્ટન, લંડનઃ સરકારી બેંકો પાસેથી લોન લઈને દેશમાંથી ભાગી ગયેલા બિઝનેસમેન વિજય માલ્યાના ખાતાની જાણકારી સ્વિત્ઝરલેન્ડની સરકાર સીબીઆઈને સોંપવા માટે તૈયાર છે. માલ્યાએ સ્વિત્ઝરલેન્ડની સર્વોચ્ચ અદાલત સામે સીબીઆઈમાં નંબર 2 રહેલા રાકેશ અસ્થાના પર ભ્રષ્ટાચારના આરોપનો મુદ્દો ઉઠાવીને તેમાં પ્રોબ્લેમ લાવવાનો પ્રયાસ કર્યો પરંતુ તે નિષ્ફળ રહ્યો.

4 બેંક ખાતાની મળશે માહિતી

સીબીઆઈએ સ્વિસ ઓથોરિટીને અપિલ કરી હતી કે માલ્યાના 4 બેંક ખાતામાં રહેલા ફંડનો બ્લોક કરી દેવામાં આવે. જિનેવાના સરકારી પ્રોસિક્યુટરે 14 ઓગસ્ટ 2018એ આ મામલે સહમતિ દર્શાવી ઉપરાંત અન્ય ત્રણ ખાતા સાથે જોડાયેલી પાંચ કંપનીઓની જાણકારી શેર કરવાની પણ વાત કરી.

સ્વિત્ઝરલેન્ડની સુપ્રીમ કોર્ટ સુધી ગયો માલ્યા

જાણકારી શેર કરવાનો વિરોધ કરતા માલ્યાની સ્વિલ લીગલ ટીમ સ્વિત્ઝરલેન્ડના સુપ્રીમ કોર્ટમાં પહોંચી અને દલીલ કરી કે ભારતમાં પ્રક્રિયા ગંભીર ખામી છે, કારણ કે માલ્યા વિરુદ્ધ તપાસ કરી રહેલા સીબીઆઈના સ્પેશિયલ ડિરેક્ટર રાકેશ અસ્થાના પોતે જ ભ્રષ્ટાચારના આરોપી છે. માલ્યાએ માનવઅધિકાર પર યુરોપિયન કન્વેશનના આર્ટિકલ 6ની પણ મદદ લીધી.

કોર્ટે ન સ્વીકારી દલીલ

સ્વિત્ઝરલેન્ડના ફેડરલ સુપ્રીમ કોર્ટે નિર્ણયમાં કહ્યું કે માલ્યા વિદેશી પ્રક્રિયામાં ખાણી કાઢવા માટે અધિકૃત નથી. તે અન્ય કોઈ ત્રીજા દેશમાં રહે છે અને ભારતને પ્રત્યાર્પણ બાકી છે. ક્રિમિનલ પ્રક્રિયાના સવાલ પર સંબંધિત દેશ નિર્ણય કરશે, જ્યાં તે હાલમાં રહે છે.

બધા ખાતા બ્લોક કરાયા

સ્વિસ કોર્ટ મુજબ બ્લોક કરાઈ રહેલા 4 એકાઉન્ટમાંથી એક વિજય માલ્યાના નામ પર છે અને અન્ય ત્રણ ડ્રાયટન રિસોર્સેઝ, બ્લેક ફોરેસ્ટ હોલ્ડિંગ્સ અને હેરિસન ફાઈનાન્સના છે. ઉલ્લેખનીય છે કે લીકર કિંગ બિઝનેસમેન વિજય માલ્યાએ સરકારી બેંકોમાંથી 9 હજાર કરોડ રૂપિયાની લોન લીધી અને પછી ડિફોલ્ટર થઈ ગયો. તે દેશ છોડીને બ્રિટનમાં રહે છે.

from I Am Gujarat http://bit.ly/2FOpPQV