INDvsAUS. સિરીઝના આ 6 ખેલાડીઓ છે રીયલ હીરો, જેણે બનાવ્યો ઈતિહાસ

ઓસ્ટ્રેલિયાના કુલ 11 પ્રવાસ

નવી દિલ્હીઃ ટીમ ઈન્ડિયાએ ઓસ્ટ્રેલિયામાં રમાયેલી 4 ટેસ્ટમેચમાં સિરીઝ 2-1થી જીતી લીધી છે. ઓસ્ટ્રેલિયાની ધરતી પર શ્રેણી જીતીને ટીમ ઈન્ડિયાએ ઈતિહાસ રચ્યો છે. ભારત પાસે આ વખતે મોકો હતો કે, ઓસ્ટ્રેલિયાને તેમના જ હોમ ગ્રાઉન્ડ પર પરાજય કરવાનો. આ પહેલા ટીમ ઈન્ડિયાએ 1947-48માં પ્રથમ વખત ઓસ્ટ્રેલિયાનો પ્રવાસ કર્યો હતો. ત્યારથી લઈને અત્યાર સુધીમાં કુલ 11 પ્રવાસ થયેલા છે. પરંતુ, આ વખતે 12માં પ્રવાસમાં ભારતીય ટીમે વિજય કુચ કરી છે.

અમારા ન્યૂઝ WhatsApp પર મેળવવા માટે અહીં ક્લિક કરો

ચેતેશ્વવર પૂજારા

વિરાટ કોહલનીના નેતૃત્વમાં ભારતીય ક્રિકેટ ટીમે 71 વર્ષ બાદ ઓસ્ટ્રેલિયાની ધરતી પર જીત મેળવી છે. આ જીત પાછળ આ ખેલાડીઓનું મહત્ત્વનું યોગદાન રહ્યું છે. ચેતેશ્વર પૂજારા આ સિરીઝમાં મેન ઓફ ધ સિરીઝ બન્યો છે. તેણે ખરા અર્થમાં ટીમ ઈન્ડિયાની વોલ બનાવાનું કામ કર્યું છે. ચાર મેચની સિરીઝમાં તેણે ત્રણ સદી ફટકારી છે. આ સિરીઝમાંથી પૂજારાએ સાબિત કર્યું કે, ટેસ્ટમેચ ખરા અર્થમાં શું હોય છે. ગવાસ્કરથી લઈને સચિન સુધી તમામ સિનિયર ખેલાડીઓએ પૂજારાના ભરપૂર વખાણ કર્યા છે. તેણે ઓસ્ટ્રેલિયા સામેની સિરીઝમાં 500 બનાવીને ઈતિહાસ રચ્યો છે. 500 રન બનાવનાર તે ત્રીજો ભારતીય ખેલાડી છે. આ પહેલા વિરાટે વર્ષ 2014માં 692 રન કર્યા હતા. એ પહેલા રાહુલ દ્રવિડે આવું પર્ફોમ કર્યું હતું. સિડની ટેસ્ટમાં તેણે 193 રન બનાવ્યા હતા.

જસપ્રીત બુમરાહ

જસપ્રીત બુમરાહે જાન્યુઆરી 2018માં ભારત તરફથી પોતાની પ્રથમ ટેસ્ટ મેચ રમી હતી અને ત્યાર બાદ દરેક મેચમાં તેનું પર્ફોમન્સ સુધરતું ગયું છે. બુમરાહે સતત 140 કિમી/કલાકથી બોલિંગ કરી છે. તેના યુનિક એક્શનથી કરેલી બોલિંગનો ઓસ્ટ્રેલિયાના બેટ્સમેન સામનો કરી શક્યા નથી. તેઓ બુમરાહના બોલને સમજી શક્યા નથી. તે ભારત માટે સૌથી સફળ બોલર સાબિત થયો છે. તેણે 4 મેચમાં કુલ 21 વિકેટ લીધી હતી.

રિષભ પંત

રિષભ પંતે આ સિરીઝમાં બેસ્ટ બેટિંગ કરી છે. તે ઓસ્ટ્રેલિયામાં ટેસ્ટ મેચમાં સદી ફટકારનાર પ્રથમ ઈન્ડિયન બેટ્સમેન છે. આ સાથે તે ખૂબ સારો વિકેટકિપર પણ છે. સિડનીમાં તેણે 159 રન ફટકાર્યા હતા. આ તેની કેરિયરની બીજી સદી હતી. પંત સિરીઝમાં સૌથી વધારે રન ફટકારનાર ખેલાડીઓની યાદીમાં બીજા ક્રમે છે. ઓસ્ટ્રેલિયા સામેની સિરીઝમાં એક સિરીઝમાં સૌથી વધુ કેચ પકડનાર બેસ્ટ વિકેટકિપર છે. પંતે સિરીઝમાં કુલ 20 કેચ પકડ્યા છે. પંતે સિરીઝના પ્રથમ મેચમાં 25 અને 28 રન બનાવ્યા હતા. પર્થની કઠિન સ્થિતિમાં તેણે 36 અને 30 રન બનાવ્યા હતા. જ્યારે મેલબોર્નમાં તેણે પ્રથમ દાવમાં 39 અને બીજા દાવમાં 33 રન બનાવ્યા હતા.

કેપ્ટન કોહલી

વિરાટ કોહલીએ આ સિરીઝમાં કુલ 40.28ની એવરેજથી 282 રન ફટકાર્યા છે. આ સિરીઝમાં તેણે એક સદી ફટકારી હતી. ઓસ્ટ્રેલિયા સામેના ટેસ્ટ કેરિયરમાં આ તેની છઠ્ઠી સદી હતી. આ સાથે જ તેણે સચિનના રેકોર્ડની બરોબરી કરી લીધી છે. માઈકલ ક્લાર્કની નજરે પર્થમાં ફટકારેલી સદી કોહલીના કેરિયરની બેસ્ટ સદી છે. જોકે, પર્થમાં બેટિંગ કરવી સરળ ન હતી પણ કોહલીએ બાજી સંભાળી લીધી. બીજા દાવમાં તેણે 82 રન ફટકાર્યા હતા. આ સિવાય આ સિરીઝમાં વિરાટ કોહલીની કેપ્ટનશીપ અને તેના સાહસના પણ ભરપૂર વખાણ થઈ રહ્યા છે.

મહંમદ શમી

શમીએ આ સિરીઝમાં એક પણ તક ચૂકી નથી. શમી ઓસ્ટ્રેલિયાની મહત્ત્વની વિકેટ ઝડપવમાં સફળ થયો હતો. ઓસ્ટ્રેલિયા સામેની આ સિરીઝમાં તેણે કુલ 16 વિકેટ ખેરવી છે. શમિએ એડિલેડ ટેસ્ટમાં પાંચ વિકેટ લીધી હતી. ભારત આ મેચ 31 રનથી જીતી લીધો હતો. પર્થમાં જ્યારે ભારતીય કેપ્ટન વિરાટ કોહલીએ ચાર બોલર સાથે ઊતરવાનો નિર્ણય લીધો ત્યારે શમીએ પણ પોતાનું પર્ફોમન્સ બતાવ્યું હતું. પ્રથમ વખત તે કોઈ વિકેટ લઈ શક્યો ન હતો પણ બીજા દાવમાં તેણે બેસ્ટ બોલિંગ કરી છે. એક સમયે તે હેટ્રિકની નજીક હતો. પેન અને ફિન્ચને સતત આઉટ કર્યા હતા. આ શમીની કેરિયરનું સૌથી બેસ્ટ પર્ફોમન્સ છે. 56 રન આપીને તેણે ઓસ્ટ્રેલિયાની બે મહત્ત્વની વિકેટ ખેરવી નાંખી હતી. તેની બોલિંગની મદદથી ઓસ્ટ્રેલિયા 243 રનમાં સમેટાઈ ગયું હતું. જોકે, ભારત આ વખતે જોઈએ એવો કોઈ ફાયદો ઊઠાવી શક્યુ નહીં.

ઈશાંત શર્મા

સિરીઝના ચોથા મેચમાં ઈશાંત ઈજાગ્રસ્ત થવાને કારણે રમી શક્યો ન હતો. પરંતુ, એક અનુભવી બોલર તરીકે ઈશાંતે 3 મેચમાં કુલ 11 વિકેટ લીધી હતી. ઈશાંતે પોતાની ઊંચાઈનો બરોબર ફાયદો ઊઠાવ્યો હતો. ઓસ્ટ્રેલિયાની એક પણ ભૂલને જતી ન કરીને તેણે સારો એવું પર્ફોમ કર્યું છે.

from Cricket News in Gujarati, ક્રિકેટ સમાચાર, Cricket Updates – I Am Gujarat http://bit.ly/2sdS7LZ