શોખ કામ લાગ્યોઃ
યોગિતા રાવ, મુંબઈઃ ઘણીવાર શોખ માટે કરાયેલું કામ પણ વ્યક્તિનું ભાગ્ય ચમકાવી દે છે. આવું જ મુંબઈના 21 વર્ષના યુવાન અબ્દુલ્લા ખાન સાથે થયું છે. તેણે ભલે IITમાં એડમિશન મેળવીને પરીક્ષા પાસ ન કરી હોય પરંતુ ગૂગલમાં તેને જે સેલેરી ઑફર થઈ છે તેનું સપનુ દરેક આઈઆઈટીયન જોતો હોય છે. આ અઠવાડિયે ખાનને ગૂગલની લંડન ઑફિસમાં જોબની ઑફર મળી છે. તેનું સેલેરી પેકેજ 1.2 કરોડ રૂપિયા છે. આ પેકેજ સામાન્ય રીતે IIT એન્જિનિયરિંગના વિદ્યાર્થીઓને મળતા પેકેજ કરતા 30 ગણું વધારે છે. સામાન્ય રીતે IITના વિદ્યાર્થીઓને 4 લાખનું પેકેજ મળે છે.
હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો
ગૂગલે લંડન બોલાવ્યોઃ
શ્રી એલ.આર. તિવારી એન્જિનિયરિંગ કૉલેજ, મીરા રોડના વિદ્યાર્થી ખાનને ગૂગલે ઈન્ટરવ્યુ માટે બોલાવ્યો હતો. તેની પ્રોફાઈલ એવી સાઈટ પર હતી જે પ્રોગ્રામિંગ સાથે સંકળાયેલી કોમ્પિટિશનનું આયોજન કરે છે. ગૂગલના રિક્રૂટર્સે ખાનની પ્રોફાઈલ જોઈને તેનો ઓનલાઈન ઈન્ટરવ્યુ લીધો. ત્યાર પછી ખાનને આ મહિનાની શરૂઆતમાં ગૂગલના લંડન સ્થિત કાર્યાલયમાં ફાઈનલ સ્ક્રીનિંગ માટે બોલાવવામાં આવ્યો હતો. ખાનના અભ્યાસની વાત કરીએ તો તેણે સાઉદી અરબની સ્કૂલમાં અભ્યાસ કર્યો છે. તે 12મા ધોરણ પછી મુંબઈ આવ્યો હતો.
પેકેજઃ
ખાનને જે પેકેજ મળ્યું છે તેમાં 54.5 લાખ રૂપિયા તેની વાર્ષિક બેઝિક સેલેરી છે. આ ઉપરાંત 15 ટકા બોનસ અને ચાર વર્ષ માટે 58.9 લાખ રૂપિયાની કિંમતના સ્ટોક ઓપ્શન આપવામાં આવ્યા છે. હાલમાં તે બીઈ (કોમ્પ્યુટર સાયન્સ)ના ફાઈનલ યરમાં છે. તે સપ્ટેમ્બરમાં ગૂગલની સાઈટ રિલાયબિલિટી એન્જિનિયરિંગ ટીમમાં શામેલ થશે.
કલ્પના પણ નહતી કે…
ગયા વર્ષે ગૂગલના એક અધિકારીએ ખાનને ઈમેઈલ કર્યો હતો. તેમાં ઉલ્લેખ હતો કે તેમણે ખાનની પ્રોફાઈલ પ્રોગ્રામિંગ સાઈટ પર જોઈ છે અને તે આખા યુરોપમાં અલગ અલગ જગ્યાએ ભર્તી કરી રહ્યા છીએ. ખાને અમારા સહયોગી અખબાર ટાઈમ્સ ઑફ ઈન્ડિયાને જણાવ્યું કે તેને સપનેય ખ્યાલ નહતો કે તેને આટલું મોટું પેકેજ મળશે. ખાને જણાવ્યું, “હું ખાલી પોતાના આનંદ માટે આવી કોમ્પિટિશનમાં ભાગ લેતો હતો. મેં પોતાનો ઈમેઈલ મારા ફ્રેન્ડને દેખાડ્યો. તેણે જણાવ્યું કે તેના એક ઓળખીતાને પણ આવો જ મેઈલ આવ્યો હતો. હું તેમની ટીમમાં શામેલ થવાની રાહ જોઈ રહ્યો છું. આ મારા માટે શીખવાનો અદભૂત અનુભવ રહેશે.”
from Page Array – I Am Gujarat https://ift.tt/2FIC7ZU
No comments:
Post a Comment