રાહુલના મેચ વિનિંગ 71, મુંબઈ સામે પંજાબનો 8 વિકેેટે વિજય

રાહુલ ફોર્મમાં આવ્યો, પંજાબને અપાવી જીત

લોકેશ રાહુલના 57 બોલમાં અણનમ 71, ક્રિસ ગેઈલ અને મયંક અગ્રવાલની અનુક્રમે 40 અને 43 રનની ઉપયોગી ઈનિંગના સહારે કિંગ્સ ઈલેવન પંજાબે IPLની 9મી મેચમાં મુંબઈ ઈન્ડિયન્સને 8 વિકેટે પરાજય આપ્યો છે. આ પંજાબની બીજી જીત છે જ્યારે મુંબઈનો લીગમાં બીજો પરાજય છે. મુંબઈએ આપેલા 177 રનના ટાર્ગેટને પંજાબે 18.4ઓવરમાં 2 વિકેટ ગુમાવી મેળવી લીધો હતો.

પંજાબના ટૉપ ઓર્ડરે દેખાડ્યો દમ

177 રનના ટાર્ગેટનો પીછો કવા ઉતરેલી પંજાબની શરૂઆત સારી રહી હતી. રાહુલ અને ગેઈલે મળીને પ્રથમ વિકેટ માટે 53 રન જોડ્યા હતા. બાદમાં રાહુલે મયંક અગ્રવાલ સાથે મળીને 64 રનની પાર્ટનરશિપ નોંધાવી ટીમને જીતની નજીક લાવી દીધી હતી. મયંકના આઉટ થયા બાદ રાહુલે મોરચો સંભાળ્યો હતો અને ઝડપી બેટિંગ કરી હતી. તે અંતે 71 રન બનાવી નોટઆઉટ રહ્યો હતો અને ટીમને જીત સુધી પહોંચાડી હતી.

ડી કૉકના 60, મુંબઈએ બનાવ્યા 176

અગાઉ પંજાબે ટૉસ જીતી મુંબઈને પ્રથમ બેટિંગમાં ઉતાર્યું હતું. મુંબઈ તરફથી કેપ્ટન રોહિત શર્માએ 32, ક્વિન્ટન ડી કૉકે સૌથી વધુ 60 જ્યારે હાર્દિક પંડ્યાએ 31 રનનું યોગદાન આપ્યું હતું. એક સમયે લાગતું હતું કે, મુંબઈ 200 રનનો સ્કોર બનાવી શકશે પણ છેલ્લી ઓવરોમાં મિડલ ઓર્ડર સારું પ્રદર્શન કરી શક્યો નહોતો જેના કારણે મુંબઈ 20 ઓવરમાં સાત વિકેટે 176 રન બનાવી શકી હતી. પંજાબ માટે શમી, વિલ્જોન અને મુરુગન અશ્વિને 2-2 વિકેટ લીધી હતી.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2U4mTax