ગિફ્ટ આપવામાં મમ્મીથી પાછળ નથી ઈશા, આકાશ-શ્લોકાને લગ્નમાં આપી આ ખાસ વસ્તુ

લગ્નમાં આકાશ-શ્લોકાને મળી મોંઘી ગિફ્ટ

ઈશા અંબાણી અને આનંદ પિરામલ તેમજ આકાશ અંબાણી અને શ્લોકા મહેતાના લગ્ન છેલ્લા થોડા સમયમાં થયેલા સૌથી ભવ્ય લગ્ન હતા. દેશ-વિદેશના મોંઘેરા મહેમાનો, બોલિવુડ સ્ટાર્સનો જમાવડો, ભવ્ય પાર્ટી, જાણીતા વિદેશી સિંગર્સ અને ગુજરાતી છાંટ- આ બધું જ આ બંને લગ્નોમાં ખાસ રહ્યું. લગ્નની તસવીરો અને વીડિયો સોશિયલ મીડિયા પર ખૂબ વાયરલ થયા. એ તો તમે જોયા જ હશે. હવે લગ્નમાં આકાશ અને શ્લોકાને મળેલી ગિફ્ટની ચર્ચા થઈ રહી છે.

ઈશા-આનંદે આપી ખાસ ગિફ્ટ

નીતા અંબાણીએ પુત્રવધૂને ભેટમાં 300 કરોડ રૂપિયાનો હીરાનો હાર આપ્યો ત્યારે ઈશા ભાઈ-ભાભીને ગિફ્ટ આપવામાં કેમ પાછળ પડે? આકાશની જોડકી બહેન ઈશાએ પોતાના વ્હાલા ભાઈ અને ભાભીને લગ્નમાં મોંઘીદાટ ગિફ્ટ આપી છે. ઈશા-આનંદે આકાશ-શ્લોકાને લગ્નમાં ભવ્ય બંગલો ગિફ્ટ આપ્યો છે.

વાંચો, નીતા અંબાણીએ શ્લોકાને આપેલા હારની શું છે ખાસિયત, જાણો

આકાશ દુનિયાનો સૌથી દયાળુ વ્યક્તિ છે: ઈશા

જણાવી દઈએ કે, આકાશ-શ્લોકાના લગ્ન ઈશા-આનંદના પહેલા થવાના હતા. વૉગ મેગેઝિનને આપેલા ઈન્ટરવ્યૂમાં ઈશાએ કહ્યું હતું કે, “આકાશનું હૃદય વિશાળ છે. તેણે મારા માટે પોતાના લગ્નની તારીખ બદલી નાખી. આકાશ અને શ્લોકાની સગાઈ અમારા પહેલાં થઈ હતી. પરંતુ તેણે મને તેના લગ્નની તારીખ આપી દીધી. આકાશ જેટલો દયાળુ વ્યક્તિ આખી દુનિયામાં કોઈ નથી.”

ઈશા-શ્લોકાનું જોરદાર બોન્ડિંગ

ઈશાનું આકાશ અને શ્લોકા સાથે જબરદસ્ત બોન્ડિંગ છે. શ્લોકા અને ઈશા બાળપણના ફ્રેંડ્સ છે. થોડા સમય પહેલાં જ ઈશા અને શ્લોકાની જૂની તસવીર વાયરલ થઈ હતી જેમાં બંને વચ્ચેનું બોન્ડિંગ સ્પષ્ટ જોઈ શકાય છે.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat https://ift.tt/2UTpMaA