એર ઇન્ડિયાની ફ્લાઇટમાં હવે જ્યૂસ નહીં પણ આ દેશી ડ્રિંક મળશે

એર ઇન્ડિયામાં જશો તો જ્યુસ નહીં મળશે આ દેશી ડ્રિંક્સ

ગુલશન રાય ખત્રી, નવી દિલ્હીઃ એર ઇન્ડિયાની ફ્લાઇટમાં હવે પેસેનજર્સને વેલકમ ડ્રિંક્સમાં પેકેજ્ડ જ્યુસની જગ્યાએ દેશી પીણું આપવાની તૈયારી થઈ રહી છે. એટલું જ નહીં બ્રેકફાસ્ટ, લંચ અને ડિનરમાં પણ પેસેન્જર્સને અત્યાર સુધી આપવામાં આવતા ફૂડમાં પણ બદલાવ કરવામાં આવશે. એરલાઇન્સ ડીપ ફ્રાય ફૂડની જગ્યાએ પેસેન્જર્સની હેલ્થને ધ્યાને રાખીને આરોગ્યપ્રદ ફૂડ આપવાની તૈયારી કરી રહ્યું છે. તો પહેલાથી જ કટ થઈ આવતા તૈયાર ફ્રૂડ પેકેટ્સ પણ બંધ કરવા માગે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ફ્રૂટ જ્યુસની જગ્યાએ જલજીરા, તળેલા ફૂડ્સની જગ્યાએ હેલ્ધી ડિશ

સૂત્રો મુજબ આ પ્રકારના ફેરફાર કરતા પહેલા એર ઇન્ડિયા મેનેજમેન્ટે ફ્લાઇટના ક્રૂ મેમ્બર પાસેથી તેમના વિચારો જાણ્યા હતા. કેમ કે ક્રૂ મેમ્બર જ હોય છે જે પ્રવાસીઓ સાથે સીધા સંપર્કમાં આવે છે. તેમજ પ્રવાસીઓ પણ દરેક બાબતે તેમને જ સીધા પોતના સૂચનો આપતા હોય છે. હાલ પૂરતા આ ફેરફાર કેટલાક સિલેક્ટેડ રુટ પર ઇકોનોમિક ક્લાસમાં લાગૂ કરવામાં આવ્યા છે. પરંતુ 1 એપ્રિલથી એર ઇન્ડિયા આ ફેરફાર તમામ સેક્ટર એટલે કે નેશનલ અને ઇન્ટરનેશનલ રુટની ફ્લાઇટના ઇકોનોમિક અને બિઝનેસ ક્લાસમાં લાગુ કરવા જઈ રહ્યું છે. મહત્વપૂર્ણ છે કે બિઝનેસ ક્લાસમાં કાજૂ અને બદામની જગ્યાએ હવે મગની દાળ જેવી આઈટમ પણ આપવામાં આવશે.

પેસેન્જર્સ બોર ન થાય એટલે ફેરફાર

એર ઇન્ડિયાના એક ટોપ અધિકારીએ કહ્યું કે એરલાઇન્સ પાછલા ઘણા સમયથી આ ફેરફાર કરવા માગતી હતી તેવામાં અમારા નિયમિત ગ્રાહકો ફક્ત એક જ મેન્યુ ખાઈને કંટાળી ન જાય માટે આ પ્રકારના ફેરફારના નિર્ણય લેવામાં આવ્યા છે.

from Page Array – I Am Gujarat https://ift.tt/2THNjde