વધુ પાવરફૂલ એન્જિન સાથે મારુતિ સુઝુકીએ લોન્ચ કરી નવી Ciaz, જાણો કેટલી છે કિંમત

નવી Ciaz લોન્ચ થઈઃ

નવી દિલ્હીઃ મારુતિ સુઝુકીએ આજે નવી 1.5 લિટર DDiS 225 ડીઝલ એન્જિન સાથે મારુતિ સિયાઝ લોન્ચ કરી હતી. તેનું એન્જિન જૂના 1.3 લિટર વાળા ડીઝલ એન્જિન કરતા વધારે પાવરફૂલ છે. આ કારને કંપનીએ ઈન-હાઉસ ડેવલપ કરી છે. જ્યારે 1.3 લિટર વાળુ ડીઝલ એન્જિન ફિયાટ પાસેથી લેવામાં આવ્યું હતું. મારુતિ Ciazની એક્સ શોરૂમ કિંમત 9.97 લાખથી 11.37 લાખ વચ્ચે છે.

હવે એક મેસેજ કરી WhatsApp પર મેળવો અમારા ન્યુઝ, Start કરવા અહીં ક્લિક કરો

ખાસિયતઃ

મારુતિ સિયાઝનું નવુ ડીઝલ એન્જિન 4000 rpm પર 94hpનો પાવર અને 1500-25000rpm પર 225Nm પીક ટોર્ક જનરેટ કરે છે. તે જૂના 1.3 લિટર ડીઝલ એન્જિન કરતા 5hp વધારે પાવરફૂલ છે અને 25Nm વધુ ટોર્ક જનરેટ કરે છે. મારુતિ સિયાઝનું નવુ ડીઝલ એન્જિન નવા ડિઝાઈનના 6-સ્પીડ ટ્રાન્સમિશનથી લેસ છે. કંપનીએ દાવો કર્યો છે કારનું ડીઝલ એન્જિન 26.82 કિ.મી પ્રતિ લીટરની માઈલેજ આપશે. આ નવું ડીઝલ એન્જિન સિયાઝના ત્રણ વેરિયન્ટ (Delta, Zeta, Alpha)માં ઉપલબ્ધ છે.

આ સિસ્ટમ હટાવાઈઃ

મારુતિ સુઝુકીનું નવુ એન્જિન BS-VIને અનુકૂળ છે. અત્યાર સુધી તે BS-IVને અનુકૂળ હતું. આવનારા સમયમાં તેને BS-VI મુજબ અપગ્રેડ કરી દેવાશે. સૌથી ખાસ વાત એ છે કે 1.5 લિટર ડીઝલ એન્જિનમાં માઈલ્ડ હાઈબ્રીડ સિસ્ટમ નથી અપાઈ. જૂના 1.3 લિટર વાળા એન્જિનમાં માઈલ્ડ હાઈબ્રિડ સિસ્ટમ હતી. 1.5 લિટર પેટ્રોલ એન્જિન વાળી સિયાઝમાં માઈલ્ડ હાઈબ્રીડ સિસ્ટમ હતી. નવા ડીઝલ એન્જિન ઉપરાંત સિયાઝમાં કોઈ બીજા ફેરફાર કરવામાં નથી આવ્યા. મારુતિની આ કાર મિડ સાઈઝ સિડાન માર્કેટમાં હ્યુન્ડાઈ વર્ના, હોંડા સિટી અને ટોયોટા યારિસને ટક્કર આપે છે.

કિંમતઃ

1.5 લિટર અને 1.3 લિટર ડીઝલ એન્જિન વાળી સિયાઝના વેરિયન્ટ્સની કિંમત નીચે મુજબ છે.

સિયાઝ (વેરિયન્ટ) 1.5 લિટર 1.3 લિટર
Sigma – 9.19 લાખ
Delta 9.97 લાખ 9.80 લાખ
Zeta 11.08 લાખ 10.62 લાખ
Alpha 11.37 લાખ 11.02 લાખ

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat https://ift.tt/2THzdIt