હરિતા દવે, અમદાવાદ: મેટ્રો ટ્રેનના છેલ્લા સ્ટેશન વસ્ત્રાલ ગામથી માંડ એકાદ કિલોમીટર દૂર લોકો પાણી માટે વલખા મારે છે, અને ટેન્કરથી પોતાની જરુરિયાત પૂરી કરે છે પરંતુ પાણીની કોઈ સમસ્યા મેટ્રોને નથી નડતી. એક તરફ લોકો પાસે પીવાનું પાણી નથી, ત્યારે અમદાવાદની મેટ્રો ટ્રેનને ધોવા માટે ROનું પાણી વપરાય છે. મેટ્રો ટ્રેનના એક કોચને અંદર અને બહારથી ધોવા અઠવાડિયામાં 1000 લિટર RO વોટર વપરાય છે.
હવે Whatsapp પર મેળવો તમામ મહત્વના ન્યૂઝ, શરુ કરવા માટે આ લિંક પર ક્લિક કરો
મેટ્રો ટ્રેનને RO વોટરથી કેમ ધોવામાં આવે છે તે સ્વાભાવિક રીતે કૂતુહલનો વિષય છે. જોકે, મેટ્રોના સંચાલન સાથે સંકળાયેલા લોકોનું માનીએ તો, બોરવેલનું પાણી સફ્ટ નથી હોતું અને તેનાથી જો ટ્રેનને ધોવામાં આવે તો તેનાથી મેટ્રોના કોચ પર દાઘ પડી જાય છે. ટ્રેનને ધોવા માટે કલાકનું 500 લિટર પાણી શુદ્ધ કરી શકે તેવો RO પ્લાન્ટ એપરેલ પાર્ક મેટ્રો ડેપોમાં લગાવવામાં આવ્યો છે. રોજનું 100 લિટર RO વોટર ટ્રેનને ધોવામાં વપરાય છે. અઠવાડિયે એકવાર 300 લિટર RO વોટર 1 કોચને અંદરથી ધોવા વપરાય છે.
અઠવાડિયે સરેરાશ 1000 લિટર પાણી મેટ્રો ટ્રેનને ધોવા વપરાય છે. આટલું પાણી શુદ્ધ કરવા RO પ્લાન્ટ 6000 લિટર પાણી વેસ્ટ તરીકે કાઢે છે, અને તેનો ઉપયોગ મેટ્રો સ્ટેશન અને ટોઈલેટ સાફ કરવામાં થાય છે. મેટ્રો ટ્રેન શરુ થયાના 20 દિવસમાં 3000 લિટર RO વોટર ત્રણ કોચ ધરાવતી 1 ટ્રેનને સાફ કરવા વપરાઈ ચૂક્યું છે. ફેઝ-1 પૂર્ણપણે શરુ થઈ જાય ત્યારે તેના પર 32 ટ્રેન અને 96 કોચ દોડતા થઈ જશે.
ગુજરાત મેટ્રો રેલ કોર્પોરેશન લિમિટેડના ચીફ જનરલ મેનેજર (કોર્પોરેટ પ્લાનિંગ) અમિત ગુપ્તાના જણાવ્યા અનુસાર જે બોર ખોદવામાં આવ્યો છે, તેનું પાણી હાર્ડ છે અને તેમાં ખારાશ પણ છે. જો તેનાથી મેટ્રો ટ્રેન ધોવામાં આવે તો તેની મેટલ બોડી અને ગ્લાસ પર દાગ પડી જાય. આખા દેશમાં જ્યાં પણ મેટ્રો ટ્રેન દોડે છે ત્યાં બધે તેની સફાઈ RO વોટરથી જ કરવામાં આવે છે.
વોટર કન્ઝર્વેશન એક્સપર્ટ અને IIT ગાંધીનગરમાં અર્થ સાયન્સના આસિસ્ટન્ટ પ્રોફેસર મનિષ કુમારના જણાવ્યા અનુસાર, જાપાન અને ફ્રાંસ જેવા દેશોમાં મેટ્રો ટ્રેન ધોવા જે પાણી વપરાય છે તેને ફરી ઉપયોગમાં લેવાય છે. જો અમદાવાદનું પાણી હાર્ડ હોય તો 50 ટકા RO વોટર અને 50 ટકા નર્મદાનું પાણી મિક્સ કરી કામ ચલાવી શકાય તેમ છે. માત્ર RO વોટરનો ઉપયોગ કરીને જ મેટ્રો ટ્રેન ધોવી તાર્કિક નથી.
from Page Array – I Am Gujarat https://ift.tt/2V1Husu
No comments:
Post a Comment