જુઓ, ‘તારક મહેતા…’ સીરિયલના 10 વર્ષમાં આટલા બદલાઈ ગયા ‘બબીતાજી’

10 વર્ષમાં કેટલા બદલાયા બબીતાજી?

‘તારક મહેતા કા ઉલ્ટા ચશ્મા’ સીરિયલમાં એક્ટ્રેસ મુનમુન દત્તાનું પાત્ર ‘બબીતા ઐયર’ ગોકુલધામ સોસાયટીમાં સૌથી વધુ સ્ટાઈલિશ છે. બંગાળી એક્ટ્રેસ મુનમુન સીરિયલમાં પણ બંગાળી યુવતીના રોલમાં જ છે જેણે દક્ષિણ ભારતીય યુવક સાથે લગ્ન કર્યા છે. મુનમુન દત્તા ઓફસ્ક્રીન પણ ખૂબ જ સ્ટાઈલિશ અને ફેશનેબલ છે. છેલ્લા 10 વર્ષમાં ‘તારક મહેતા…’ સીરિયલમાં બબીતાજીના લૂક્સમાં કેટલું પરિવર્તન આવ્યું, જુઓ…

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

શોનું સૌથી સ્ટાઈલિશ કેરેક્ટર

બંગાળી એક્ટ્રેસ મુનમુન સીરિયલની જેમ રિયલ લાઈફમાં પણ ફેશનને લઈને જાગૃત છે. ગોકુલધામના મહિલા મંડળમાં ‘બબીતાજી’ને શોની શરૂઆતથી જ સૌથી વધુ સ્ટાઈલિશ બતાવાયા છે.

ટૂંકા વાળ અને રંગીન પેન્ટ

સીરિયલ શરૂ થઈ ત્યારે મુનમુનના વાળ ટૂંકા હતા. સીરિયલના શરૂઆતના વર્ષોમાં બબીતાજીને તમે રંગીન જિન્સ અને શર્ટ અથવા ટોપ પહેરતા જોતા હતા. આ કેઝ્યુઅલ લૂક સાથે મુનમુન પગમાં ટ્રેન્ડી ચપ્પલ પહેરતી હતી.

ગોલ્ડન હેર લૂક

ત્યારબાદના અમુક સમય સુધી બબીતાજીને તમે ગોલ્ડન રંગના વાળમાં જોયા હશે. બબીતાજીને જોઈને લટુડાપટુડા થતાં જેઠાલાલ તેમનો આ લૂક જોઈને ઘેલા ઘેલા થઈ ગયા હતા! જેઠાલાલ હંમેશા બબીતાજીના વખાણ કરતાં રહે છે અને તેમની દરેક વાતમાં હામી ભરે છે. ત્યારે બબીતાજી પણ જેઠાલાલના દરેક વખાણને હળવાશથી હસીને સ્વીકારી લે છે.

ટ્રેડિશનલ ડ્રેસમાં પણ લાગે છે સુંદર

તારક મહેતા કા ઉલ્ટા ચશ્મા ટીવી પર ચાલનારો સૌથી લાંબો શો છે. ગોકુલધામ સોસાયટીના રહેવાસીઓ દરેક તહેવારની ઉજવણી ધામધૂમથી કરે છે. તહેવારો અનુસાર ગોકુલધામના લોકો કપડાં પહેરે છે. ટ્રેડિશનલ લૂકમાં પણ બબીતાજીની સુંદરતા છલકાય છે. મરાઠી મુલગી કે પંજાબી કૂડી મુનમુન દરેક લૂકમાં ખૂબસુરત લાગે છે.

મા દુર્ગા બન્યા હતા

ગોકુલધામમાં દુર્ગાપૂજાનું આયોજન કરવામાં આવ્યું ત્યારે બબીતાજી મા દુર્ગા બન્યા હતા. આ લૂકમાં પણ એક્ટ્રેસ ખૂબ સુંદર લાગતી હતી.

જેઠાલાલ સાથે ડાન્સ

ગોકુલધામમાં કોઈપણ કાર્યક્રમ હોય જેઠાલાલ હંમેશા ઈચ્છે છે કે તેમાં તેના પાર્ટનર બબીતાજી બને. ડાન્સ હોય કે ક્રિકેટ મેચ જેઠાલાલ બબીતાજી તેની સાથે હોય તેવી જ ઈચ્છા રાખે છે. આવા જ એક પ્રોગ્રામમાં જેઠાલાલને બબીતાજી સાથે ડાન્સ કરવાનો મોકો મળ્યો હતો. જેમાં બબીતાએ 80ના દશકાના પોલકા ડોટ ડ્રેસ પહેર્યો હતો.

સિંગાપોરમાં ફેશનનો જાદુ ચલાવ્યો

જેમ જેમ વર્ષો વીતતા ગયા તેમ બબીતા એટલે કે મુનમુનના લૂક બદલાતા ગયા. દરેક લૂકની સાથે તેની સુંદરતા વધતી ગઈ એ વાત તો તમે પણ માનશો! તેના કપડાંએ ઘણી યુવતીઓએ ટ્રાય કર્યા હશે તો કેટલાકને પહેરવાનું મન થયું હશે! હાલમાં સીરિયલમાં સિંગાપોરના એપિસોડ પ્રસારિત થઈ રહ્યા છે ત્યારે બબીતાની ખૂબસુરતી અને ફેશન તમારા ધ્યાને પણ આવી હશે.

from Page Array – I Am Gujarat http://bit.ly/2UG0vng