શૂટિંગ કરતી વખતે ગંભીર રીતે ઈજાગ્રસ્ત થયો આ એક્ટર, ગાલ પર આવ્યા 13 ટાંકા

ઈજાગ્રસ્ત થયો એક્ટર

સર્જિકલ સ્ટ્રાઈક પર બનેલી ફિલ્મ ઉરીમાં પોતાની દમદાર એક્ટિંગ દ્વારા લોકોના દિલ જીતી લેનાર એક્ટર વિકી કૌશલના ફેન્સ માટે ખરાબ સમાચાર છે. એક્ટર સાથે ફિલ્મના સેટ પર એક ગંભીર ઘટના બની છે. એક હોરર ફિલ્મનું શૂટિંગ કરતી વખતે વિકી કૌશલના ચહેરા પર ગંભીર ઈજાઓ પહોંચી હતી.

ગાલ પર આવ્યા 13 ટાંકા

વિકી કૌશલ ડાયરેક્ટર ભાનુપ્રતાપ સિંહની હોરર ફિલ્મના એક સીન માટે શૂટિંગ કરી રહ્યો હતો. આ દરમિયાન તે ઈજાગ્રસ્ત થયો હતો. તેના ચહેરા પર ઈજા થતાં ગાલના હાડકાંમાં ફ્રેક્ટર થઈ ગયું હતું, જેના કારણે ગાલ પર 13 ટાકાં લેવા પડ્યા છે. હાલ તે હોસ્પિટલમાં સારવાર હેઠળ છે.

પર્સનલ લાઈફમાં પણ ચાલી રહ્યો છે ડખો

વિકી કૌશલની પ્રોફેશનલ તો ઠીક પરંતુ પર્સનલ લાઈફમાં પણ કંઈક ઠીક ચાલી રહ્યું નથી. વિકીએ તેની ફિલ્મ ‘મનમર્ઝિયા’ના પ્રમોશન દરમિયાન આપેલા એક ઈન્ટરવ્યૂમાં એ વાત સ્વીકારી હતી કે તે અને હરસીન સેઠી રિલેશનશીપમાં છે. જેના થોડા સમય બાદ બંને વચ્ચે બ્રેક અપ થયું હતું. આ માટે પહેલા કેટરીનાને જવાબદાર ગણવામાં આવી હતી. જે બાદ ભૂમિ પેડનેકરના કારણે બંને વચ્ચે બ્રેકઅપ થયું હોવાનું સામે આવ્યું છે. ફિલ્મના સેટ પર બંને વચ્ચે વધી રહેલી નિકટતાથી હરલીન અપસેટ હતી, જે બાદ તેમના સંબંધો પર પૂર્ણ વિરામ મુકાયું હતું.

‘તખ્ત’માં જોવા મળશે વિકી

વર્ક ફ્રન્ટની વાત કરીએ તો વિકી કૌશલ હવે કરણ જોહરની નેક્સ્ટ ફિલ્મ તખ્તમાં કામ કરી રહ્યો છે. જેમાં તે ઔરંગઝેબના રોલમાં જોવા મળશે. ફિલ્મ 2020માં રિલીઝ થશે જેમાં વિકી સિવાય રણવીર સિંહ, આલિયા ભટ્ટ, ભૂમિ પેડનેકર, જાહ્નવી કપૂર, અનિલ કપૂર અને કરીના કપૂર પણ છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2VViLX5